完整藏文原文 · 德格版页 当前仅加载第 4 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་གཞོན་ནུར་གྱུར་པ་དེའི་ཚེ་རྒྱལ་པོའི་ཁབ་ན་ཁྱིམ་བདག་ཅིག་ཡོད་པ་དེ་ལ་ཀུན་དགའ་ར་བ་མེ་ཏོག་དང་། འབྲས་བུ་དང་། ཆུ་ཕུན་སུམ་ཚོགས་པ་ཞིག་ཡོད་དེ། དེ་དེ་ལ་ལྷག་པར་ཆགས་པར་གྱུར་ཏོ། །ཇི་ཙམ་ན་གཟུགས་ཅན་སྙིང་པོ་ཕྱི་རོལ་དུ་བྱུང་བས་སྐྱེད་མོས་ཚལ་དེ་མཐོང་བ་
D1.004.0077b01.01དང་། དེ་ཡང་ལྷག་པར་ཆགས་པར་གྱུར་ནས་སྨྲས་པ། ཁྱིམ་བདག་སྐྱེད་མོས་ཚལ་འདི་ང་ལ་བྱིན་ཅིག །དེས་མ་བྱིན་ནོ། །ལན་གཉིས་ལན་གསུམ་དུ་ཡང་སྨྲས་ན་ཡང་མ་བྱིན་ནས། ཡང་སྨྲས་པ། རིན་སྦྱིན་ནོ། །དེས་སྨྲས་པ། གཞོན་ནུ་ཉིས་ན་ཁོ་བོ་ཡུལ་ནས་(སྦྱུགས་,སྤྱུགས་)
D1.004.0077b02.01ཀྱང་བླའི་སྐྱེད་མོས་ཚལ་ནི་མི་འབུལ་ལོ། །གཞོན་ནུ་གཟུགས་ཅན་སྙིང་པོས་སྨྲས་པ། ཁྱིམ་བདག་ཁྱོད་ཀྱིས་སྨྲས་པ་དྲན་པར་བྱོས་ཤིག །ང་ནམ་རྒྱལ་པོར་གྱུར་པ་དེའི་ཚེ་ང་ཉིད་ཀྱིས་བཀུར་རོ། །དེས་སྨྲས་པ། ནམ་ཁྱོད་རྒྱལ་པོར་གྱུར་པ་དེའི་ཚེ་ཁོ་བོ་ཡང་རྒྱལ་པོའི་ཁབ་ཏུ་འགྲོའོ། །
D1.004.0077b03.01གཞོན་ནུ་གཟུགས་ཅན་སྙིང་པོས་མཇལ་ཏོ་ཞེས་བྱས་ནས་སོང་ངོ་། །ཇི་ཙམ་དུས་གཞན་ཞིག་ན་རྒྱལ་པོ་པད་མ་ཆེན་པོ་ཤི་ནས། གཞོན་ནུ་གཟུགས་ཅན་སྙིང་པོ་རྒྱལ་སྲིད་ལ་བཞག་པ་དང་། དེས་སྐྱེད་མོས་ཚལ་དེ་མཐུས་ཕྲོགས་སོ། །ཁྱིམ་བདག་དེ་སྙིང་ན་ཞིང་སྐྱེད་མོས་ཚལ་དེ་ལ་
D1.004.0077b04.01ལྷག་པར་ཆགས་པས་ཤི་ནས་དེ་ཉིད་སྦྲུལ་གདུག་པ་ཞིག་ཏུ་སྐྱེས་ཏེ། དེ་རྒྱལ་པོ་ལ་རྒྱུན་དུ་གླགས་ཚོལ་བ་ལྷུར་ལེན་ཅིང་གནས་སོ། །ཇི་ཙམ་ན་རྒྱལ་པོ་གཟུགས་ཅན་སྙིང་པོ་སོ་གའི་དུས་ལ་བབ་སྟེ། མེ་ཏོག་གི་ཤིང་རྣམས་ཁ་འབུས་པ་ན་བཙུན་མོ་དང་ལྷན་ཅིག་སྐྱེད་མོས་ཚལ་དེར་ཞུགས་
D1.004.0077b05.01ནས་དེ་དེ་ན་སྐྱེས་པ་མེད་པར་རོལ་མོས་བཙུན་མོའི་བུད་མེད་དང་ལྷན་ཅིག་དགའ་བའི་རྩེད་མོ་ཉམས་སུ་མྱོང་བར་བྱས་ནས་གཉིད་ལོག་གོ། །བུད་མེད་ནི་མེ་ཏོག་དང་འབྲས་བུ་ལ་དགའ་བ་ཡིན་པས་ཀུན་དུ་འཁྱམ་དུ་དོང་ངོ་། །བུད་མེད་གཅིག་གིས་རལ་གྲི་བསྐུར་ཏེ་རྒྱལ་པོ་སྲུང་དུ་བཅུག་གོ། །
D1.004.0077b06.01དེ་ནས་སྦྲུལ་གདུག་པ་དེས་རྒྱལ་པོའི་དྲུང་ན་སྒྲ་མི་གྲག་པར་རིག་ནས་རྒྱལ་པོ་ལ་གཟུང་བའི་ཕྱིར་ཚང་ནས་བྱུང་སྟེ་ཆས་སོ། །རྒྱལ་པོའི་བསོད་ནམས་ཀྱི་མཐུས་བྱ་ཀ་ལན་ད་ཀ་ཞེས་བྱ་བ་དེ་རྣམས་ཀྱིས་སྦྲུལ་གདུག་པ་དེ་ཀུན་ནས་བསྐོར་ནས་ཙི་ཙིའི་སྒྲ་ཕྱུང་ངོ་། །བུད་མེད་རལ་གྲི་ཐོགས་པས་
D1.004.0077b07.01