完整藏文原文 · 德格版页 当前仅加载第 4 函德格 235a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་སོང་གིས་མྱུར་དུ་དེང་ཤིག །དེ་རྣམས་དོང་བ་ལས་དེ་ཡང་གྲོང་གཞན་ཞིག་ཏུ་ལྷམ་མཁན་གྱི་ཁྱིམ་ཞིག་ཏུ་ཞུགས་ནས་དེས་དེ་ལ་ཇི་ལྟར་གྱུར་པ་བསྙད་ནས་སྨྲས་པ། མཆིལ་ལྷམ་བོལ་རྟིང་བར་བལྟས་པ་ཞིག་གྱིས་ཤིག །དེས་སྨྲས་པ། བདག་གིས་སྔོན་ལན་འགའ་
D1.004.0235a01.01ཡང་མཆིལ་ལྷམ་དེ་ལྟ་བུ་བྱེད་མ་མྱོང་ངོ་། །དེས་ཚིགས་སུ་བཅད་དེ་སྨྲས་པ། བློ་གྲོས་སྣ་ཚོགས་རང་བཞིན་དུ་མ་སྟེ། །དེ་དག་སྲང་གཅིག་ཏུ་ནི་གཞལ་བ་མེད། །ལྷམ་མཁན་ཁྱོད་ཀྱིས་ང་ཡི་ཚིག་བཞིན་འདིར། །རྟིང་པ་གང་དེ་མདུན་དུ་ལྟ་བར་གྱིས། །དེས་ལྷམ་མཁན་དེ་ལ་བསླབས་
D1.004.0235a02.01ནས་ལྷམ་མཁན་གྱིས་དེ་འདྲ་བའི་མཆིལ་ལྷམ་ཞིག་བྱས་སོ། །རི་འོར་དེར་བས་བསྐོར་བ་ཡིན་པས་དེ་མཆིལ་ལྷམ་དེ་གྱོན་ནས། སྟོར་ཁུང་ནས་འཛུལ་ཏེ་བྲོས་སོ། །སྙེགས་མའི་མི་རྣམས་ཀྱིས་མཆིལ་ལྷམ་གྱི་རྗེས་བཞིན་རི་འོར་དེ་ཉིད་བསྐོར་ཏེ་དེ་ཡང་བྲོས་ནས་སོ། །ཆུར་ཞུགས་པ་
D1.004.0235a03.01དང་ཀླུ་རྣམས་ཀྱིས་གནས་སུ་ཁྲིད་དོ། །རྒྱལ་པོས་གཅིག་ནས་གཅིག་ཏུ་བརྒྱུད་པ་ལས་དེ་ཇི་ལྟར་ཀླུ་རྣམས་ཀྱིས་ཀླུའི་གནས་སུ་ཁྲིད་དོ་ཞེས་ཐོས་སོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་ངའི་ཡུལ་ན་སྦྲུལ་ཁས་སྡིགས་ཇི་སྙེད་གནས་པ་དེ་དག་ཐམས་ཅད་ངའི་སྤྱན་
D1.004.0235a04.01སྔར་ཁུག་ཤིག །དེ་རྣམས་ཀྱིས་ཡུལ་ཐམས་ཅད་ན་གནས་པའི་སྦྲུལ་ཁས་སྡིགས་རྣམས་རྒྱལ་པོ་ལ་ཕུལ་ལོ། །རྒྱལ་པོས་དེ་རྣམས་ལ་བསྒོ་བ། ཤེས་ལྡན་དག་དེང་ལ་ཀླུའི་གནས་ཆེ་གེ་མོ་ཞེས་བྱ་བར་ཀླུ་ཟུང་ཤིག །ལྷ་བཀའ་བཞིན་འཚལ་ཞེས་སྦྲུལ་ཁས་སྡིགས་ཐམས་ཅད་
D1.004.0235a05.01ཀྱིས་རྒྱལ་པོ་ལས་མཉན་ནས་ཀླུའི་གནས་སུ་དོང་ངོ་། །འབྲོག་གཅིག་ན་གནོད་སྦྱིན་སེར་སྐྱ་ཞེས་བྱ་བ་ཁྲག་དང་ཤ་ཟ་བ་གཅིག་ཡོད་དོ། །དེས་སྐྲག་པས་གཅན་གཟན་རྣམས་ཀྱིས་ཀྱང་འབྲོག་དེ་ཡོངས་སུ་སྤངས་ན་མི་རྣམས་ཀྱིས་ལྟ་སྨོས་ཀྱང་ཅི་དགོས་ཏེ་དེ་སེར་སྐྱའི་འབྲོག་ཅེས་བྱ་བར་གྲགས་
D1.004.0235a06.01སོ། །སྦྲུལ་ཁས་སྡིགས་རྣམས་ཀྱི་སྔགས་ཀྱི་མཐུས་ཇི་ལྟར་ཀླུ་དེ་ལ་གནོད་པར་འགྱུར་བ་དེ་ལྟར་བྱས་པས་དེ་སྐྲག་ནས་དེ་སེར་སྐྱའི་འབྲོག་དེ་རྒལ་བར་མི་ནུས་པར་བོར་རོ། །ཀླུ་རྣམས་ཀྱིས་གྲོས་བྱས་པ་བདག་ཅག་གིས་འདི་ལྟར་དེ་སེར་སྐྱའི་འབྲོག་ལས་མ་བསྒྲལ་བ་ནི་མ་ལེགས་པ་ཞིག་བྱས་ཏེ།
D1.004.0235a07.01