完整藏文原文 · 德格版页 当前仅加载第 4 函德格 159a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུ་སྐྱེས་པར་ཤེས་ནས་ལྷ་སྦྱིན་ལ་འདི་སྐད་ཅེས་སྨྲས་སོ། །ལྷ་སྦྱིན་ཁྱོད་གཟུགས་ལ་ཚུལ་བཞིན་ཡིད་ལ་བྱོས་ཤིག་དང་། ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །ལྷ་སྦྱིན་ཁྱོད་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་
D1.004.0159a01.01པར་ཤེས་པ་ལ་ཚུལ་བཞིན་ཡིད་ལ་བྱོས་ཤིག་དང་། ཁྱོད་རྫུ་འཕྲུལ་དང་གཞན་དག་དང་ཡང་ལྡན་པར་འགྱུར་རོ། །དེ་ནས་ལྷ་སྦྱིན་འདི་སྙམ་དུ་སེམས་ཏེ། གནས་བརྟན་ལྔ་བརྒྱས་ཀྱང་བདག་ལ་རྫུ་འཕྲུལ་གྱི་ལམ་གྱི་ལུང་མ་ཕོག་ན། ཅི་ཚེ་དང་ལྡན་པ་འདི་དག་དང་བཅོམ་ལྡན་
D1.004.0159a02.01འདས་དང་ལྷན་ཅིག་སྔ་ཉིད་ནས་བགྲོས་སམ། འདི་ལྟར་བདག་ལ་སུས་ཀྱང་རྫུ་འཕྲུལ་གྱི་ལམ་གྱི་ལུང་མ་ཕོག་གོ་སྙམ་མོ། །དེ་ནས་ལྷ་སྦྱིན་འདི་སྙམ་དུ་སེམས་ཏེ། སུ་ཞིག་བདག་ལ་རྫུ་འཕྲུལ་གྱི་ལམ་གྱི་ལུང་དབོག་པར་ནུས་སྙམ་མོ། །དེའི་ཚེ་ཚེ་དང་ལྡན་པ་འོད་སྲུང་སྟོབས་བཅུ་
D1.004.0159a03.01ལྡན་རྒྱལ་པོའི་ཁབ་ཀྱི་སྡེ་ཅན་གྱི་ཕུག་ན་འདུག་གོ། །དེ་ནས་ལྷ་སྦྱིན་འདི་སྙམ་དུ་སེམས་ཏེ། གནས་བརྟན་འོད་སྲུང་སྟོབས་བཅུ་ལྡན་འདི་ནི་ཡུན་རིང་པོ་ནས་གཡོ་མེད་པ། སྒྱུ་ཅན་མ་ཡིན་པ། དྲང་པོར་བྱེད་པ། དྲང་པོའི་རང་བཞིན་ཅན་ཡིན་ལ། བདག་གི་ཉེ་མཚམས་ཀྱི་ཕུ་བོ་ཀུན་
D1.004.0159a04.01དགའ་བོའི་ཡང་མཁན་པོ་ཡིན་པས་གནས་བརྟན་འོད་སྲུང་སྟོབས་བཅུ་ལྡན་གྱིས་བདག་ལ་རྫུ་འཕྲུལ་གྱི་ལམ་གྱི་ལུང་དབོག་པར་ནུས་སོ་སྙམ་དུ་བསམས་ནས། ཚེ་དང་ལྡན་པ་འོད་སྲུང་སྟོབས་བཅུ་ལྡན་གང་ན་བ་དེར་སོང་སྟེ་ཕྱིན་ནས་ཚེ་དང་ལྡན་པ་འོད་སྲུང་སྟོབས་བཅུ་ལྡན་གྱི་རྐང་པ་གཉིས་
D1.004.0159a05.01ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ལྷ་སྦྱིན་གྱིས་ཚེ་དང་ལྡན་པ་འོད་སྲུང་སྟོབས་བཅུ་ལྡན་ལ་འདི་སྐད་ཅེས་སྨྲས་སོ། །གནས་བརྟན་བདག་ལ་རྫུ་འཕྲུལ་གྱི་ལམ་གྱི་ལུང་དབོག་ཏུ་གསོལ། དེ་ནས་ཚེ་དང་ལྡན་པ་འོད་སྲུང་སྟོབས་
D1.004.0159a06.01བཅུ་ལྡན་གྱིས་བཅོམ་ལྡན་འདས་ཀྱི་ཐུགས་དང་། དགེ་སློང་གནས་བརྟན་གནས་བརྟན་རྣམས་དང་། ལྷ་སྦྱིན་གྱི་ལ་བལྟས་ན་སྡིག་པའི་འདོད་པ་དེ་ལྟ་བུ་སྐྱེས་པར་གྱུར་པར་མ་རིག་ནས་ལྷ་སྦྱིན་ལ་རྫུ་འཕྲུལ་གྱི་ལམ་གྱི་ལུང་ཕོག་གོ། །དེ་ནས་ལྷ་སྦྱིན་གྱིས་ནམ་གྱི་ཆ་སྟོད་དང་། ནམ་གྱི་ཆ་
D1.004.0159a07.01