完整藏文原文 · 德格版页 当前仅加载第 4 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
སྲིད་ལས་འགྲོ་བ་བསྒྲལ་བར་མཛོད། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའ་དང་། རྒྱགས་སྦྱིན་མ་བརྩོན་འགྲུས་ཤིན་ཏུ་རྨད་དུ་བྱུང་བ་དང་། ཤིན་ཏུ་བྱ་དཀའ་བར་རིག་ནས་སུམ་བཅུ་རྩ་གསུམ་པའི་ཚོགས་ཀྱིས་ཡོངས་སུ་
D1.004.0199a01.01བསྐོར་ཏེ། སྟེང་གི་ནམ་མཁའ་ལས་བསྟི་གནས་དེར་ལྷགས་ནས་སྣང་བ་རྒྱ་ཆེན་པོས་གནས་དེ་གསལ་བར་བྱས་ཏེ། ནམ་མཁའ་ལ་འདུག་བཞིན་དུ་བྱང་ཆུབ་སེམས་དཔའ་ལ་སྨྲས་པ། འདི་ལྟར་འཇིག་རྟེན་རྨོངས་པ་བློ་ངན་གཞུང་གིས་བཅིངས་པའི་བློ་གྲོས་ཅན། །ལོངས་
D1.004.0199a02.01སྤྱོད་ལ་ཆགས་སྙིང་གི་ཞགས་པ་བུ་ཡིས་བཅིངས་པའི་ནང་ན་ཡང་། །ཁྱབ་བདག་ཁྱོད་གཅིག་ཆགས་པ་མེད་པས་དགའ་བསྐྱེད་པའི་བུ་གཏོང་བས། །ངེས་པར་གོ་འཕང་བ་དེ་དང་ཞི་བ་དྲི་མེད་དཀའ་བ་མེད་པས་འཐོབ། །དེ་སྐད་ཅེས་བྱང་ཆུབ་སེམས་དཔའ་སྤྲོ་བ་བསྐྱེད་ནས་ལྷ་
D1.004.0199a03.01རྣམས་ཀྱི་དབང་པོ་བརྒྱ་བྱིན་གྱིས་བསམས་པ། འདི་གཅིག་པུ་གཡོག་དང་བྲལ་ན་ཉོན་མོངས་པར་འགྱུར་གྱིས། མ་ལ་བདག་གིས་རྒྱགས་སྦྱིན་མ་བསླང་ངོ་སྙམ་ནས། དེ་ནས་བྲམ་ཟེའི་ཆ་བྱད་དུ་བསྒྱུར་ཏེ་བྱང་ཆུབ་སེམས་དཔའི་དྲུང་དུ་སོང་ནས་ཡང་བྱང་ཆུབ་སེམས་དཔའ་ལ་
D1.004.0199a04.01སྨྲས་པ། ཡན་ལག་ཀུན་བཟང་ཁྱིམ་ཐབ་ལས། །འཕྱོ་བ་མེད་ཅིང་སྙིང་ཉེ་བ། །རིགས་ན་བསྔགས་པའི་སྲིང་མོ་འདི། །བདག་ལ་བྲན་མོའི་དོན་དུ་སྩོལ། །དེ་ནས་རྒྱགས་སྦྱིན་མ་མི་བཟོད་པ་སྐྱེས་ནས་བྲམ་ཟེ་ལ་སྨྲས་པ། ངོ་ཚ་མེད་ཅིང་བརྐམ་པ་ཁྱོད། །འདི་ནི་
D1.004.0199a05.01བྲམ་ཟེའི་ཐ་ཤལ་ཏེ། །ཁྱོད་ལྟ་འཕྱོན་མ་མི་བྱེད་ཅིང་། །དམ་ཆོས་དགའ་བ་ང་འདོད་དམ། །དེ་ནས་བྱང་ཆུབ་སེམས་དཔའ་ཐམས་ཅད་སྒྲོལ་སྙིང་རྗེ་དང་ལྡན་པའི་སྙིང་གིས་རྒྱགས་སྦྱིན་མ་ལ་བརྟག་པར་བརྩམས་པ་དང་། དེ་ནས་རྒྱགས་སྦྱིན་མས་བྱང་ཆུབ་སེམས་དཔའ་ལ་སྨྲས་པ།
D1.004.0199a06.01བདག་ནི་བདག་ལ་གཡར་ངན་མེད། །དེ་བཞིན་བདག་ལ་ལྟ་མ་ལགས། །གཅིག་པུ་ཇི་ལྟར་བཞུགས་འགྱུར་ཞེས། །དེ་ལྟར་ཁྱོད་སླང་གཡར་ངན་བགྱིད། །དེ་ནས་བྱང་ཆུབ་སེམས་དཔས་རྒྱགས་སྦྱིན་མ་ལ་སྨྲས་པ། གོ་འཕང་མི་ཟད་མྱ་ངན་མེད་པ་ཚོལ་བདག་ལ། །ས་
D1.004.0199a07.01