完整藏文原文 · 德格版页 当前仅加载第 4 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ནས་བྱུང་བ་དང་། ཟླ་བ་སྒྲ་ཅན་གྱིས་ཟིན་པ་དང་། གདུགས་ཤར་ཕྱོགས་ནས་བདལ་ནས་དེ་ཉིད་དུ་ནུབ་པ་རྨིས་ལགས་སོ། །བྱང་ཆུབ་སེམས་དཔས་གྲགས་འཛིན་མའི་ཡིད་མི་བདེ་བ་བསལ་བའི་ཕྱིར་རྨི་ལམ་རྣམས་བཤད་པ། བདག་གི་ཁྱིམ་གྱི་
D1.004.0010a01.01གདུང་ཆག་གོ་ཞེས་སྨྲས་པ་གང་ཡིན་པ་དེ་མི་འདུག་གམ། བདག་གི་བཀྲ་ཤིས་ཀྱི་མལ་ཁྲི་ཆག་གོ་ཞེས་སྨྲས་པ་གང་ཡིན་པ་དེ་ཡང་མ་ཆག་སྟེ་འདུག་པའོ་ནི་ཡིན་མོད། ལག་པའི་གདུ་བུ་ཆག་གོ་ཞེས་སྨྲས་པ་གང་ཡིན་པ་ཅི་ཆག་གམ་མ་ཆག་རང་ཉིད་རྟོགས་ཤིག །སོའི་ཕྲེང་
D1.004.0010a02.01བ་ལྷགས་སོ་ཞེས་སྨྲས་པ་གང་ཡིན་པ་དེ་ཡང་སོ་སོ་རང་གིས་རིག་པར་བྱ་བ་ཡིན་པས་ཅི་ལྷགས་སམ་མ་ལྷགས་རྟོགས་ཤིག །བདག་གི་ལན་བུ་ཞིག་གོ་ཞེས་གང་སྨྲས་པ་དེ་ཡང་ཁྱོད་ཀྱིས་སོ་སོ་རང་གིས་རིག་པར་བྱ་བ་ཡིན་པས་ཅི་ཞིག་གམ་མ་ཞིག་རྟོགས་ཤིག །ཁྱིམ་ནས་
D1.004.0010a03.01དཔལ་བྱུང་ངོ་ཞེས་སྨྲས་པ་གང་ཡིན་པ་དེ་ནི་བུད་མེད་རྣམས་ཀྱི་དཔལ་ནི་ཁྱོ་ཡིན་ལ་ང་ནི་འདུག་པ་ཉིད་དོ། །ཟླ་བ་སྒྲ་ཅན་གྱིས་ཟིན་ཅེས་སྨྲས་པ་གང་ཡིན་པ་དེ་ནི་ཟླ་བ་འདི་མངོན་སུམ་དུ་འདུག་པ་མ་ཡིན་ནམ། ཉི་མ་ཤར་ཕྱོགས་ནས་ཤར་ནས་དེ་ཉིད་དུ་ནུབ་བོ་ཞེས་སྨྲས་པ་གང་ཡིན་པ་དེ་ནི་
D1.004.0010a04.01ད་དུང་ཡང་ནམ་ཕྱེད་ཡོད་དེ། རེ་ཞིག་ཤར་ཀྱང་མ་ཤར་ན་ནུབ་པར་ལྟ་ག་ལ་གྱུར་ཅེས་དེ་ལྟར་བརྡ་སྤྲད་ནས་བཙུན་མོ་གྲགས་འཛིན་ཅང་མི་སྨྲ་བར་འདུག་གོ། །བྱང་ཆུབ་སེམས་དཔས་དགོངས་པ་གྲགས་འཛིན་མའི་རྨི་ལམ་དེ་འདྲ་བ་རྨིས་པས་གདོན་མི་ཟ་བར་ང་ཁོ་ན་བདག་འགྲོ་བར་
D1.004.0010a05.01བྱས་འདི་ལ་ཚིག་ཟུར་གྱིས་བསྟན་ནོ་སྙམ་ནས་དེས་དེ་ལ་ཚིག་ཟུར་གྱིས་བསྟན་པ་དང་། གྲགས་འཛིན་མས་གསོལ་པ། ལྷ་ཁྱོད་གང་དུ་བཞུད་པ་དེར་བདག་ཁྲིད་ཅིག །བྱང་ཆུབ་སེམས་དཔས་མྱ་ངན་ལས་འདས་པ་ལས་དགོངས་ནས་བཀའ་སྩལ་པ། དེ་བཞིན་དུ་བྱ་སྟེ། གང་
D1.004.0010a06.01དུ་འགྲོ་བ་དེ་དང་དེར་ཁྱོད་བཀྲིའོ། །དེ་ནས་བརྒྱ་བྱིན་དང་ཚངས་པ་ལ་སོགས་ཏེ་ལྷ་རྣམས་ཀྱི་སེམས་ཀྱིས་བྱང་ཆུབ་སེམས་དཔའི་དགོངས་པ་ཤེས་ནས་བྱང་ཆུབ་སེམས་དཔའ་གང་ན་བ་དེར་སོང་སྟེ་ཕྱིན་པ་དང་། བྱང་ཆུབ་སེམས་དཔའ་ལ་འདི་སྐད་ཅེས་གསོལ་ཏོ། །ནགས་ཀྱི་སྤྲེའུ་ནི་སྤྱོད་
D1.004.0010a07.01