完整藏文原文 · 德格版页 当前仅加载第 4 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
གིས་མ་ཡིན་པས་དེ་སྟེང་གི་ནམ་མཁའ་ལ་མངོན་པར་འཕགས་ཏེ་འབར་བ་དང་། གསལ་བ་དང་། ཆར་འབེབས་པ་དང་། གློག་འབྱིན་པའི་ཆོ་འཕྲུལ་དག་བྱ་བར་བརྩམས་སོ། །སོ་སོའི་སྐྱེ་བོ་ནི་རྫུ་འཕྲུལ་ལ་མྱུར་དུ་སེམས་གཏོད་པ་ཡིན་པས་དེ་ཤིང་རྩ་བ་
D1.004.0219a01.01ནས་བཅད་པ་བཞིན་དུ་རྐང་པ་གཉིས་ལ་གཏུགས་ཏེ་སྨྲས་པ། ཡོན་གནས་ཆེན་པོ་མར་སྤྱོན། མར་སྤྱོན། བདག་འདོད་པའི་འདམ་དུ་བྱིང་བ་ལག་ནས་དྲང་དུ་གསོལ། དེ་བབས་པ་དང་། དེས་དེའི་རྐང་པ་གཉིས་ལ་གཏུགས་ཏེ་སྨོན་ལམ་བཏབ་པ། བདག་གིས་ཡོན་གནས་
D1.004.0219a02.01དམ་པ་འདི་ལྟ་བུ་ལ་གནོད་པ་བགྱིས་པའི་ལས་གང་ལགས་པ་དེའི་སྐལ་བ་ཅན་དུ་མ་གྱུར་ཅིག །བྱ་བ་བྱས་པའི་དགེ་བའི་རྩ་བ་གང་ཡིན་པ་འདིས་བདག་ཕྱུག་ཅིང་ནོར་མང་ལ་ལོངས་སྤྱོད་ཆེ་བའི་རིགས་སུ་སྐྱེ་ཞིང་འདི་བས་ཁྱད་པར་དུ་འཕགས་པའི་སྟོན་པ་མཉེས་པར་བགྱིད་ཀྱི་མི་མཉེས་པར་མི་
D1.004.0219a03.01བགྱིད་པ་དང་། འདི་ལྟ་བུའི་ཆོས་རྣམས་ཀྱང་ཐོབ་པར་གྱུར་ཅིག་ཅེས་བྱས་སོ། །དགེ་སློང་དག་ཇི་སྙམ་དུ་སེམས་དེའི་ཚེ་དེའི་དུས་ཀྱི་རྫ་མཁན་གང་ཡིན་པ་དེ་ནི་གཟུགས་ཅན་སྙིང་པོ་འདི་ཉིད་ཡིན་ཏེ། རང་སངས་རྒྱས་ལ་སེམས་རབ་ཏུ་གདུག་པས་ངག་རྩུབ་པོའི་ལས་ཕྱུང་བ་གང་ཡིན་པ་དེའི་
D1.004.0219a04.01ལས་ཀྱི་རྣམ་པར་སྨིན་པས་སྤུ་གྲིས་རྐང་པ་གཉིས་དྲས་པ་དང་། ཕྱག་སྦལ་དུ་བཅུག་པ་དང་། སྐོམ་པ་དང་བཀྲེས་པས་ཤི་བ་ཡིན་ནོ། །དེས་བཟོད་པ་གསོལ་ནས་སྨོན་ལམ་བཏབ་པ་གང་ཡིན་པ་དེའི་ལས་ཀྱི་རྣམ་པར་སྨིན་པས་ཕྱུག་པ་དང་རྒྱལ་པོའི་རིགས་སུ་སྐྱེས་ནས་ཀྱང་ངའི་སྤྱན་སྔ་
D1.004.0219a05.01ནས་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་ཐོབ་པར་བྱས་སོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་གཅིག་ཏུ་གནག་པ་ཡིན་ལ། གཅིག་ཏུ་དཀར་བ་རྣམས་
D1.004.0219a06.01ཀྱི་ནི་གཅིག་ཏུ་དཀར་བ་ཡིན། འདྲེན་མ་རྣམས་ཀྱི་ནི་འདྲེན་མ་ཡིན་ནོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་སྤངས་ཏེ། ལས་གཅིག་ཏུ་དཀར་བ་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ།། །།
D1.004.0219a07.01