完整藏文原文 · 德格版页 当前仅加载第 4 函德格 290a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་དེ་རོལ་པའི་རྫིང་དུ་བོར་བ་མཐོང་ནས་དེ་རྣམས་ཀྱིས་གྲོས་བྱ་བར་བརྩམས་པ། འདི་བསད་དམ། ཡང་བསམས་པ། ཤི་ཟིན་པ་འདི་བསད་དེ་ཅི་རུང་། བཅོམ་ལྡན་འདས་ཀྱིས་འདི་ལྟར་ལྷ་སྦྱིན་ངན་སོང་སེམས་ཅན་དམྱལ་བར་
D1.004.0290a01.01བསྐལ་(བར་,པར་)གནས་ཏེ་གསོར་མི་རུང་བའོ་ཞེས་འདི་ལུང་བསྟན་པ་ཉིད་དོ་ཞེས་དེ་རྣམས་ཀྱིས་དེ་བསྐྲད་པ་དང་གཏོར་ཁུང་ནས་བྱུང་སྟེ་བྲོས་པ་ལས་དེའི་གོས་རལ་ཏེ་དུམ་བུ་གཉིས་སུ་གྱུར་ཏོ། །དེས་བསམས་པ། འདི་ནི་ལེགས་ཀྱིས། བདག་གི་ཉན་ཐོས་རྣམས་
D1.004.0290a02.01ལ་བསྐོན་ནོ་སྙམ་མོ། །དེས་དུས་གཞན་ཞིག་ན་ཤཱཀྱ་རྣམས་བསྡུས་ཏེ་སྨྲས་པ། བདག་རྒྱལ་སྲིད་ལ་ཞོག་ཤིག །དེ་རྣམས་ཀྱིས་སྨྲས་པ། བྱང་ཆུབ་སེམས་དཔའི་བཙུན་མོ་ཡོད་ཀྱིས་དེ་རེ་ཞིག་བདག་གིར་བྱོས་ལ། དེ་ནས་ཕྱིས་རྒྱལ་སྲིད་
D1.004.0290a03.01གྱིས་ཤིག་ཅེས་དེ་སྐད་སྨྲས་པ་དང་། ལྷ་སྦྱིན་ཤཱཀྱ་རྣམས་ཀྱི་དོགས་པ་དང་བྲལ་ནས་ཁང་{བཟངས་ཀྱི་,བཟང་གི་}སྟེང་དུ་འཛེགས་ཏེ་གྲགས་འཛིན་མའི་དྲུང་དུ་སོང་སྟེ་ཐལ་མོ་སྦྱར་ཏེ་སྨྲས་པ། ཁྱོད་ཀྱིས་བཀའ་སྩལ་པ་ཉན་གྱིས་ཐུགས་བག་མཛོད་ཅིག་དང་། བདག་གི་
D1.004.0290a04.01བཙུན་མོའི་དམ་པར་བགྱིས་ལ་སེར་སྐྱའི་གཞི་ལ་རྒྱལ་སྲིད་བགྱིའོ། །གྲགས་འཛིན་མ་ནི་རབ་གནོན་ཆེན་པོའི་སྟོབས་དང་ལྡན་པ་ཡིན་པས་དེ་ཁྲི་བཟང་པོ་ལས་ལངས་ནས་ལག་པ་གཉིས་ནས་བཟུང་སྟེ། པུས་མོས་བརྡབས་ནས་དེའི་ལག་པ་གཉིས་ནས་ཁྲག་
D1.004.0290a05.01འཛག་པར་གྱུར་ཏོ། །དེ་སྡུག་བསྔལ་ཚོར་བས་ཉེན་པ་དང་གྲགས་འཛིན་མས་སྨྲས་པ། ཁྱོད་ནི་ངོ་ཚ་མེད་ཅིང་བླུན་པོ་ཡིན་ཏེ། ཁྱོད་ཁོ་མོས་ལག་པ་ནས་བཟུང་བ་གང་ཡིན་པའང་བཟོད་པར་མི་ནུས་པར་ཁོ་མོ་འདོད་དམ། ཁོ་མོའི་ཁྱིམ་ཐབ་ཏུ་ནི་འཁོར་ལོས་སྒྱུར་
D1.004.0290a06.01བའམ། བྱང་ཆུབ་སེམས་དཔའ་འགྱུར་རོ་ཞེས་དེས་སྤྱོས་ནས་དེ་ནས་ཕོ་བྲང་ནང་ནས་བྱུང་བ་དང་། ཤཱཀྱ་རྣམས་ཀྱིས་སྨྲས་པ། སོང་ལ་བཅོམ་ལྡན་འདས་ལ་བཟོད་པ་གསོལ་ཅིག །གལ་ཏེ་ཁྱོད་ལ་བཅོམ་ལྡན་འདས་ཀྱིས་བཟོད་པ་གནང་ན་དེའི་འོག་ཏུ་
D1.004.0290a07.01