完整藏文原文 · 德格版页 当前仅加载第 4 函德格 225b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་དཀར་བ་རྣམས་ཀྱི་ནི་གཅིག་ཏུ་དཀར་བ་ཡིན། འདྲེན་མ་རྣམས་ཀྱི་ནི་འདྲེན་མ་ཡིན་པས། དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་དང་འདྲེན་མ་རྣམས་ནི་སྤངས་ལ། ལས་གཅིག་ཏུ་དཀར་བ་ལ་བརྩལ་བར་བྱ་སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་
D1.004.0225b01.01པར་བྱའོ། །དགེ་སློང་རྣམས་ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ་བཙུན་པ་གནོད་སྦྱིན་ཀུམ་བི་རས་བཅོམ་ལྡན་འདས་ཀྱི་སླད་དུ་བདག་ཉིད་ཡོངས་སུ་བཏང་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
D1.004.0225b02.01དག་ད་ལྟར་གྱི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་འདིས་ངའི་ཕྱིར་བདག་ཉིད་ཡོངས་སུ་བཏང་བ་དེ་ཉོན་ཅིག །དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་རྒྱལ་པོ་ཚངས་སྦྱིན་ཞེས་བྱ་བ་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ། སྐྱེ་བོ་དང་
D1.004.0225b03.01མི་མང་པོས་རབ་ཏུ་གང་བ་ན་རྒྱལ་སྲིད་བྱེད་དུ་འཇུག་གོ། །དེའི་ཚེ་གྲོང་ཁྱེར་བཱ་རཱ་ཎ་སཱི་དང་ཧ་ཅང་ཡང་མི་རིང་བ་ཞིག་ན་ཡོད་པའི་བསྟི་གནས་རྩ་བ་དང་། མེ་ཏོག་དང་། འབྲས་བུ་དང་། ཆུ་ཕུན་སུམ་ཚོགས་པ་དང་། བྱ་སྣ་ཚོགས་སྐད་འབྱིན་པ་ཞིག་ན་དྲང་སྲོང་དཀའ་ཐུབ་དྲག་པོ་སྤྱོད་པ་ཆུ་
D1.004.0225b04.01དང་རྩ་བ་དང་འབྲས་བུ་ལ་ལོངས་སྤྱོད་པ། པགས་པ་དང་ཤིང་ཤུན་གྱོན་པ་ཞིག་གནས་སོ། །དེའི་བསྟི་གནས་ཀྱི་ཉེ་འཁོར་ན་རྔོན་པ་ཞིག་{རི་དགས་,རི་དྭགས་}བསད་ཅིང་འཚོ་བར་བྱེད་དེ། དེ་དུས་དུས་སུ་དྲང་སྲོང་དེའི་གན་དུ་འོང་ངོ་། །དྲང་སྲོང་དེས་ཀྱང་དེ་ལ་ཅི་ནས་ཀྱང་རྔོན་པ་འདིས་བདག་གི་ཉེ་
D1.004.0225b05.01འཁོར་ན་གནས་པའི་{རི་དགས་,རི་དྭགས་}རྣམས་གསོད་པར་མི་འགྱུར་བར་བྱ་བའི་ཕྱིར་དེ་ལ་ངལ་སོས་ནས་རྩ་བ་དང་འབྲས་བུས་སྟོབས་པར་བྱེད་པས། དེ་གཉིས་གཅིག་ལ་གཅིག་ཕ་དང་བུའི་འདུ་ཤེས་སྐྱེས་པར་གྱུར་ཏེ་རྔོན་པས་ནི་དྲང་སྲོང་ལ་ཕ་ཞེས་ཚིག་ཏུ་འབོད་དོ། །དྲང་སྲོང་གིས་ཀྱང་རྔོན་པ་ལ་
D1.004.0225b06.01བུ་ཞེས་འབོད་དོ། །ཇི་ཙམ་དུས་གཞན་ཞིག་ན་རྒྱལ་པོ་ཚངས་སྦྱིན་ནང་པར་སྔར་ལངས་ཏེ་{རི་དགས་,རི་དྭགས་}ཤོར་དུ་ཕྱིར་བྱུང་བ་དེས་{རི་དགས་,རི་དྭགས་}ཤིག་ལ་མདས་ཤི་གསོར་དུ་བསྣུན་པ་དང་དྲང་སྲོང་དེའི་བསྟི་གནས་སུ་ཞུགས་སོ། །དེར་ཡང་རྒྱལ་པོས་ལྕགས་མདས་གནད་དུ་བསྣུན་པས་ཤི་བར་གྱུར་ཏོ། །
D1.004.0225b07.01