完整藏文原文 · 德格版页 当前仅加载第 4 函德格 124a 版页；藏文 NFD、目录标记与异常页序保留在来源切片中，重复版页行以稳定序号区分。
དགོངས། སེམས་ཅན་ཐམས་ཅད་ཀྱི་རྗེས་སུ་སོང་བའི་བྱམས་པའོ། །དེ་རྣམས་ཀྱིས་བསམས་པ། འདིར་རྒྱུ་འདིས་ན་ད་ལྟར་བདག་ཅག་གིས་གླགས་མ་རྙེད་དོ་སྙམ་ནས་དེ་རྣམས་བཱ་རཱ་ཎ་སཱིའི་སྒོ་ནས་སྒོར་རྒྱུ་ཞིང་རྒྱལ་པོ་བྱམས་པའི་སྟོབས་ནམ་ཞིག་
D1.004.0124a01.01མཐོང་སྙམ་མོ། །ཇི་ཙམ་དུས་གཞན་ཞིག་ན་རྒྱལ་པོ་བྱམས་པའི་སྟོབས་ཕྱི་རོལ་དུ་སྐྱེད་མོས་ཚལ་དུ་ཆས་པ་དང་། དེ་ནས་དེ་རྣམས་བྲམ་ཟེའི་ཆ་བྱད་དུ་བདག་ཉིད་མངོན་པར་སྤྲུལ་ནས་སྤྱོད་ལམ་ཞི་བས་རྒྱལ་པོའི་དྲུང་དུ་ཉེ་བར་དོང་སྟེ་རྒྱལ་བ་དང་ཚེ་སྤེལ་བ་དག་བྱས་ནས་སྨྲས་པ།
D1.004.0124a02.01ལྷ་བདག་ཅག་བཀྲེས་ལགས་ན་གཡར་ཟས་ཀྱིས་རྗེས་སུ་གཟུང་དུ་གསོལ། རྒྱལ་པོས་བློན་པོ་རྣམས་བཀུག་སྟེ་བསྒོ་བ། ཤེས་ལྡན་དག་བྲམ་ཟེ་འདི་རྣམས་ཁ་ཟས་བསོད་པས་ཚིམ་པར་བྱོས་ཤིག །དེ་རྣམས་ཀྱིས་སྨྲས་པ། ལྷ་བདག་ཅག་ནི་ཤ་དང་ཁྲག་འཚལ་ལགས་
D1.004.0124a03.01སོ། །རྒྱལ་པོས་བློན་པོ་རྣམས་ལ་སྨྲས་པ། ཤེས་ལྡན་དག་གལ་ཏེ་ཤ་དང་ཁྲག་འབྱོར་པ་མེད་ན་ཚོང་འདུས་ནས་ཆོས་བཞིན་གྱིས་རྙེད་པའི་ཤ་དང་ཁྲག་བྱིན་ཅིག །ལྷ་བདག་ཅག་ནི་མོད་ལ་བཀུམ་པའི་ཤ་དང་ཁྲག་འཚལ་ན་མོད་ལ་བཀུམ་པའི་ཤ་དང་ཁྲག་གིས་རྗེས་
D1.004.0124a04.01སུ་གཟུང་དུ་གསོལ། རྒྱལ་པོས་བསམས་པ། སེམས་ཅན་གཞན་ལ་གནོད་པ་མ་བྱས་པར་ནི་མོད་ལ་བསད་པའི་ཤ་དང་ཁྲག་ག་ལ་རྙེད་ཀྱིས། ཅི་ནས་ཀྱང་འདི་རྣམས་ལ་བདག་གིས་རང་གི་ཁྲག་སྦྱིན་པར་བྱའོ་སྙམ་སྟེ། དེ་ནས་དཔྱད་མཁན་རྣམས་བཀུག་ནས་སྨྲས་པ།
D1.004.0124a05.01ཤེས་ལྡན་དག་ངའི་ཡན་ལག་གི་རྩ་ཐམས་ཅད་ཆོད་ཅིག་དང་སློང་མོ་བའི་སྐྱེ་བོ་ཚིམ་པར་བྱའོ། །དཔྱད་མཁན་གྱིས་སྨྲས་པ། ལྷ་མི་ཕལ་པ་རྣམས་ཀྱི་ཕྱིར་བདག་ཅག་ལྷའི་སྐུ་ལ་མཚོན་གྱིས་མི་འདེབས་སོ། །བྱང་ཆུབ་སེམས་དཔའ་ནི་བཟོའི་གནས་དང་ལས་ཀྱི་གནས་དེ་
D1.004.0124a06.01དང་དེ་དག་ལ་མཁས་པ་ཡིན་པས་དེས་རང་ཉིད་ཀྱི་ལུས་ཀྱི་ཡན་ལག་ལྔ་མཚོན་གྱིས་གཏར་ཏེ། དེ་ནས་རང་གི་ཁྲག་གིས་ཚིམ་པར་བྱས་ནས་དེ་རྣམས་ལ་དེ་ལྟ་བུའི་ཆོས་བཤད་དེ། གང་ཐོས་པས་གནོད་སྦྱིན་དེ་རྣམས་བརྟུལ་ཞུགས་ལྔའི་གཞི་རྣམས་ལ་བཀོད་དོ། །དགེ་
D1.004.0124a07.01