完整藏文原文 · 德格版页 当前仅加载第 4 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
འཐབ་མོ་ཆེན་པོ་བྱུང་བས་དེའི་སླད་དུ་ཁྱེའུའི་མིང་འཐབ་མོ་སྐྱེས་སུ་གདགས་སོ་ཞེས་བཏགས་སོ། །རྒྱལ་པོ་ཚངས་སྦྱིན་ནི་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་འཇུག་སྟེ། གཞོན་ནུ་ཀ་ཤི་མཛེས་{དགའས་,དགས་}ཕ་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་འཇུག་པ་མཐོང་ངོ་། །
D1.004.0112b01.01མཐོང་ནས་ཀྱང་དེ་འདི་སྙམ་དུ་སེམས་ཏེ། བདག་ཀྱང་ཡབ་འདས་ན་རྒྱལ་པོར་འགྱུར་ཞིང་བདག་གིས་ཀྱང་ཆོས་དང་ཆོས་མ་ཡིན་པས་རྒྱལ་སྲིད་བྱེད་དུ་བཅུག་ནས་དམྱལ་བར་གཞོལ་བར་འགྱུར་གྱིས། མ་ལ་བདག་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱའོ་སྙམ་ནས་དེ་ཕའི་དྲུང་དུ་སོང་
D1.004.0112b02.01སྟེ་རྐང་པ་ལ་གཏུགས་ཏེ་སྨྲས་པ། ཡབ་གནང་བར་མཛད་དུ་གསོལ། བདག་ཁྱིམ་ནས་ཁྱིམ་མ་མཆིས་པར་རབ་ཏུ་འབྱུང་ལགས་སོ། །དེས་སྨྲས་པ། བུ་གང་གི་དོན་དུ་མཆོད་སྦྱིན་མཆོད་པར་བྱེད། སྦྱིན་སྲེག་སྲེག་པར་བྱེད། དཀའ་ཐུབ་ཀྱིས་གདུང་བར་བྱེད་པའི་རྒྱལ་སྲིད་
D1.004.0112b03.01ཁྱོད་ཀྱི་ལག་ཏུ་འོངས་ན་ཅིའི་ཕྱིར་རྒྱལ་སྲིད་སྤངས་ཏེ་རབ་ཏུ་འབྱུང་། དེས་ཚིགས་སུ་བཅད་པས་སྨྲས་པ། ནགས་ན་ཤིང་ཤུན་རྩྭ་གྱོན་ཞིང་། །རྩ་བ་འབྲས་བུ་འཆའ་བ་དང་། །{རི་དགས་,རི་དྭགས་}གདུག་པ་རྣམས་དང་ནི། །ལྷན་ཅིག་གནས་པ་མཆོག་ལགས་ཀྱི། །འཇིག་རྟེན་ཕ་
D1.004.0112b04.01རོལ་འཇིག་བྱེད་པའི། །མཁས་པས་རྒྱལ་སྲིད་སླད་དུ་ནི། །གསོད་དང་བཅིང་དང་རྡེག་པ་དག །བགྱིད་པ་དེ་ལྟ་མ་ལགས་སོ། །རྒྱལ་པོས་སྨྲས་པ། གཞོན་ནུ་ཤེས་པར་གྱིས་ཤིག །ཁྱོད་ནི་ངའི་བུ་གཅིག་པ་སྡུག་པ། ཡིད་དུ་འོང་བ། བཟོད་པ། མི་མཐུན་
D1.004.0112b05.01པ་མེད་པ་ཡིན་ཏེ། ང་ཤི་བར་གྱུར་ན་མི་འདོད་བཞིན་དུ་ཁྱོད་དང་འབྲལ་གྲང་། གསོན་བཞིན་དུ་ལྟ་ག་ལ་བཏང་། གཞོན་ནུ་ཀ་ཤི་མཛེས་{དགའས་,དགས་}སྨྲས་པ། ཡབ་གལ་ཏེ་གནང་ན་དེ་ལྟ་ན་ལེགས། གལ་ཏེ་མི་གནང་ན་འཚལ་མ་ཡང་མི་འཚལ། ཕྱག་ཡང་མི་འཚལ་
D1.004.0112b06.01ལོ། །དེ་ན་གཞོན་ནུ་ཀ་ཤི་མཛེས་{དགའས་,དགས་}ཉི་མ་གཅིག་ཀྱང་ཟན་གཅད་པ་བྱས་པ་ནས། གཉིས་དང་། གསུམ་དང་། དྲུག་གི་བར་དུ་ཟན་གཅད་པ་བྱས་སོ། །དེ་ནས་རྒྱལ་པོ་ཚངས་སྦྱིན་གྱིས་གཞོན་ནུ་ཀ་ཤི་མཛེས་དགའ་ལ་འདི་སྐད་ཅེས་སྨྲས་སོ། །བུ་གཞོན་ནུ་
D1.004.0112b07.01