完整藏文原文 · 德格版页 当前仅加载第 4 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
ལྕེ་གཉིས་དག་ནི་འབྱུང་བར་འགྱུར། །རྒྱལ་པོ་བདེན་པར་གསུང་ཤིག་ཀྱེ། །སྔོན་གྱི་ཇི་ལྟ་བཞིན་དུ་འགྱུར། །གལ་ཏེ་{བརྫུན་,རྫུན་}ནི་གསུང་མཛད་ན། །སེམས་པ་འོག་ཏུ་ངེས་པར་བཞུད། །དེ་ལྟར་རྒྱལ་པོ་སེམས་པ་ཡིས། །ཤིན་ཏུ་
D1.004.0296a01.01མི་བཟད་ལས་བྱས་ནས། །སྡིག་པ་བྱེད་པ་རྣམས་ཀྱི་གནས། །དམྱལ་བ་མནར་མེད་ཐོབ་པར་གྱུར། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་ཕུ་བོ་ཤོས་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་རྒྱལ་པོ་སེམས་པ་
D1.004.0296a02.01གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེ་ན་ཡང་འདི་ངས་སྨྲས་པའི་ཚིག་མ་མཉན་པས་མནར་མེད་པའི་སེམས་ཅན་དམྱལ་བ་ཐོབ་བོ། །ད་ལྟར་ཡང་འདི་ངས་སྨྲས་པའི་ཚིག་མ་མཉན་པས་མནར་མེད་པའི་སེམས་ཅན་དམྱལ་བ་ཐོབ་བོ། །དགེ་སློང་
D1.004.0296a03.01རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་སྨན་པར་གསུངས་པའི་བཀའ་ལྷ་སྦྱིན་གྱིས་མ་མཉན་པར་གྱུར་པས་མནར་མ་མཆིས་པར་གཞོལ་བར་གྱུར་པ་ལ་གཟིགས།
D1.004.0296a04.01བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདི་ལྟར་ངས་ཕན་པར་སྨྲས་པའི་ཚིག་མ་མཉན་པས་ཚུལ་མ་ཡིན་པས་སྡུག་བསྔལ་བར་གྱུར་པ་དེ་ཉོན་ཅིག །དགེ་སློང་
D1.004.0296a05.01དག་སྔོན་བྱུང་བ་རི་འོར་ཞིག་ན་འཁྲུལ་འཁོར་གྱི་སློབ་དཔོན་ཞིག་གནས་ཏེ། དེས་རིགས་མཉམ་པ་ལས་ཆུང་མ་བླངས་ནས། དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དེ། དེ་རྩེ་བར་བྱེད། དགའ་བར་བྱེད།
D1.004.0296a06.01དགའ་མགུར་སྤྱོད་པར་བྱེད་པ་ལས་དུས་གཞན་ཞིག་ན་ཆུང་མ་སེམས་ཅན་དང་ལྡན་པར་གྱུར་ཏེ། དེ་ཟླ་བ་བརྒྱད་དམ་དགུ་ལོན་པ་ན་ཁྱེའུ་ཞིག་བཙས་སོ། །བཙས་ནས་ཉི་མ་བདུན་གསུམ་ཉི་ཤུ་གཅིག་ཏུ་དེའི་བཙས་པའི་བཙས་སྟོན་རྒྱ་ཆེར་བྱས་ནས་རིགས་
D1.004.0296a07.01