完整藏文原文 · 德格版页 当前仅加载第 4 函德格 214a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷས་ཆར་ཕབ་ནས་ནེའུ་ལེ་ཞིག་བྱི་བའི་ཚང་དུ་ཞུགས་སོ། །སྦྲུལ་ཞིག་ཀྱང་ཆར་པས་སྐྲག་ནས་ཕན་ཚུན་རྒྱུ་བ་ན་དེ་ཉིད་དུ་ཞུགས་སོ། །ཇི་ཙམ་ན་ནེའུ་ལེ་དེས་བྱི་བ་དེ་གསད་པར་བརྩམས་པ་ན་སྦྲུལ་གྱིས་སྨྲས་པ། ཤེས་ལྡན་དག་བདག་ཅག་སྡུག་བསྔལ་མི་བཟད་པ་
D1.004.0214a01.01དོག་པ་ཐོབ་ཀྱིས་གཅིག་ལ་གཅིག་གནོད་པ་མ་བྱེད་པར་མ་འགུལ་བར་འཁོད་ཅིག །དེ་ན་སྦྲུལ་གྱི་མིང་ནི་དགའ་སྡེ་ཞེས་བྱའོ། །ནེའུ་ལེའི་མིང་ནི་དགའ་བོ་ཞེས་བྱའོ། །བྱི་བའི་མིང་ནི་གང་གཱས་བྱིན་ཞེས་བྱའོ། །དགའ་སྡེ་དང་། དགའ་བོས་གང་གཱས་བྱིན་ལ་སྨྲས་པ། ཁྱོད་འཇབ་ཅིང་སོང་
D1.004.0214a02.01ལ་བདག་ཅག་གི་ཁ་ཟས་ཚོལ་ཅིག །དེ་དྲང་ཞིང་བསམ་པ་བཟང་བ་ཡིན་པས་དེ་གཉིས་ཀྱི་ཆེད་དུ་སྙིང་ནས་ཁ་ཟས་བཙལ་བར་བརྩམས་པ་ན་མ་རྙེད་དོ། །དགའ་བོས་དགའ་སྡེ་ལ་སྨྲས་པ། གལ་ཏེ་གང་གཱས་བྱིན་ཁ་ཟས་མེད་པར་འོངས་ན་དེ་ཉིད་བདག་གིས་བཟའ་བར་བྱའོ། །དགའ་སྡེས་བསམས་
D1.004.0214a03.01པ། སྡུག་བསྔལ་མི་བཟད་པ་དོག་པ་ཐོབ་ན་ཡང་འདི་དེ་ལ་གསོད་པར་རྩོམ་ན། གལ་ཏེ་དེ་ཁ་ཟས་མེད་པར་འོངས་ན་ལྟ་སྨོས་ཀྱང་ཅི་དགོས་པས་ཡེ་དེ་ལ་སྤྲིང་བར་བྱའོ་སྙམ་ནས་དེས་དེ་ལ་སྤྲིང་བ། དགའ་བོ་ན་རེ་འདི་སྐད་ཅེས་གལ་ཏེ་གང་གཱས་བྱིན་ཁ་ཟས་མེད་པར་འོངས་ན་དེ་ཉིད་བདག་གིས་
D1.004.0214a04.01བཟའ་བར་བྱའོ་ཞེས་ཟེར་རོ། །གང་གཱས་བྱིན་གྱིས་ཁ་ཟས་བཙལ་བ་ལས་ཅུང་ཟད་ཀྱང་མ་རྙེད་ནས་དེས་བསམས་པ། གདོན་མི་ཟ་བར་དེས་བདག་ཟོས་པར་འགྱུར་རོ་སྙམ་ནས་དེས་དགའ་སྡེ་ལ་སྤྲིང་བ། མི་བཀྲེན་ལྟོགས་པའི་ཤུགས་ཀྱིས་ཡོངས་དུབ་ནས། །ཉམ་ཐག་སྙིང་རྗེ་མེད་པར་འགྱུར་
D1.004.0214a05.01བས་ཁྱོད། །བྱས་པ་ཆུད་གསོན་སེམས་ཅན་དེ་ལ་ནི། །གང་གཱས་བྱིན་པ་ཕྱིར་མི་འོང་ཞེས་གསུངས། །ཞེས་སྤྲིང་ངོ་། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་གང་གཱས་བྱིན་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་ནེའུ་ལེ་དགའ་བོ་གང་ཡིན་པ་དེ་ནི་
D1.004.0214a06.01ལྷ་སྦྱིན་འདི་ཉིད་ཡིན་ཏེ། དེ་ན་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །ད་ལྟར་ཡང་འདི་བྱས་པ་མི་གཟོ་བ་དང་བྱས་པ་མི་ཚོར་བ་ཡིན་ནོ། །གང་གི་ཚེ་མ་སྐྱེས་དགྲས་རྒྱལ་པོ་གཟུགས་ཅན་སྙིང་པོ་ལ་རྡོ་རྗེ་རྩེ་གཅིག་པ་འཕངས་པ་དེའི་ཚེ་རྒྱལ་པོས་དེ་ལ་སྤྱོས་ནས་
D1.004.0214a07.01