完整藏文原文 · 德格版页 当前仅加载第 4 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཤཱཀྱ་ལྔ་བརྒྱ་པོ་འདི་དག་ཡིན་ཏེ། འདི་དག་དང་བཟང་ལྡན་མུ་ལྟོ་བར་གྱུར་པ་ན་རང་སངས་རྒྱས་ལ་སྨོན་ལམ་བཏབ་པ་དེའི་ལས་ཀྱི་རྣམ་པར་སྨིན་པས་ཤཱཀྱ་ལྔ་བརྒྱ་པོ་འདི་རྣམས་ཀྱི་རྒྱལ་པོར་གྱུར་ཏོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་
D1.004.0143a01.01པ་ནི་གཅིག་ཏུ་གནག་པ་ཡིན་ལ་ཞེས་བྱ་བ་ནས་དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ་ཞེས་བྱ་བའི་བར་གོང་མ་བཞིན་དུའོ། །སངས་རྒྱས་བཅོམ་ལྡན་འདས་སྒྲ་ཅན་གྱི་དྲང་སྲོང་ཀུན་རྫི་ཀའི་གནས་ན་བཞུགས་སོ། །དེའི་ཚེ་ལྷུང་བཟེད་རབ་ཏུ་མང་པོ་དང་། བཅོམ་ལྡན་འདས་
D1.004.0143a02.01ཀྱིས་ལྷུང་བཟེད་བླ་གབ་མེད་པར་བཞག་གོ། །དེ་ནས་སྤྲེའུ་ཤིག་ཤིང་སཱ་ལ་ལས་བབས་ནས་ལྷུང་བཟེད་རྣམས་གང་ན་ཡོད་པ་དེར་སོང་བ་དང་། དགེ་སློང་རྣམས་ཀྱིས་ལྷུང་བཟེད་རྣམས་བཅག་ཏུ་འོང་ཞེས་དེ་བཟློག་གོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་
D1.004.0143a03.01པ། དགེ་སློང་དག་སྤྲེའུ་འདིས་ལྷུང་བཟེད་རྣམས་བཅག་པར་མི་འགྱུར་གྱིས་འདི་ལ་མ་བཟློག་ཤིག །དེ་ནས་སྤྲེའུ་དེ་བཅོམ་ལྡན་འདས་ཀྱི་ལྷུང་བཟེད་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ལྷུང་བཟེད་ཁྱེར་ཏེ་ཤིང་སཱ་ལ་དེ་ལ་འཛེགས་ནས་སྦྲང་བུའི་སྦྲང་རྩིའི་དངས་མས་
D1.004.0143a04.01བཀང་སྟེ་རིམ་གྱིས་དལ་བུ་དལ་བུས་ཤིང་སཱ་ལ་ལས་བབས་ནས་བཅོམ་ལྡན་འདས་ལ་ཕུལ་བ་དང་། བཅོམ་ལྡན་འདས་ཀྱིས་དེ་སྲོག་ཆགས་དང་བཅས་པ་ཡིན་པས་མ་བཞེས་སོ། །དེ་ནས་སྤྲེའུ་དེས་མཐའ་གཅིག་ཏུ་སོང་ནས་སྲོག་ཆགས་བསལ་ཏེ་བཅོམ་ལྡན་འདས་ལ་ཕུལ་བ་དང་། བཅོམ་
D1.004.0143a05.01ལྡན་འདས་ཀྱིས་དེ་བརྟགས་པ་མ་ཡིན་ནོ་ཞེས་མ་བཞེས་སོ། །དེ་ནས་སྤྲེའུ་དེ་མཐའ་གཅིག་ཏུ་སོང་སྟེ་ཆུ་གྲང་མོས་བཏབ་ནས་བཅོམ་ལྡན་འདས་ལ་ཕུལ་བ་དང་། བཅོམ་ལྡན་འདས་ཀྱིས་དེ་བརྟགས་པ་བྱས་སོ་ཞེས་བཞེས་སོ། །དེ་ནས་སྤྲེའུ་དེ་བཅོམ་ལྡན་འདས་ཀྱིས་བདག་གི་སྦྲང་རྩིའི་
D1.004.0143a06.01ལྷུང་བཟེད་བཞེས་སོ་སྙམ་དུ་རིག་ནས། དགའ་བ་དང་། མགུ་བ་དང་། དགའ་བ་རྒྱ་ཆེན་པོ་དང་། ཡིད་བདེ་བ་སྐྱེས་ནས་ཐལ་མོ་ཁོང་སྟོང་དུ་སྦྱར་བ་བྱས་ཏེ་ཕྱི་ནུར་དུ་གར་བྱེད་ཅིང་ཕྱག་འཚལ་བ་ལས་དེ་བཅོམ་ལྡན་འདས་ལ་དད་པ་སྐྱེས་ནས་བཅོམ་ལྡན་འདས་ལ་རྟོག་ཅིང་རྒྱབ་ཏུ་མ་བལྟས་
D1.004.0143a07.01