完整藏文原文 · 德格版页 当前仅加载第 4 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བསྙེན་བཀུར་བགྱིད་ན། བཅོམ་ལྡན་འདས་རྒྱལ་པོའི་ཁབ་ཏུ་གཤེགས་སུ་གསོལ་ཞེས་མཆི་ལགས་སོ། །བཅོམ་ལྡན་འདས་ཀྱིས་མི་དེ་ལ་ཅང་མི་གསུང་བས་གནང་ངོ་། །དེ་ནས་མི་དེས་བཅོམ་ལྡན་འདས་ཅང་མི་གསུང་བས་གནང་བར་རིག་ནས།
D1.004.0070a01.01བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་བཅོམ་ལྡན་འདས་སྔོན་ཐམས་ཅད་རལ་པ་ཅན་དུ་གྱུར་པའི་དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་དགྲ་བཅོམ་པ། ཟག་པ་ཟད་པ་ཞེས་བྱ་བ་ནས་ཡང་དག་
D1.004.0070a02.01པའི་ཤེས་པས་སེམས་ཤིན་དུ་རྣམ་པར་གྲོལ་བ་ཞེས་བྱ་བའི་བར་ཤ་སྟག་དང་ཐབས་ཅིག་ཏུ་མ་ག་དྷཱའི་ལྗོངས་རྒྱུ་ཞིང་གཤེགས་པ་ན་ཡུལ་མ་ག་དྷཱ་པ་རྣམས་ཀྱི་མཆོད་རྟེན་ལེགས་པར་རབ་གནས་ལྟང་བྲང་གི་ཚལ་ན་ཡོད་པ་གང་ན་བ་དེར་གཤེགས་སོ། །དེ་ནས་བཅོམ་ལྡན་འདས་ལེགས་པར་
D1.004.0070a03.01རབ་གནས་སུ་བྱོན་ནས་མ་ག་དྷཱ་པ་རྣམས་ཀྱི་མཆོད་རྟེན་ལེགས་པར་རབ་གནས་ལྟང་བྲང་གི་ཚལ་ན་ཡོད་པ་ན་བཞུགས་སོ། །མ་ག་དྷཱའི་རྒྱལ་པོ་བཟོ་སྦྱངས་གཟུགས་ཅན་སྙིང་པོས་བཅོམ་ལྡན་འདས་སྔོན་ཐམས་ཅད་རལ་པ་ཅན་དུ་གྱུར་པའི་དགེ་སློང་སྟོང་གི་དགེ་སློང་གི་དགེ་འདུན་ཆེན་པོ་ཞེས་བྱ་
D1.004.0070a04.01བ་ནས། སེམས་ཤིན་ཏུ་རྣམ་པར་གྲོལ་བ་ཞེས་བྱ་བའི་བར་དུ་སྟེ། མ་ག་དྷཱའི་ལྗོངས་རྒྱུ་ཤིང་གཤེགས་པ་ན། མ་ག་དྷཱ་པ་རྣམས་ཀྱི་མཆོད་རྟེན་ལེགས་པར་རབ་གནས་ལྟང་བྲང་གི་ཚལ་ན་ཡོད་པ་གང་ན་བ་དེར་གཤེགས་ཏེ། མ་ག་དྷཱ་པ་རྣམས་ཀྱི་མཆོད་རྟེན་ལེགས་པར་རབ་གནས་ལྟང་
D1.004.0070a05.01བྲང་གི་ཚལ་ན་ཡོད་པ་ན་བཞུགས་སོ་ཞེས་ཐོས་སོ། །ཐོས་ནས་ཀྱང་ཤིང་རྟ་བཟང་པོའི་ནང་དུ་ཞུགས་ཏེ་འཁོར་བརྒྱ་ཕྲག་དུ་མ་དང་རྒྱལ་པོའི་ཁབ་ནས་བྱུང་ནས་བཅོམ་ལྡན་འདས་ལ་བལྟ་བ་དང་། བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་བ་ན། དེའི་ཤིང་རྟའི་འཁོར་
D1.004.0070a06.01ལོ་སའི་ནང་དུ་བྱིང་བར་གྱུར་ཏོ། །དེས་བསམས་པ་བདག་གིས་ལས་སྐྱོན་ཅན་{ཆུང་ཟད་,ཅུང་ཟད་}བྱས་པར་མ་གྱུར་གྲང་སྙམ་མོ། །ལྷ་རྣམས་ཀྱིས་དེ་ལ་སྨྲས་པ། རྒྱལ་པོ་ཆེན་པོ་ཁྱོད་ཀྱིས་ལས་སྐྱོན་ཅན་མ་བྱས་མོད་ཀྱི། ཁྱོད་དང་ལྷན་ཅིག་ལས་མཚུངས་པར་སྤྱོད་པ་གང་ཡིན་པ་དེ་དག་
D1.004.0070a07.01