完整藏文原文 · 德格版页 当前仅加载第 4 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་པ་དང་། ཉལ་བ་དང་། མི་ཉལ་བ་དང་། སྨྲ་བ་དང་། མི་སྨྲ་བ་དང་། གཉིད་ཀྱིས་དུབ་པ་སེལ་བ་ལ་ཡང་ཤེས་བཞིན་དུ་གནས་པ་ཡིན་ནོ། །དེ་འཕགས་པའི་ཚུལ་ཁྲིམས་ཀྱི་ཕུང་པོ་དེ་དང་ལྡན་ཞིང་དབང་པོའི་སྒོ་བསྡམས་པ་དེ་དང་། དྲན་པ་
D1.004.0276a01.01དང་ཤེས་བཞིན་མཆོག་དེ་དང་ལྡན་པས་ནང་གི་བདེ་བ་ཁ་ན་མ་ཐོ་བ་མེད་པ་ཉམས་སུ་མྱོང་བ་ཡིན་ནོ། །དེ་འཕགས་པའི་ཚུལ་ཁྲིམས་ཀྱི་ཕུང་པོ་དེ་དང་ལྡན་ཞིང་དབང་པོའི་སྒོ་བསྡམས་པ་དེ་དང་། དྲན་པ་དང་ཤེས་བཞིན་མཆོག་དེ་དང་ལྡན་པས་གནས་མལ་དབེན་པ་དགོན་པ་
D1.004.0276a02.01དང་། ཤིང་དྲུང་དང་། ཁང་སྟོང་དག་ཏུ་གནས་པ་ཡིན་ཏེ། དེ་དགོན་པར་སོན་ཀྱང་རུང་། ཤིང་དྲུང་དུ་སོན་ཀྱང་རུང་། ཁང་སྟོང་དུ་སོན་ཀྱང་རུང་། འདུག་སྟེ་སྐྱིལ་མོ་ཀྲུང་བཅས་ཤིང་ལུས་དྲང་པོར་བསྲང་ནས་དྲན་པ་མངོན་དུ་བཞག་སྟེ། དེ་འཇིག་རྟེན་ལ་བརྣབ་
D1.004.0276a03.01སེམས་སྤངས་ཏེ། བརྣབ་སེམས་དང་བྲལ་བའི་སེམས་ཀྱིས་ལན་མང་དུ་གནས་ཤིང་བརྣབ་སེམས་ཡོངས་སུ་སྦྱོང་བ་ཡིན་ནོ། །འཇིག་རྟེན་ལ་གནོད་སེམས་དང་། རྨུགས་པ་དང་། གཉིད་དང་། རྒོད་པ་དང་། འགྱོད་པ་དང་། ཐེ་ཚོམ་སྤངས་ཏེ་ཡིད་གཉིས་ལས་
D1.004.0276a04.01རྒལ་བ་ཡིན། ཐེ་ཚོམ་དང་སོམ་ཉི་ལས་རྒལ་བ་ཡིན་ཞིང་དགེ་བའི་ཆོས་རྣམས་ལ་ཐེ་ཚོམ་ཡོངས་སུ་སྦྱོང་བ་ཡིན་ནོ། །རྒྱལ་པོ་ཆེན་པོ་དཔེར་ན་མི་ཞིག་གིས་སྐྱིན་པོ་ཞིག་བླངས་ནས་ཞིང་བླས་ཀྱི་མཐའ་རྣམས་ལ་བརྩོན་པར་བྱས་ཏེ། དེའི་ལས་ཀྱི་མཐའ་དེ་རྣམས་ཆུད་
D1.004.0276a05.01མ་ཟོས་ཤིང་གྲུབ་ནས་དེས་དེ་ལས་བུ་ལོན་དེ་ཡང་གཞལ་ལ་དེ་ལ་ཆུང་མ་གསོ་བ་ཆོག་ཙམ་ཞིག་ཀྱང་བདོག་ནས་དེ་འདི་སྙམ་དུ་སེམས་ཏེ། བདག་གིས་སྐྱིན་པོ་བླངས་ནས་ལས་ཀྱི་མཐའ་རྣམས་ལ་བརྩོན་པར་བྱས་ཏེ། བདག་གི་ལས་ཀྱི་མཐའ་དེ་རྣམས་ཆུད་མ་ཟོས་ཤིང་གྲུབ་ནས་
D1.004.0276a06.01བདག་གིས་དེ་ལ་བུ་ལོན་དེ་ཡང་གཞལ། བདག་ལ་ཆུང་མ་གསོ་བ་ཆོག་ཙམ་ཞིག་ཀྱང་བདོག་གོ་སྙམ་སྟེ། དེ་གཞི་དེས་བདེ་བར་གྱུར་ཡིད་བདེ་བར་གྱུར་པ་དང་། དཔེར་ན་མི་ན་བ་ནད་ཚབས་ཆེ་བ་སྡུག་བསྔལ་བ་ཞིག་ཡོད་ལ། དེ་ཟས་ཟོས་པ་ནི་ལུས་ལ་འཇུར་མི་བཏུབ། སྐོམ་
D1.004.0276a07.01