完整藏文原文 · 德格版页 当前仅加载第 4 函德格 177b 版页；藏文 NFD、目录标记与异常页序保留在来源切片中，重复版页行以稳定序号区分。
དགས་ཀྱི་དཔོན་པོ་ཐོང་ཐོང་གཟུ་ལུམས་མ་བྱེད། མི་འདི་དག་ནི་བྱས་པ་མི་གཟོ་ཞིང་བྱས་པ་མི་སེམས་པ་ཡིན་ནོ། །བྱང་ཆུབ་སེམས་དཔའ་བདག་ཉིད་ཆེན་པོ་རྣམས་ནི་མི་ཟློགས་པ་ཡིན་པས་དེས་དེའི་ཚིག་མ་མཉན་པར་འབབ་ཆུ་དེའི་ནང་དུ་ཞུགས་ཏེ། བུ་གཅིག་པ་སྡུག་
D1.004.0177b01.01པ་བཞིན་དུ་མི་དེ་རྒྱབ་ཏུ་ཞོན་ནས་ཆུའི་འགྲམ་དུ་ཕྱུང་སྟེ། བཅིངས་པ་རྣམས་བཀྲོལ་ཞིང་ཡུད་ཙམ་ཅིག་དབུགས་ཕྱུང་ནས་སྨྲས་པ། བུ་ལམ་འདི་ནས་ཅི་དགའ་བར་སོང་ཤིག །དེ་ནས་མི་དེས་ཐལ་མོ་སྦྱར་ཏེ། {རི་དགས་,རི་དྭགས་}ཀྱི་དཔོན་པོའི་རྐང་པ་གཉིས་ལ་གཏུགས་
D1.004.0177b02.01ནས། འདི་སྐད་ཅེས་སྨྲས་པ། ཁྱོད་ཀྱིས་བདག་གི་སྲོག་གང་ལགས། །འཇིག་རྟེན་རྙེད་དཀའ་སྩལ་པས་ན། ཡབ་གཅིག་ཁྱོད་ཀྱི་འབངས་བདག་སྟེ། །དེ་བཞིན་གོ་རེ་ལོང་ཡང་བགྱི། །དེས་སྨྲས་པ། དེང་ཁྱོད་བདག་གི་བྲན་དང་ནི། །གོ་རེ་ལོང་ཡང་
D1.004.0177b03.01མ་བྱེད་པར། །པགས་པའི་ཕྱིར་ནི་བསད་འོང་གིས། །ཁྱོད་ཀྱིས་བདག་གཞན་མ་བསྟན་ཅིག །བུ་ཁྱོད་ཀྱིས་མདོར་བྱ་བ་ནི་འདི་ཡིན་ཏེ། ཁོ་བོའི་ལུས་འདི་འཇིག་རྟེན་ཐམས་ཅད་ཀྱིས་ཤིན་ཏུ་ཆགས་པར་བྱ་བ་དང་། འདོད་པར་བྱ་བ་ཡིན་པས་ཁྱོད་ཀྱིས་ཁོ་བོ་
D1.004.0177b04.01སུ་ལ་ཡང་མ་བསྟན་དང་། བྱས་པ་ལ་ལན་དུ་ཕན་བཏགས་པ་ཡིན་ནོ། །དེ་ནས་མི་དེས་དེ་བཞིན་དུ་བགྱིའོ་ཞེས་ཁས་བླངས་ནས། {རི་དགས་,རི་དྭགས་}ཀྱི་དཔོན་པོ་ལ་ལན་གསུམ་བསྐོར་བ་བྱས་ཏེ་རྐང་པ་ལ་གཏུགས་ནས་སོང་ངོ་། །ཇི་ཙམ་དུས་གཞན་ཞིག་ན་བཙུན་མོ་ཟླ་འོད་མ་
D1.004.0177b05.01རྩེད་མོས་དུབ་ནས་མལ་ཆེན་པོར་ལེགས་པར་གཉིད་ལོག་པ་ལས་མཚན་མོའི་ཐུན་ཐ་མ་ལ་རྨི་ལམ་དུ་{རི་དགས་,རི་དྭགས་}ཀྱི་དཔོན་པོ་གཟུགས་མཆོག་ཏུ་སྡུག་པ་ཞིག་སེང་གེའི་ཁྲི་ལ་འདུག་ནས། རྒྱལ་པོའི་འཁོར་མང་པོ་ལ་ཆོས་འཆད་པར་མཐོང་ངོ་། །མཐོང་ནས་ཀྱང་མངོན་
D1.004.0177b06.01སུམ་དུ་གྱུར་པ་བཞིན་དུ་རྨི་ལམ་དུ་རྨིས་པས། ཡིད་བདེ་བ་སྐྱེས་ནས་མྱུར་བ་མྱུར་བར་མལ་ནས་ལངས་ཏེ་རྒྱལ་པོ་ལ་སྨྲས་སོ། །རྒྱལ་པོས་ཐོས་ནས་ཀྱང་དེའི་བདེན་པའི་རྨི་ལམ་གྱི་ཁྱད་པར་ལ་མཆོག་ཏུ་ངོ་མཚར་སྐྱེས་ཏེ། མི་འདོད་པའི་འགྲོ་བར་སྐྱེས་པ་དེས་གོ་ཇི་ལྟར་
D1.004.0177b07.01