完整藏文原文 · 德格版页 当前仅加载第 4 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲས་པ། བཙུན་པ་ཤཱ་རིའི་བུ་གལ་ཏེ་དེ་ལྟ་ན་བདག་བློ་གཅིག་པུས་མནར་མེད་པའི་སེམས་ཅན་དམྱལ་བ་ཆེན་པོར་གནས་པར་བཟོད་དོ།། །།འདུལ་བ་གཞི། བམ་པོ་བརྒྱ་རྩ་དགུ་པ་སྟེ་ཐ་མའོ། །དེ་ནས་ཚེ་དང་ལྡན་པ་ཤཱ་རིའི་བུ་དང་།
D1.004.0292b01.01མཽད་གལ་གྱི་བུ་དེ་གཉིས་ཀོ་ཀ་ལི་ཀ་ལ་སོགས་པ་གང་ན་བ་དེར་དོང་བ་དང་། ཇི་ཙམ་ན་ཀོ་ཀ་ལི་ཀའི། ལྕེ་ཐོང་གཤོལ་བརྒྱས་རྨེད་དོ། །མི་མཇེད་ཀྱི་བདག་པོ་ཚངས་པས་ཀོ་ཀ་ལི་ཀ་ལ་སྨྲས་པ། ཀོ་ཀ་ལི་ཀ་དགེ་སློང་ཤཱ་རིའི་བུ་དང་། མཽད་གལ་གྱི་
D1.004.0292b02.01བུ་དེས་པ། ཚངས་པ་མཚུངས་པར་སྤྱོད་པ་ལའོ་བྱམས་པ་དག་ལ་སེམས་དད་པ་སྐྱེད་ཅིག་ཅེས་སྨྲས་པ་དང་། ཀོ་ཀ་ལི་ཀས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་མཐོང་ནས་སྨྲས་པ། སྡིག་པ་ཅན་འདི་གཉིས་འདིར་ཡང་འོངས་པ་ལྟ་
D1.004.0292b03.01ཞེས་ཚིག་ཏུ་སྨྲས་མ་ཐག་ཏུ་ཀོ་ཀ་ལི་ཀའི་ལྕེ་ལ་ཐོང་གཤོལ་སྟོང་གིས་རྨེད་པར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་ཀྱིས་འདི་དག་ལ་ཅི་བྱར་ཡང་མེད་དོ་སྙམ་ནས་སླར་ལོག་སྟེ། འོད་སྲུང་རྫོགས་བྱེད་གང་ན་བ་དེར་དོང་
D1.004.0292b04.01བ་དང་། དེ་ནས་འོད་སྲུང་རྫོགས་བྱེད་ཀྱིས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་ཀྱི་རྐང་པ་ལ་གཏུགས་ནས་སྨྲས་པ། འཕགས་པ་ཤཱ་རིའི་བུ་བདག་གིས་ཆོས་ལོག་པར་བཤད་ནས་སྐྱེ་བོའི་ཚོགས་བསླུས་པ་དེའི་ལས་ཀྱི་རྣམ་པར་སྨིན་པས་
D1.004.0292b05.01བདག་གི་ལྕེ་ལ་ཐོང་གཤོལ་ལྔ་བརྒྱས་རྨེད་དོ། །སློབ་མ་རྣམས་ཀྱིས་ཇི་ལྟ་ཇི་ལྟར་བདག་གི་ཆད་པ་ལ་བགྱི་བ་བགྱིད་པ་དེ་ལྟ་དེ་ལྟར་བདག་གིས་ཆེས་མི་བཟད་པའི་ཚོར་བ་ཉམས་སུ་མྱོང་བ་ལགས་ཀྱིས། བདག་གི་གནས་སྐབས་དེ་དག་ལ་རིག་པར་བགྱིས་
D1.004.0292b06.01ནས། དེའི་ཆད་པ་ལ་བྱ་བ་མ་བྱེད་ཅིག་ཅེས་བཟློག་ཏུ་གསོལ། དེ་བཞིན་དུ་བྱའོ་ཞེས་ཁས་བླངས་ནས། ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་ཀྱིས་དམྱལ་བར་བརྒྱུས་ཏེ་རྫུ་འཕྲུལ་གྱིས་འཛམ་བུའི་གླིང་དུ་ཕྱིན་ནས་དེ་གཉིས་ཀྱིས་
D1.004.0292b07.01