完整藏文原文 · 德格版页 当前仅加载第 4 函德格 171b 版页；藏文 NFD、目录标记与异常页序保留在来源切片中，重复版页行以稳定序号区分。
ཁྲིའི་ངོས་སུ་རྒྱབ་གཏད་དོ་སྙམ་ནས། དེས་ཁྲིའི་ངོས་སུ་རྒྱབ་གཏད་ནས་འདུག་གོ། །འདི་ནི་ཆོས་ཉིད་ཡིན་ཏེར་རོ་བ་རྣམས་ལས་གང་སྟོབས་དང་ལྡན་པ་དེའི་ཐུན་དང་པོས་མྱོས་པ་སངས་པར་འགྱུར་ན། དེ་ཆང་ལྕི་བའི་ཤུགས་ཀྱིས་བྲམ་ཟེའི་ཁྱེའུའི་རྒྱབ་ལ་སྐྱུགས་པས་གཏོར་ཏོ། །
D1.004.0171b01.01དེས་བསམས་པ། གལ་ཏེ་བདག་གིས་ལུས་བསྒུལ་ཏམ་ཚིག་ཕྱུང་ན་མཁན་པོས་ཐོས་ཏེ་སད་ནས་སླར་གཉིད་ལྡོག་པར་མི་འགྱུར་བ་གང་ཡིན་པའི་གནས་འདི་ཡོད་དོ་སྙམ་ནས་དེ་མནགས་ནས་འདུག་གོ། །ཇི་ཙམ་ན་གདོལ་པ་དེ་རང་ཉིད་སད་པ་དང་དེ་ལྟ་བུའི་ངན་པ་དེ་མཐོང་ནས་དེ་ནས་
D1.004.0171b02.01དྲིས་པ་འདི་སུ་ཡིན་དེས་སྨྲས་པ། མཁན་པོ་བདག་ནི་བདེ་བའི་ཟླ་བ་ལགས་སོ། །བུ་འདི་ལྟར་འདུག་སྟེ་ཅི་བྱེད། དེས་ཇི་ལྟར་གྱུར་པ་རྣམས་སྨྲས་པ་དང་། དེ་ཡང་ལྷག་པར་དགའ་ནས་སྨྲས་པ། བུ་ཁོ་བོ་མགུ་བར་གྱུར་གྱིས་སོང་ལ་ཁྲུས་བྱོས་ཏེ་ཤོག་ཤིག་དང་ཁྱོད་ལ་རིག་
D1.004.0171b03.01སྔགས་སྦྱིན་ནོ། །དེས་ཁྲུས་བྱས་ཏེ་འོངས་པ་དང་དེས་དེ་ལ་རིག་སྔགས་བྱིན་ནོ། །བྲམ་ཟེ་རྣམས་ནི་རྒོད་བག་ཅན་ཡིན་པས་དེས་ནོགས་མ་ཐུབ་སྟེ་བསམས་པ། རེ་ཞིག་སྔགས་འདི་འདི་ཉིད་དུ་སད་ལ་དེ་ནས་གཞན་དུ་འགྲོའོ་སྙམ་ནས། དེས་རིག་སྔགས་དེ་སྦྱར་ཏེ་ནམ་མཁའ་
D1.004.0171b04.01ལ་འཕངས་ནས་མྱུར་བར་རི་བོ་སྤོས་ཀྱི་ངད་ལྡང་ལ་སོང་སྟེ་དུས་མ་ཡིན་པ་དང་དུས་ཚིགས་མ་ཡིན་པའི་མེ་ཏོག་དང་། འབྲས་བུ་དག་བླངས་ཏེ་འོངས་ནས་དེས་དེ་དག་རྒྱལ་པོའི་མདུན་ན་འདོན་ལ་བྱིན་ནོ། །དེས་ཀྱང་རྒྱལ་པོ་ཚངས་སྦྱིན་ལའོ། །རྒྱལ་པོས་སྨྲས་པ། ཁྱོད་ཀྱིས་
D1.004.0171b05.01འདི་སུ་ལས་འོངས། དེས་སྨྲས་པ། ཡུལ་ཐག་རིང་པོ་ནས་བྲམ་ཟེའི་ཁྱེའུ་ཞིག་མཆིས་ཏེ། དེས་འདི་དག་བདག་ལ་སྩལ་ཏོ། །དེ་ནི་ལྷག་པར་རིག་སྔགས་དང་གསང་སྔགས་འཆང་ཞིང་བྲམ་ཟེ་འདོད་པ་ཆུང་བ་ལགས་ཀྱིས། གདོལ་པ་འཇིག་རྟེན་ཐམས་ཅད་ཀྱིས་སྨད་
D1.004.0171b06.01པ་འདིས་ཅི་ཞིག་བགྱི། དེ་དབང་བའི་འཚོ་བ་བཀུམ་སྟེ་བྲམ་ཟེའི་ཁྱེའུ་འདི་ལ་སྩལ་དུ་གསོལ། རྒྱལ་པོས་སྨྲས་པ། དེ་བཞིན་དུ་གྱིས་ཤིག །དེ་ནས་མདུན་ན་འདོན་གྱིས་གདོལ་པའི་འཚོ་བ་བཅད་ནས་བྲམ་ཟེའི་ཁྱེའུ་དེ་ལ་བྱིན་ནོ། །དེ་བྱས་པ་མི་གཟོ་བ་དེས་རིག་སྔགས་
D1.004.0171b07.01