完整藏文原文 · 德格版页 当前仅加载第 4 函德格 116a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་བར་བརྩམས་པ། དྲང་སྲོང་ཆེན་པོ་བདག་གིས་ཡུལ་ཞིག་ལ་ལྷག་པར་ཞེན་པས་ཁྲོ་བའི་ཀུན་ནས་དཀྲིས་པའི་བློ་གྲོས་ཀྱིས་ཁྱོད་ལ་གནོད་པ་བགྱིས་པ་བཟོད་པར་གསོལ་ལོ། །བཟོད་པ་སྨྲ་བས་སྨྲས་པ། རྒྱལ་པོ་ཆེན་པོ་བཟོད་དོ། །སུས་འཚལ།
D1.004.0116a01.01དེས་ཚིགས་སུ་བཅད་པས་སྨྲས་པ། ལུས་ལ་མཚོན་གྱིས་འདེབས་པ་ནའང་། །བདག་ནི་སེམས་ཅན་ཀུན་ལ་བྱམས། །གལ་ཏེ་ཁྱོད་ཡིད་མི་ཆེས་ན། །བདག་གི་ཁྲག་འཛག་པ་ལ་ལྟོས། །དེའི་ཁྲག་འོ་མའི་ཐིགས་པར་འཛག་པའི་ཆོ་འཕྲུལ་རྒྱལ་པོ་སྡིག་པའི་ལས་བྱེད་
D1.004.0116a02.01པ་དེ་ལ་བསྟན་ན། འོན་ཀྱང་ཡིད་ཆེས་པར་མ་གྱུར་ནས་དེས་ཡང་སྨྲས་པ། དྲང་སྲོང་ཆེན་པོ་བཟོད་པར་གསོལ་ལོ། །རྒྱལ་པོ་ཆེན་པོ་བཟོད་དོ། །སུས་འཚལ། དེ་ནས་བྱང་ཆུབ་སེམས་དཔས་ཡན་ལག་དང་ཉིང་ལག་གཏུབས་པའི་གནས་རྣམས་ཇི་ལྟ་བ་བཞིན་དུ་བཞག་ནས་
D1.004.0116a03.01བདེན་པ་གསོལ་བའི་ཕྱིར་ཚིགས་སུ་བཅད་དེ་སྨྲས་པ། རྒྱལ་པོ་ཁྱོད་ཀྱིས་བདག་གི་ལུས། །གཏུབས་ཀྱང་ཤིན་ཏུ་ཕྲ་བ་ཡི། །ཞེ་སྡང་འདི་ལྟར་ཡོད་མིན་ན། །བདག་ལུས་ཇི་ལྟར་སྔོན་བཞིན་ཤོག །དེས་བདེན་པའི་ཚིག་གསོལ་བས་ལུས་སྔོན་གྱི་ཇི་ལྟ་བ་བཞིན་དུ་གྱུར་ཏོ། །
D1.004.0116a04.01དེ་ནས་རྒྱལ་པོ་ཡ་མཚན་གྱིས་མིག་ཕྱེ་ནས་ཚིགས་སུ་བཅད་པས་སྨྲས་པ། ཀྱེ་མའོ་ཆོས་ལ་ལེགས་གནས་པས། །ཀྱེ་མ་བརྟུལ་ཞུགས་འདི་གྲུབ་སྟེ། །ལུས་ལ་གཏུབ་པར་བྱེད་པ་ན། །ཁྱོད་ལ་མི་དགའ་ཅི་ཡང་མེད། །རྒྱལ་པོ་འཐབ་མོ་སྐྱེས་བཙུན་མོ་དང་། བློན་པོ་
D1.004.0116a05.01དང་། གྲོང་མི་དང་། ཡུལ་མི་དང་བཅས་པས་དྲང་སྲོང་དེའི་རྐང་པ་ལ་མགོ་བོས་ཕྱག་བྱས་ཏེ་དོང་ངོ་། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་བཟོད་པ་སྨྲ་བ་གང་ཡིན་པ་དེ་ནི་ང་ཉིད་ཡིན་ནོ། །རྒྱལ་པོ་འཐབ་མོ་སྐྱེས་གང་ཡིན་པ་དེ་ནི་དགེ་སློང་ཀཽཎྜི་ནྱ་འདི་ཉིད་
D1.004.0116a06.01ཡིན་ཏེ། ངས་དེ་ལ་བྱམས་པའི་སེམས་བསྐྱེད་ཅིང་སྨོན་ལམ་དུ་དགེ་བའི་རྩ་བ་འདིས་བདག་གིས་དེ་ལ་ཡང་ནས་ཡང་དུ་རྨེད་ཅིང་ཉོན་མོངས་པ་གཅོད་པར་གྱུར་ཅིག་ཅེས་བཏབ་པའི་སྨོན་ལམ་གང་ཡིན་པ་དེའི་དབང་གིས། ད་ལྟར་ཡང་དེ་བཞིན་གཤེགས་པ་དེ་ལ་ཆོས་བཤད་ནས་ཡང་
D1.004.0116a07.01