完整藏文原文 · 德格版页 当前仅加载第 4 函德格 141b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཡིན་པས། མེ་ཏོག་དང་འབྲས་བུ་ཚོལ་ཞིང་ཕན་ཚུན་འཁྱམ་པ་ལ་ཞུགས་སོ། །ཇི་ཙམ་ན་རྒྱལ་པོ་ཚངས་སྦྱིན་གཉིད་ཀྱིས་དུབ་པ་སངས་ནས་རིངས་པ་རིངས་པར་བཱ་རཱ་ཎ་སཱིར་ཞུགས་སོ། །བཙུན་མོའི་བུད་མེད་རྣམས་ཀྱང་རིངས་པ་རིངས་པར་དོང་ངོ་། །ཇི་ཙམ་ན་བུད་མེད་གཞན་ཞིག་རྟབས་པས་མུ་ཏིག་གི་དོ་ཤལ་
D1.004.0141b01.01བོར་ཏེ་སོང་ངོ་། །ཇི་ཙམ་ན་མུ་ལྟོ་བ་དེ་སྐྱེད་མོས་ཚལ་དེར་རྒྱུ་བར་བརྩམས་པ་ན། དེས་མུ་ཏིག་གི་དོ་ཤལ་དེ་མཐོང་ནས། དེས་བསམས་པ། བདག་ལ་འདི་ཅི་དགོས་འདིའི་ཕྱིར་གནོད་པར་འགྱུར་བའི་གནས་གང་ཡིན་པ་དེ་ཡོད་སྙམ་ནས་དེས་དེ་སུའི་ཡིན་པ་དེ་ལེན་པར་འགྱུར་གྲང་ཞེས།
D1.004.0141b02.01དེ་སྐྱེད་མོས་ཚལ་ཉིད་དུ་ཤིང་གི་ཡལ་ག་ཞིག་ལ་བཏགས་ཏེ་བཞག་གོ། །ཇི་ཙམ་ན་བཙུན་མོ་རྣམས་ཀྱིས་རྒྱལ་པོ་ལ་གསོལ་པ། ལྷ་བཙུན་མོ་ཆེ་གེ་མོ་ཞེས་བགྱི་བའི་མུ་ཏིག་གི་དོ་ཤལ་སྐྱེད་མོས་ཚལ་དུ་ལུས་ལགས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་མུ་ཏིག་གི་དོ་
D1.004.0141b03.01ཤལ་སྐྱེད་མོས་ཚལ་དུ་ལུས་པ་ཚོལ་ཅིག །དེ་རྣམས་སྐྱེད་མོས་ཚལ་དུ་དོང་ནས་བཙལ་བར་བརྩམས་པ་དང་། ཇི་ཙམ་ན་ཤིང་གི་ཡལ་ག་ཞིག་ལ་བཏགས་པ་མཐོང་ནས་དེ་རྣམས་ཀྱིས་བསམས་པ། རེ་ཞིག་འདི་སུས་བཏགས་དཔྱད་པར་བྱའོ་སྙམ་ནས་དེ་རྣམས་སྐྱེད་མོས་ཚལ་
D1.004.0141b04.01ན་རྒྱུ་བར་བརྩམས་པ་དང་། ཇི་ཙམ་ན་མུ་ལྟོ་བ་ཞིག་མཐོང་ནས་དེ་རྣམས་ཀྱིས་དེ་ལ་སྨྲས་པ། ཀྭའི་ནང་རྗེ་མུ་ཏིག་གི་དོ་ཤལ་འདི་སུ་ཞིག་གིས་ཡལ་ག་ལ་བཏགས་ཏེ་བཞག །དེས་ཇི་ལྟར་གྱུར་པ་དེ་རྣམས་ལ་སྨྲས་པ་དང་། བློན་པོ་རྣམས་ཀྱིས་རྒྱལ་པོ་ལ་མུ་ཏིག་གི་དོ་ཤལ་ཕུལ་
D1.004.0141b05.01ནས་ཇི་ལྟར་གྱུར་པ་སྨྲས་སོ། །རྒྱལ་པོས་སྨྲས་པ། ཤེས་ལྡན་དག་མུ་ལྟོ་བ་དེ་བལྟས་ཁུག་ཤིག་དེ་རྣམས་ཀྱིས་བཀུག་ནས་རྒྱལ་པོས་སྨྲས་པ། ཀྭའི་ནང་རྗེ་ཁྱོད་ཀྱིས་ཅིའི་ཕྱིར་མུ་ཏིག་གི་དོ་ཤལ་ཤིང་གི་ཡལ་ག་ལ་བཏགས་ཏེ་བཞག་ནས་རང་གིར་མ་བྱས། དེས་སྨྲས་པ། ལྷ་འདིའི་སྐལ་
D1.004.0141b06.01བ་བདག་ལ་མ་མཆིས་ཀྱི་ལྷ་ཁོ་ན་ལ་འོས་པའི་སླད་དུའོ། །རྒྱལ་པོ་དགའ་བར་གྱུར་ནས་སྨྲས་པ། ཀྭའི་ནང་རྗེ་ཁྱོད་ནི་དམ་པ་འོས་པ་ཡིན་པས་དམ་པ་གང་འདོད་པ་གསོལ་ཅིག་སྦྱིན་ནོ། །དེས་སྨྲས་པ། གལ་ཏེ་ལྷ་བདག་ལ་དགྱེས་པར་གྱུར་ན་མུ་ལྟོ་བ་རྣམས་འཚལ་མ་སྩལ་ཅིང་དེ་རྣམས་རེ་རེ་ལ་
D1.004.0141b07.01