完整藏文原文 · 德格版页 当前仅加载第 4 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་སྲིད་བྱས་སོ་ཅོག །དེས་བེའུ་ཡི་ལྟེ་བ་ལྟ་བུ་ཞེས་བྱ་བའི་དུག་མཆོག་ཏུ་རྣོ་བས་སེན་མོའི་གསེབ་བཀང་སྟེ་བཅོམ་ལྡན་འདས་གང་ན་བ་དེར་སོང་ལ། གལ་ཏེ་དགེ་སྦྱོང་གཽ་ཏ་མས་བཟོད་པ་བྱས་ན་དེ་ལྟ་ན་ལེགས། གལ་ཏེ་བཟོད་པ་མ་བྱས་ན་དེ་ཉིད་དུ་དེའི་
D1.004.0290b01.01རྐང་པ་གཉིས་ལ་གཏུགས་ནས་སེན་མོ་བཀང་བའི་དུག་གིས་རྐང་པ་གཉིས་བསྐུ་བར་བྱའོ་སྙམ་དུ་བསམས་ནས། བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བཟོད་པར་གསོལ་ལོ། །བཅོམ་
D1.004.0290b02.01ལྡན་འདས་ཀྱིས་དགོངས་པ། འདི་ཅི་འདྲ་བའི་སེམས་ཀྱིས་ངའི་སྤྱན་སྔར་འོངས་སྙམ་ན་དེ་བསད་པའི་སེམས་ཀྱིས་ཡིན་པར་གཟིགས་ནས། དེ་ནས་བཅོམ་ལྡན་འདས་ཀྱིས་ཞབས་ཀྱི་མཐིལ་ནས་ཞབས་ཀྱི་པུས་མོའི་ལྷ་ང་མན་ཆད་ཤེལ་གྱི་རང་བཞིན་དུ་མངོན་པར་སྤྲུལ་ནས་ཅང་མི་
D1.004.0290b03.01གསུང་བར་བཞུགས་སོ། །དེས་བཅོམ་ལྡན་འདས་ཀྱི་ཞབས་གཉིས་ལ་སེན་མོས་རྨད་བྱུང་བར་བརྩམས་པ་ལས་དེའི་སེན་མོ་ཆག་ནས་དེ་སྐྱེངས་ཏེ་གསོལ་པ། འདི་ལྟར་ཁྱོད་ཀྱིས། གང་དག་སངས་རྒྱས་སྐྱབས་འགྲོ་བ། །དེ་དག་ངན་འགྲོར་འགྲོ་མི་
D1.004.0290b04.01འགྱུར། །ཞེས་གསུངས་པས་ཁྱོད་ལ་སྐྱབས་སུ་མཆིའོ། །གལ་ཏེ་ངན་འགྲོར་མཆི་བར་གྱུར་ན་ཁྱོད་ཀྱི་དེ་{བརྫུན་,རྫུན་}ལགས་པར་འགྱུར་རོ། །ཤིན་ཏུ་དྲག་པོའི་ལས་ཡོངས་སུ་རྫོགས་པར་བྱས་པ་རྣམས་ལ་ནི་ལུས་ཞིག་པ་ལ་མི་སྡོད་པས་དེ་གསོན་པོ་ཉིད་དུ་
D1.004.0290b05.01མནར་མེད་པའི་མེ་འབར་བས་ཀུན་ནས་ཡོག་ནས་ཀུན་དགའ་བོ་ཚིག་གོ། །ཀུན་དགའ་བོ་བསྲེགས་སོ་ཞེས་ངུ་བར་བརྩམས་སོ། །དེ་ནས་ཚེ་དང་ལྡན་པ་ཀུན་དགའ་བོ་རང་གི་སྐྱེ་བོ་ལ་མཉེས་གཤིན་པ། སྙིང་རྗེ་དང་ལྡན་པ། བྱམས་པའི་བདག་ཉིད་ཅན་དེས་
D1.004.0290b06.01སྨྲས་པ། ལྷ་སྦྱིན་ཚུར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་སྐྱབས་སུ་སོང་ཤིག །དེ་སྡུག་བསྔལ་གྱི་ཚོར་བས་ཉེན་ཅིང་ལས་ཀྱི་འབྲས་བུ་མངོན་སུམ་དུ་མཐོང་ནས་བསམ་པ་ཐག་པ་ནས་སེམས་བསྐྱེད་ཅིང་ཚིག་
D1.004.0290b07.01