完整藏文原文 · 德格版页 当前仅加载第 4 函德格 232b 版页；藏文 NFD、目录标记与异常页序保留在来源切片中，重复版页行以稳定序号区分。
སྙམ་དུ་རིག་ནས་ཚིགས་སུ་བཅད་དེ་སྨྲས་པ། སུ་ལ་འདི་འདྲའང་མི་སྨྲ་སྟེ། །ངོ་ཚ་མེད་པའི་གདུག་སེམས་ཀྱིས། །མེ་ཁང་མ་རུང་བྱས་ནས་ནི། །རིལ་བ་ཡང་ནི་བཅག་པར་གྱུར། །བསྔགས་འོས་སྨད་པར་འོས་ཀྱང་རུང་། །ཡོང་ཡེ་ཅུང་ཟད་སྨྲ་མི་བྱ། །བློ་གྲོས་ལྡན་པས་རྟག་
D1.004.0232b01.01ཏུ་ནི། །ཁ་རོག་པས་ནི་བདེ་བ་འཐོབ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་དྲང་སྲོང་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་དུས་ཀྱི་ཝ་གང་ཡིན་པ་དེ་ནི་ལྷ་སྦྱིན་ཡིན་ནོ། །དེའི་ཚེ་དེའི་དུས་ཀྱི་བྱ་རོག་གང་ཡིན་པ་དེ་ནི་ཀོ་ཀ་ལི་ཀ་ཡིན་ཏེ། དེ་ན་ཡང་ངོ་ཚ་མེད་པ་དེ་དག་གིས་ངོ་
D1.004.0232b02.01ཚ་མེད་པའི་བསྔགས་པ་བརྗོད་དོ། །ད་ལྟར་ཡང་ངོ་ཚ་མེད་པ་འདི་དག་ངོ་ཚ་མེད་པའི་བསྔགས་པ་བརྗོད་དོ། །དགེ་སློང་རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་དང་ལྷ་སྦྱིན་ཐོག་མར་གང་དུ་མི་མཐུན་པར་
D1.004.0232b03.01གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྔོན་བྱུང་བ་ཤང་ཤང་ཏིའུ་གཉིས་ལུས་གཅིག་ཏུ་གྱུར་ནས་རྒྱ་མཚོའི་འགྲམ་ན་གནས་ཏེ། ཆོས་ཅན་དང་ཆོས་མ་ཡིན་པ་ཞེས་བྱའོ། །ཇི་ཙམ་ན་ཆོས་མ་ཡིན་པ་ནི་གཉིད་ལོག་ཆོས་ཅན་ནི་མེལ་ཙེ་བྱེད་པ་དང་། དེས་བདུད་
D1.004.0232b04.01རྩིའི་འབྲས་བུ་ཞིག་ཆུས་ཁྱེར་བ་མཐོང་ནས། དེས་དེ་བླངས་ཏེ་བསམས་པ། ཅི་རེ་ཞིག་འདི་ཡང་བསླང་ངམ། འོན་ཏེ་བཟའ་སྙམ་མོ། །ཡང་བསམས་པ། ཐོས་ཀྱང་ལུས་འདི་གཅིག་ཁོ་ན་གསོ་བར་ཟད་དོ་སྙམ་ནས་དེས་དེ་མ་བསླང་བ་དང་། རང་ཉིད་སད་དེ། དེ་སད་པ་ན་ཆོས་ཅན་ལ་
D1.004.0232b05.01བདུད་རྩིའི་འབྲས་བུའི་སྒྲེགས་པ་བྱུང་བ་ཆོས་མ་ཡིན་པས་ཚོར་ནས་དེས་སྨྲས་པ། དེ་ཅིའི་སྒྲེགས་པ་ཡིན། དེས་སྨྲས་པ། བདུད་རྩིའི་འབྲས་བུའིའོ། །དེ་གང་ནས་རྙེད། དེས་སྨྲས་པ། ཁྱོད་གཉིད་ལོག་པ་ན་ཁོ་བོས་བདུད་རྩིའི་འབྲས་བུ་རྙེད་ནས་ལུས་གཅིག་ཁོ་ན་གསོ་བར་ཟད་དོ་སྙམ་ནས་
D1.004.0232b06.01ཁྱོད་མ་བསླང་བར་ཁོ་བོས་ཟོས་སོ། །དེས་སྨྲས་པ། ཁྱོད་ཀྱིས་མ་ལེགས་པ་ཞིག་བྱས་ཏེ་ངས་ཀྱང་དུས་ཤེས་པར་བྱའོ། །ཇི་ཙམ་དུས་གཞན་ཞིག་ན་ཆོས་ཅན་གཉིད་ལོག་ནས་ཆོས་མ་ཡིན་པ་མེལ་ཙེ་བྱེད་པ་ན་དེས་དུག་གི་འབྲས་བུ་ཆུས་ཁྱེར་བ་ཞིག་མཐོང་ནས་དེས་དེ་ཟོས་པ་དང་། དེ་གཉི་ག་
D1.004.0232b07.01