完整藏文原文 · 德格版页 当前仅加载第 4 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས། དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་ལེགས་སོ། །དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པས་ཁ་ལོ་སྒྱུར་བ་ལ་གསུངས་པ། ཁ་ལོ་སྒྱུར་བ་དེའི་
D1.004.0005a01.01ཕྱིར་ཤིང་རྟ་ཕྱིར་སྒྱུར་ཅིག་ཕོ་བྲང་ཉིད་དུ་འདོང་ངོ་། །འདི་ལྟར་ང་ཕོ་བྲང་དུ་ཕྱིན་ནས་དོན་འདི་ཁོ་ན་བསམ་པར་བྱའོ། །ཁ་ལོ་སྒྱུར་བས་ཤིང་རྟ་ཕྱིར་བསྒྱུར་ནས་ཕོ་བྲང་ཉིད་དུ་ཆས་ཏེ། དེར་ཕོ་བྲང་དུ་གཤེགས་པ་དང་བྱང་ཆུབ་སེམས་དཔའ་ཤཱཀྱ་ཐུབ་པ་ཀྱེ་མའོ་བདག་ནི་སྐྲ་དང་ཁ་
D1.004.0005a02.01སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱའོ་སྙམ་པའི་དོན་དེ་ཉིད་དགོངས་སོ། །དེ་ནས་རྒྱལ་པོ་ཟས་གཙང་གིས་ཁ་ལོ་སྒྱུར་བ་ལ་སྨྲས་པ། ཁ་ལོ་སྒྱུར་བ་ཅི་གཞོན་ནུ་ཡིད་དགའ་བ་དང་མགུ་བས་སྐྱེད་མོས་
D1.004.0005a03.01ཚལ་གྱི་གཞིར་བྱུང་ངམ། སྐྱེད་མོས་ཚལ་ལ་མངོན་པར་དགའ་བར་གྱུར་ཏམ། ལྷ་མ་ལགས་སོ། །དེ་ཅིའི་སླད་དུ་ཞེ་ན། ལྷ་གཞོན་ནུ་སྐྱེད་མོས་ཚལ་གྱི་གཞིར་བྱུང་བ་ན་མི་སྐྲ་བྲེགས་ཤིང་གོས་ངུར་སྨྲིག་འཚལ་བ་སུག་པ་ན་ལྷུང་བཟེད་ཐོགས་ནས་ཁྱིམ་ནས་ཁྱིམ་དང་། ཁང་
D1.004.0005a04.01པ་ནས་ཁང་པར་རྒྱུ་ཞིང་མཆི་བ་ཞིག་གཟིགས་སོ། །གཟིགས་ནས་ཀྱང་བདག་ལ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་མི་སྐྲ་བྲེགས་པ་ལག་པ་ན་ལྷུང་བཟེད་ཐོགས་ནས་ཁྱིམ་ནས་ཁྱིམ་དང་། ཁང་པ་ནས་ཁང་པར་རྒྱུ་ཞིང་འགྲོ་ལ་འདིའི་གོས་ཀྱང་ཁ་དོག་མི་མཚུངས་ཏེ། ཇི་
D1.004.0005a05.01ལྟར་ཡང་མི་གཞན་དག་གི་དང་མི་འདྲ་བ་འདི་ཅི་ཡིན། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ་དེ་ནི་རབ་ཏུ་བྱུང་བ་ཞེས་བགྱིའོ། །དེ་འདི་སྐད་ཅེས་གསུངས་ཏེ། ཁ་ལོ་སྒྱུར་བ་རབ་ཏུ་བྱུང་བ་ཞེས་བྱ་བ་འདི་ཅི་ཡིན། དེ་ལ་བདག་གིས་འདི་སྐད་ཅེས་གསོལ་ཏོ། །ལྷ་རབ་
D1.004.0005a06.01ཏུ་བྱུང་བ་དེ་ནི་དུལ་བ་ལེགས་པ་དང་། ཡང་དག་པར་སྡོམ་པ་ལེགས་པ་དང་། དོན་སྤྱོད་པ་ལེགས་པ་དང་། ཆོས་སྤྱོད་པ་ལེགས་པ་དང་། དགེ་བ་སྤྱོད་པ་ལེགས་པ་དང་། དགེ་ལེགས་སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་
D1.004.0005a07.01