完整藏文原文 · 德格版页 当前仅加载第 4 函德格 24b 版页；藏文 NFD、目录标记与异常页序保留在来源切片中，重复版页行以稳定序号区分。
མནལ་བར་མཛད་དོ། །རྒྱལ་པོ་ཟས་གཙང་གིས་དཀའ་བ་སྤྱོད་པའི་གནས་སྐབས་དེ་ཐོས་ནས་ཉི་མ་རེ་རེ་ཞིང་རྟོག་པ་ཉིས་བརྒྱ་ལྔ་བཅུ་གཏོང་བར་བྱེད་དོ། །རྒྱལ་པོ་ལེགས་པར་རབ་སད་ཀྱིས་ཀྱང་ཉིས་བརྒྱ་ལྔ་བཅུའོ། །དེ་དག་ཉི་མ་རེ་རེ་ཞིང་དེ་གཉིས་ལ་མྱུར་བ་མྱུར་བར་གཏམ་
D1.004.0024b01.01སྐྱེལ་བར་བྱེད་དེ། བྱང་ཆུབ་སེམས་དཔའ་ནི་འདི་འདྲ་བའི་དཀའ་བ་སྤྱོད་དེ། ཏིལ་འབྲུ་གཅིག་དང་། འབྲས་འབྲུ་གཅིག་དང་། སྲན་ཀོ་ལ་འབྲུ་གཅིག་དང་། རྒྱ་སྲན་འབྲུ་གཅིག་དང་། མོན་སྲན་གྲེའུ་འབྲུ་གཅིག་དང་། མོན་སྲན་སྡེའུ་འབྲུ་གཅིག་གི་ཟས་གསོལ་ཞིང་རྩྭའི་
D1.004.0024b02.01གདིང་བ་ལ་མནལ་ཏོ་ཞེས་སྨྲའོ། །དེ་རྒྱལ་པོ་ཟས་གཙང་གིས་ཐོས་ནས་བུའི་མྱ་ངན་གྱིས་ནོན་པས་ལྷག་པར་དང་ཁར་ན་ཞིང་མིག་མཆི་མས་བརྣངས་ཏེ་གདུངས་ནས་བཙུན་མོའི་འཁོར་དང་བཅས་པར་རྩྭའི་གདིང་བ་ལ་ཉལ་བར་བྱེད་དོ། །བཙུན་མོ་གྲགས་འཛིན་ཡང་ཁྱིམ་ཐབ་ཀྱི་
D1.004.0024b03.01གནས་སྐབས་དེ་ཐོས་ནས་ཁྱིམ་ཐབ་ཀྱི་མྱ་ངན་གྱིས་ནོན་ཏེ་གདོང་མཆི་མས་རླན་ཅིང་མེ་ཏོག་ཕྲེང་དང་། རྒྱན་དང་སྤུད་པ་རྣམས་བོར་ནས་དཀའ་བ་སྤྱོད་པར་བྱེད་དེ། ཏིལ་འབྲུ་གཅིག་དང་། འབྲས་འབྲུ་གཅིག་དང་། སྲན་ཀོ་ལ་འབྲུ་གཅིག་དང་། རྒྱ་སྲན་འབྲུ་གཅིག་དང་།
D1.004.0024b04.01མོན་སྲན་གྲེའུ་འབྲུ་གཅིག་དང་། མོན་སྲན་སྡེའུ་འབྲུ་གཅིག་གི་ཟས་ཟ་ཞིང་རྩྭའི་གདིང་བ་ལ་ཉལ་བར་བྱེད་དོ། །དེའི་རུམ་མི་བདེའོ་ཞེས་རྒྱལ་པོ་ཟས་གཙང་གིས་ཐོས་ནས་དེས་བསམས་པ། གལ་ཏེ་གྲགས་འཛིན་མས་བྱང་ཆུབ་སེམས་དཔའི་གཏམ་ཉི་མ་རེ་རེ་ཞིང་ཐོས་ན་ཁྱིམ་ཐབ་ཀྱི་
D1.004.0024b05.01མྱ་ངན་གྱིས་ནོན་ཏེ་དཀའ་བ་སྤྱད་པ་འདིས་མངལ་མི་འཆགས་པའམ། སྲོག་འཆད་པར་འགྱུར་བའི་གནས་འདི་ཡོད་པས་དེས་ན་གྲགས་འཛིན་མ་ལ་བྱང་ཆུབ་སེམས་དཔའི་གཏམ་སུ་ཡང་གླེང་བར་མི་འགྱུར་རོ་སྙམ་ནས། རྒྱལ་པོ་ཟས་གཙང་གིས་བཙུན་མོའི་འཁོར་གྱི་སྐྱེ་བོ་
D1.004.0024b06.01ཐམས་ཅད་ལ་ཁྲིམས་སུ་བཅས་པ། སུས་ཀྱང་བྱང་ཆུབ་སེམས་དཔའི་གཏམ་གྲགས་འཛིན་མ་ལ་བརྗོད་པར་མི་བྱའོ། །གཏམ་སྐྱེལ་བ་ལ་ཡང་བསྒོ་བ། ང་མ་གཏོགས་པར་སུ་ལ་ཡང་བྱང་ཆུབ་སེམས་དཔའི་གཏམ་བརྗོད་པར་མི་བྱའོ། །རང་གིས་ཐོས་ན་ཡང་གྲགས་འཛིན་
D1.004.0024b07.01