完整藏文原文 · 德格版页 当前仅加载第 4 函德格 59b 版页；藏文 NFD、目录标记与异常页序保留在来源切片中，重复版页行以稳定序号区分。
པས་མཚན་མོ་ལ་བབ་པ་ནང་གང་ན་བ་དེར་འོངས་ཏེ་ལྷགས་ནས། ངའི་ཞབས་གཉིས་ལ་མགོ་བོས་ཕྱག་བྱས་ཏེ་དེ་རྣམས་དཔེར་ན་མེའི་ཕུང་པོ་འབར་རབ་ཏུ་འབར། ཀུན་དུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་བཞི་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་པ་ཡིན་
D1.004.0059b01.01ནོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་
D1.004.0059b02.01ཀྱི་ནགས་ཚང་ཚིང་ན་བཞུགས་སོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་ཁ་དོག་འཕགས་པས་མཚན་མོ་ལ་བབ་པ་ན་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་ཕྱག་འཚལ་ཏེ། དེ་དཔེར་ན་མེའི་ཕུང་པོ་འབར་རབ་ཏུ་འབར། ཀུན་དུ་
D1.004.0059b03.01རབ་ཏུ་འབར་ཏེ་མེ་ལྕེ་གཅིག་ཏུ་གྱུར་པ་བཞི་པོ་དེ་དག་བས་ཀྱང་ཆེས་ལྷག་ཅིང་ཆེས་འཕགས་ལ་ཆེས་བཟང་བ་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་གོ། །ལྟེང་རྒྱས་འོད་སྲུང་རལ་པ་ཅན་དེ་ཉིད་ཀྱི་མཚན་མོ་རྒྱུ་སྐར་རྣམས་ལ་བལྟ་བ་ན་བཅོམ་ལྡན་འདས་ཀྱི་སྤྱན་སྔར་མེའི་ཕུང་པོ་ཆེན་
D1.004.0059b04.01པོ་འབར་རབ་ཏུ་འབར། ཀུན་དུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་ཞིག་མཐོང་ངོ་། །མཐོང་ནས་ཀྱང་འདི་སྙམ་དུ་སེམས་ཏེ། དགེ་སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དེ། འདི་ལྟར་དེའི་མདུན་ན་མེའི་ཕུང་པོ་ཆེན་པོ་འབར་རབ་ཏུ་འབར། ཀུན་དུ་རབ་ཏུ་
D1.004.0059b05.01འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་པ་ཞིག་ཡོད་དོ་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་ནང་པར་སྔར་ལངས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་མཁྱེན་པར་མཛད་དུ་
D1.004.0059b06.01གསོལ། འདིར་བདག་མདང་སུམ་རྒྱུ་སྐར་རྣམས་ལ་བལྟ་བ་ན་དགེ་སྦྱོང་ཆེན་པོའི་སྤྱན་སྔ་ན་ཞུགས་ཀྱི་ཕུང་པོ་ཆེན་པོ་འབར་རབ་ཏུ་འབར། ཀུན་དུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བགྱིད་པ་ཞིག་མཐོང་ངོ་། །མཐོང་ནས་ཀྱང་བདག་འདི་སྙམ་དུ་སེམས་ཏེ། དགེ་
D1.004.0059b07.01