完整藏文原文 · 德格版页 当前仅加载第 4 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པས་ཁྲོ་བའི་ཀུན་ནས་དཀྲིས་པ་དང་བཅས་པས་སྨྲས་པ། གལ་ཏེ་བདག་གིས་འདི་འདྲ་བའི་སྒྱུ་མས་དབང་དུ་བྱེད་པ་ཤེས་ན་བདག་གིས་ཀྱང་འཇིག་རྟེན་ཐམས་ཅད་དབང་དུ་བྱ་བ་ཞིག །དེ་ལ་ཤཱཀྱ་རྣམས་ཀྱིས་བཤེས་པའི་ཚིག་གིས་སྨྲས་པ། ལྷ་སྦྱིན་བཅོམ་
D1.004.0098a01.01ལྡན་འདས་ནི་རྫུ་འཕྲུལ་ཆེ་བ་མཐུ་ཆེ་བ་ཡིན་གྱིས་དེ་སྐད་མ་སྨྲ་ཤིག་ཅེས་བཟློག་ནས་ཅང་མི་སྨྲ་བར་འདུག་གོ། །ཚངས་པས་བསྐོར་བའི་སྐྱེད་མོས་ཚལ་དུ་འདི་ལྟ་བུའི་ཆོས་བཤད་པ་མཛད་དེ། དེ་ཐོས་པས་རྒྱལ་པོ་ཟས་གཙང་མ་གཏོགས་པར་བྲེ་བོ་ཟས་ལ་སོགས་པ་ཤཱཀྱ་བདུན་
D1.004.0098a02.01ཁྲི་དྲུག་སྟོང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་ན་ཡང་ལྷ་སྦྱིན་དེ་ཁོ་ན་བཞིན་དུ་ཁ་ཟེར་རོ། །རོ་ཧི་ཏ་ཀའི་སྐྱེད་མོས་ཚལ་དུ་འདི་ལྟ་བུའི་ཆོས་བཤད་པ་མཛད་དེ། དེ་ཐོས་པས་རྒྱལ་པོ་ཟས་གཙང་མ་གཏོགས་པར་བདུད་རྩི་ཟས་ལ་སོགས་པ་ཤཱཀྱ་བདུན་ཁྲི་ལྔ་
D1.004.0098a03.01སྟོང་གིས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་པ་ན་ཡང་ལྷ་སྦྱིན་དེ་ཁོ་ན་བཞིན་དུ་ཁ་ཟེར་རོ། །འཁོར་ལྷག་མ་རྣམས་ལས་ཁ་ཅིག་གིས་ནི་ཉན་ཐོས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་རང་སངས་རྒྱས་ཀྱི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་
D1.004.0098a04.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་བུ། ཁ་ཅིག་གིས་ནི་ཕྱིར་མི་འོང་བའི་འབྲས་བུ། ཁ་ཅིག་གིས་ནི་རབ་ཏུ་བྱུང་ནས་ཉོན་མོངས་
D1.004.0098a05.01པ་ཐམས་ཅད་སྤངས་ཏེ་དགྲ་བཅོམ་པར་གྱུར། ཁ་ཅིག་གིས་ནི་སངས་རྒྱས་ལ་སྐྱབས་སུ་སོང་། ཁ་ཅིག་གིས་ནི་ཆོས་ལ། ཁ་ཅིག་གིས་ནི་དགེ་འདུན་ལ་སྟེ། འཁོར་དེ་དག་ཀྱང་ཕལ་ཆེར་ཀྱང་སངས་རྒྱས་ལ་གཞོལ། ཆོས་ལ་འབབ། དགེ་འདུན་ལ་བབ་པར་བཀོད་
D1.004.0098a06.01དོ། །དེ་ནས་རྒྱལ་པོ་ཟས་གཙང་འདི་སྙམ་དུ་སེམས་ཏེ། སྔོན་ནི་བཅོམ་ལྡན་འདས་ལྷ་དང་ལྷ་མ་ཡིན་གྱི་འགྲོ་བར་བཅས་པས་མཆོད་པ་དང་། རྗེད་པ་དང་མངོན་དུ་སྨྲ་བར་བྱ་བར་གྱུར་ན། ད་ལྟ་ནི་མིས་མཆོད་ཀྱི་ལྷས་ནི་མ་ཡིན་ནོ་སྙམ་མོ། །དེ་ནས་ཤཱཀྱ་གཞོན་ནུ་ཞིག་གིས་ཚིགས་
D1.004.0098a07.01