完整藏文原文 · 德格版页 当前仅加载第 4 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་བཟང་པོ་དང་། བག་རྐྱོང་ཞིང་གནས་པ་ན་རྟོག་ཅིང་འཁོད་དོ། །བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་ངང་པ་རྣམས་ཀྱི་དཔོན་པོ་ཞིག་ག་ཞིག་ནས་འདིར་མཆིས་ཏེ་ཚངས་ལྡན་གྱི་རྫིང་དུ་བབས་ནས་ངང་པ་བརྒྱ་ཕྲག་དུ་མས་ཡོངས་སུ་བསྐོར་ཅིང་གཟུགས་
D1.004.0243a01.01བཟང་པོས་ཆབ་ན་རྒྱུ་བའི་འདབ་ཆགས་ཐམས་ཅད་ཟིལ་གྱིས་མནན་ནས་འཇིག་རྟེན་དགའ་བ་བསྐྱེད་ཅིང་བག་རྐྱོང་ཞིང་མཆིས་ལགས་སོ། །རྒྱལ་པོས་སྨྲས་པ། ཤེས་ལྡན་དག་གལ་ཏེ་དེ་ལྟ་ན་བྱ་པ་རྣམས་ཁུག་ཤིག །དེ་རྣམས་ཀྱིས་བཀུག་པ་དང་རྒྱལ་པོས་བསྒོ་བ། ཤེས་ལྡན་
D1.004.0243a02.01དག་ཚངས་ལྡན་གྱི་རྫིང་ན་ངང་པའི་དཔོན་པོ་གཟུགས་མཆོག་ཏུ་བལྟ་ན་སྡུག་པ་ཞིག་གཞིག་ནས་འོངས་སོ་ཞེས་ཐོས་ཀྱིས་ཁྱེད་ཀྱིས་དེ་གཅིག་པུ་རྙིས་མ་སྣད་པར་ཟུང་ལ་ང་ལ་ཕུལ་ཅིག །དེ་རྣམས་ཀྱིས་དེ་མཆོག་ཏུ་རྙི་འཇམ་པོས་མ་སྣད་པར་གཟུང་བ་དང་དེས་ཚིགས་སུ་བཅད་དེ་སྨྲས་པ།
D1.004.0243a03.01ཁོ་བོ་རྙིས་ནི་དམ་པོར་བཟུང་ཟིན་ཏེ། །མི་ཡི་དབང་དུ་སོང་བས་ཁོ་བོ་ལ། །ཅི་བྱར་མེད་ཀྱིས་ངང་པའི་ཚོགས་དེང་དེ། །མ་དྲོས་པར་ནི་མྱུར་དུ་འདོད་བར་གྱིས། །ངང་པ་གཅིག་གིས་ལྔ་བརྒྱར་མ་ཚང་བ་ནི་བྲོས་སོ། །གཅིག་པུ་ཞིག་རྙིས་ཟིན་པ་དེ་ཉིད་ལ་མྱ་ངན་བྱེད་ཅིང་འདུག་པ་དེ་བྱ་པ་
D1.004.0243a04.01རྣམས་ཀྱིས་མཐོང་ནས་མཆོག་ཏུ་ངོ་མཚར་སྐྱེས་ཞིང་རྒྱལ་པོས་སྐྲག་ནས་མ་བཟུང་མ་བསད་དེ། དེ་རྣམས་ཀྱིས་ངང་པའི་དཔོན་པོ་དེ་ཁྱེར་ནས་རྒྱལ་པོའི་དྲུང་དུ་སོང་བ་དང་། ཅིག་ཤོས་མ་བཟུང་བ་དེ་ཡང་ཆགས་པའི་རྙིས་བཟུང་བས་རང་ཉིད་འོངས་སོ། །ངང་པའི་དཔོན་པོ་རྒྱལ་པོ་ལ་
D1.004.0243a05.01ཕུལ་བ་དང་། རྒྱལ་པོས་སྨྲས་པ། ཤེས་ལྡན་དག་ཅིག་ཤོས་འདི་ཅིའི་ཕྱིར་ཁྱེར་ཏེ་འོངས་དེ་རྣམས་ཀྱིས་སྨྲས་པ། ལྷ་བདག་ཅག་གིས་འདི་མ་བཟུང་མོད་ཀྱི་རང་ཉིད་མཆིས་ལགས་སོ། །རྒྱལ་པོ་མཆོག་ཏུ་ངོ་མཚར་སྐྱེས་ཏེ་སྨྲས་པ། གདོན་མི་ཟ་བར་འདི་ནི་དེའི་ཆུང་མ་ཡིན་
D1.004.0243a06.01པས་འོངས་ཀྱིས་ངང་པའི་དཔོན་པོ་འདི་དང་སྤ་ཤུག་ལྷན་ཅིག་ཐོང་ལ་ཁྱེད་ཅག་སུ་ཡང་འདི་གཉིས་མ་གསོད་ཅིག །བྱ་པ་རྣམས་ཀྱིས་སྨྲས་པ། ལྷ་གཞན་གྱིས་བཀུམ་དུ་མཆིས་བཀའ་སྩལ་དུ་གསོལ། རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་དེང་ལ་གྲོང་ཁྱེར་བཱ་རཱ་ཎ་སཱིར་
D1.004.0243a07.01