完整藏文原文 · 德格版页 当前仅加载第 4 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
པར་སྤྱད་པ་སྤྱོད་ཅིག་ཅེས་གསུངས་སོ། །དེ་ནས་བཅོམ་ལྡན་འདས་ཀྱིས་བཀའ་སྩལ་མ་ཐག་ཁོ་ནར་སྐྲ་བྱི་བ་དང་སྣམ་སྦྱར་གྱོན་པར་གྱུར་ཏེ་སྐྲ་དང་ཁ་སྤུ་ཞག་བདུན་སྐྱེས་པ་ཙམ་དང་། ལག་པ་ལྷུང་བཟེད་དང་། བྱ་མ་བུམ་གྱིས་འབྲེལ་པ་དང་། ལོ་བརྒྱ་
D1.004.0206a01.01ལོན་པའི་སྤྱོད་ལམ་ལྟ་བུར་གནས་པར་གྱུར་ཏོ། །འདིར་སྨྲས་པ། དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང་། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས་དགོངས་པས་ལུས་གཟུགས་བཀབ་པར་གྱུར། །
D1.004.0206a02.01དྲུག་སྡེ་རྣམས་ཀྱིས་དེ་ལ་ཅོ་དྲི་བར་བརྩམས་པ། རེ་ཞིག་བསྟན་པ་ལ་ནི་གཅིག་ཏུ་བརྩོན་པར་བྱ་དགོས་པ་ཡིན་ན། མར་སར་གྱི་གོང་བུ་འདིས་ཁྱད་པར་ཅི་ཞིག་རྟོགས་པར་འགྱུར་ཞེས་དེ་རྣམས་ཀྱིས་དེ་ཅོ་དྲིས་པ་དང་། ཚེ་དང་ལྡན་པ་ཀུན་དགའ་བོ་གང་ན་བ་དེར་སོང་སྟེ་ཕྱིན་ནས་ཚེ་དང་ལྡན་
D1.004.0206a03.01པ་ཀུན་དགའ་བོ་ལ་འདི་སྐད་ཅེས་སྨྲས་སོ། །བཙུན་པ་ཀུན་དགའ་བོ་བཅོམ་ལྡན་འདས་ཀྱིས་དགེ་སློང་གཅིག་ཏུ་བརྩོན་པའི་རྣལ་འབྱོར་དང་མཐུན་པའི་ཏིང་ངེ་འཛིན་དུ་གསུངས་པ་གང་ལགས། ཚེ་དང་ལྡན་པ་གྲོ་བཞིན་སྐྱེས་འཆག་པས་ཐོབ་པའི་ཏིང་ངེ་འཛིན་ནི་ཡུན་རིང་དུ་གནས་པར་
D1.004.0206a04.01འགྱུར་རོ་ཞེས་བཅོམ་ལྡན་འདས་ཀྱིས་བཀའ་སྩལ་ཏོ། །དེས་བསིལ་བའི་ཚལ་གྱི་དུར་ཁྲོད་དུ་སོང་སྟེ། འཆག་ས་བྱས་ནས་དེ་ན་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པ་རྒྱལ་པོའི་ཁབ་ཀྱི་བསིལ་བའི་ཚལ་གྱི་དུར་ཁྲོད་དུ་གནས་ནས་རྟག་ཏུ་འགྲུས་པ་དང་ལྡན་པར་བྱང་ཆུབ་ཀྱི་ཕྱོགས་དང་
D1.004.0206a05.01མཐུན་པའི་ཆོས་རྣམས་ལ་རྣལ་འབྱོར་གྱི་རྗེས་སུ་བརྩོན་པའི་སྒོམ་པས་གནས་སོ། །དེ་ནས་ཚེ་དང་ལྡན་པ་གྲོ་བཞིན་སྐྱེས་བྱེ་བ་ཉི་ཤུ་པ་གཅིག་པུ་དབེན་པར་སོང་སྟེ་ནང་དུ་ཡང་དག་བཞག་པ་ན་སེམས་ལ་སེམས་ཀྱི་རྣམ་པར་རྟོག་པ་འདི་སྙམ་དུ་སྐྱེས་པར་གྱུར་ཏེ། བཅོམ་ལྡན་འདས་ཀྱི་
D1.004.0206a06.01ཉན་ཐོས་བརྩོན་འགྲུས་བརྩམས་ཏེ་གནས་པ་ཇི་སྙེད་ཅིག་ཡོད་པ་དེ་རྣམས་ཀྱི་ནང་ན་བདག་མཆོག་ཡིན་ན། འོན་ཀྱང་བདག་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་བར་མ་གྱུར་གྱིས། བདག་གི་ཉེ་དུ་རྣམས་ལ་ལོངས་སྤྱོད་རྒྱ་ཆེན་པོ་ཡོད་པས། མ་ལ་བདག་འདུག་ལ་
D1.004.0206a07.01