完整藏文原文 · 德格版页 当前仅加载第 4 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྟོང་དང་། ཁྲི་ཕྲག་འདི་སྙེད་ཡོད་དོ་ཞེས་སྨྲས་ནས་སོང་ངོ་། །བྲམ་ཟེ་དེས་དེ་ལ་ལོ་མ་དག་ཅིག་བཏོགས་ནས་བགྲངས་ཏེ་བོར་རོ། །ཚེ་དང་ལྡན་པ་ཀུན་དགའ་བོས་བསོད་སྙོམས་སྤྱད་དེ་སླར་ལོག་པ་དང་། བྲམ་ཟེ་དེས་ཡང་སྨྲས་པ། འཕགས་པ་ད་ལྟར་ཤིང་ཤ་
D1.004.0149b01.01པ་འདི་ལ་འདབ་མ་ཇི་སྙེད་མཆིས་མཁྱེན་ཏམ། དེས་སྨྲས་པ། སྔར་ནི་བརྒྱ་དང་། སྟོང་དང་། ཁྲི་ཕྲག་འདི་སྙེད་ཡོད་པ་ལས་ད་ལས་འདི་སྙེད་ཅིག་བཏོགས་སོ། །བྲམ་ཟེ་དེ་འཕགས་པ་ནི་རྩིས་ལ་ཡང་དེ་ལྟར་མཁས་པ་ལྟ་ཞེས་མཆོག་ཏུ་ངོ་མཚར་སྐྱེས་སོ། །དགེ་སློང་
D1.004.0149b02.01རྣམས་ཐེ་ཚོམ་སྐྱེས་ནས་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ཀུན་དགའ་བོས་ལས་ཅི་ཞིག་བགྱིས་ན་དེས་ན་མཚན་མ་ལ་མཁས་པར་གྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་
D1.004.0149b03.01དགེ་སློང་ཀུན་དགའ་བོ་འདི་ཉིད་ཀྱིས་ལས་བྱས་ཤིང་བསགས་པ་དག་ནི་ཞེས་བྱ་བ་ནས། ལུས་ཅན་དག་ལ་འབྲས་བུར་འགྱུར་ཞེས་བྱ་བའི་བར་གོང་མ་བཞིན་དུའོ། །དགེ་སློང་དག་སྔོན་བྱུང་བ་བཱ་རཱ་ཎ་སཱི་ན་བྲམ་ཟེ་ཞིག་ཡོད་པ་དེས་རིགས་མཉམ་པ་ལས་ཆུང་མ་བླངས་ཏེ།
D1.004.0149b04.01དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །དེ་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་ཁྱེའུ་ཞིག་བཙས་ཏེ་ཞག་བདུན་གསུམ་ཉི་ཤུ་གཅིག་ཏུ་དེ་བཙས་པའི་བཙས་སྟོན་རྒྱ་ཆེར་བྱས་ཏེ་རིགས་དང་མཐུན་པའི་མིང་
D1.004.0149b05.01བཏགས་ནས་གསོས་བསྐྱེད་དེ་ཆེན་པོར་གྱུར་ཏོ། །དེ་ཡུལ་གཞན་དུ་སོང་སྟེ་མཚན་མའི་བསྟན་ཆོས་དྲུག་ཁྲི་བསླབས་སོ། །དེ་བཞིན་དུ་ཚེ་རབས་ལྔ་བརྒྱའི་བར་དུ་འཁོར་བ་ན་འཁོར་བའི་ཚེ་མཚན་མའི་བསྟན་ཆོས་དྲུག་ཁྲི་བསླབས་ཤིང་གཞན་ལ་ཡང་བསྟན་པའི་རྒྱུ་དེ་དང་རྐྱེན་
D1.004.0149b06.01དེས་གང་དང་གང་དུ་སྐྱེས་པ་དེ་དང་དེར་མཚན་མཁན་རྣམས་ཀྱི་མཆོག་ཏུ་བྱུང་ངོ་། །འདི་ལྟར་ད་ལྟར་གྱི་སྲིད་པ་ཐ་མ་ལ་ཡང་མཚན་མཁན་རྣམས་ཀྱི་མཆོག་ཏུ་བྱུང་ངོ་། །ཀོ་ས་ལའི་རྒྱལ་པོ་གསལ་རྒྱལ་ལ་ཡང་ཉི་མ་རེ་རེ་ཞིང་དྲོ་ཀའི་དུས་སུ་གཞོང་པར་འབྲས་སཱ་ལུའི་ཆན་དང་།
D1.004.0149b07.01