完整藏文原文 · 德格版页 当前仅加载第 4 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
སྒྱུར་བ་ལ་གསུངས་པ། ཁ་ལོ་སྒྱུར་བ་མི་སྐྲ་བྲེགས་ཤིང་ལག་ན་ལྷུང་བཟེད་ཐོགས་ནས་ཁྱིམ་ནས་ཁྱིམ་དང་། ཁང་པ་ནས་ཁང་པར་རྒྱུ་ཞིང་འགྲོ་ལ་འདིའི་གོས་ཀྱང་ཁ་དོག་མི་མཚུངས་ཏེ། ཇི་ལྟར་ཡང་མི་གཞན་དག་གི་དང་མི་འདྲ་བ་འདི་ཅི་ཡིན། ལྷ་དེ་ནི་རབ་ཏུ་བྱུང་བ་ཞེས་བགྱིའོ། །
D1.004.0004b01.01ཁ་ལོ་སྒྱུར་བ་རབ་ཏུ་བྱུང་བ་ཞེས་བྱ་བ་འདི་ཅི་ཡིན། ལྷ་རབ་ཏུ་བྱུང་བ་དེ་ནི་དུལ་བ་ལེགས་པ་དང་། ཡང་དག་པར་སྡོམ་པ་ལེགས་པ་དང་། དོན་སྤྱོད་པ་ལེགས་པ་དང་། ཆོས་སྤྱོད་པ་ལེགས་པ་དང་། དགེ་བ་སྤྱོད་པ་ལེགས་པ་དང་། དགེ་ལེགས་སྤྱོད་པ་ལེགས་པར་རིག་ནས་
D1.004.0004b02.01སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་སྟེ། ལྷ་འདི་ནི་རབ་ཏུ་བྱུང་བ་ཞེས་བགྱིའོ། །ཁ་ལོ་སྒྱུར་བ་དེའི་ཕྱིར་ཤིང་རྟ་འདི་རབ་ཏུ་བྱུང་བ་གང་ན་བ་དེ་ལོགས་སུ་སྒྱུར་ཅིག །ལྷ་བཀའ་བཞིན་འཚལ་ཞེས་ཁ་ལོ་སྒྱུར་བས་
D1.004.0004b03.01བྱང་ཆུབ་སེམས་དཔའ་ཤཱཀྱ་ཐུབ་པའི་ལྟར་མཉན་ནས་ཤིང་རྟ་དེ་རབ་ཏུ་བྱུང་བ་གང་ན་བ་དེར་བསྒྱུར་ཏོ། །དེ་ནས་བྱང་ཆུབ་སེམས་དཔའ་ཤཱཀྱ་ཐུབ་པས་རབ་ཏུ་བྱུང་བ་དེ་ལ་འདི་སྐད་ཅེས་བཀའ་སྩལ་ཏོ། །ཀྱེ་མི་ཁྱོད་ཅིའི་ཕྱིར་སྐྲ་བྲེགས་ཤིང་ལག་པ་ན་ལྷུང་བཟེད་ཐོགས་ནས་ཁྱིམ་ནས་ཁྱིམ་
D1.004.0004b04.01དང་། ཁང་པ་ནས་ཁང་པར་རྒྱུ་ཞིང་འགྲོ་ལ་ཁྱོད་ཀྱི་གོས་ཀྱང་ཁ་དོག་མི་མཚུངས་ཏེ། ཅི་ལྟར་ཡང་མི་གཞན་དག་གི་དང་མི་འདྲ་བ་ཡིན། དེས་འདི་སྐད་ཅེས་སྨྲས་སོ། །གཞོན་ནུ་བདག་ནི་རབ་ཏུ་བྱུང་བ་ཞེས་བགྱིའོ། །ཀྱེ་མི་ཁྱོད་ཇི་ལྟར་ན་རབ་ཏུ་བྱུང་བ་ཞེས་བྱ། གཞོན་ནུ་བདག་
D1.004.0004b05.01གིས་དུལ་བ་ལེགས་པ་དང་། ཡང་དག་པར་སྡོམ་པ་ལེགས་པ་དང་། དོན་སྤྱོད་པ་ལེགས་པ་དང་། ཆོས་སྤྱོད་པ་ལེགས་པ་དང་། དགེ་བ་སྤྱོད་པ་ལེགས་པ་དང་། དགེ་ལེགས་སྤྱོད་པ་ལེགས་པར་རིག་ནས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་
D1.004.0004b06.01ནས་ཁྱིམ་ནས་ཁྱིམ་མེད་པར་རབ་ཏུ་བྱུང་སྟེ། དེ་ལྟར་ན་བདག་རབ་ཏུ་བྱུང་བ་ཞེས་བྱའོ། །ཀྱེ་མི་ཁྱོད་ཀྱིས་དུལ་བ་ལེགས་པ་དང་། ཡང་དག་པར་སྡོམ་པ་ལེགས་པ་དང་། དོན་སྤྱོད་པ་ལེགས་པ་དང་། ཆོས་སྤྱོད་པ་ལེགས་པ་དང་། དགེ་བ་སྤྱོད་པ་ལེགས་པ་དང་། དགེ་ལེགས་
D1.004.0004b07.01