完整藏文原文 · 德格版页 当前仅加载第 4 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཉིད་ལ་རང་གི་མངོན་པར་ཤེས་པས་འཇིག་རྟེན་འདི་དང་འཇིག་རྟེན་ཕ་རོལ་མངོན་སུམ་དུ་བྱས་ནས་བསྒྲུབས་ཏེ་བདག་ནི་སྐྱེ་བཟད་དོ། །ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་པ་དག་མེད་དོ། །སྲོག་ནི་འདི་
D1.004.0261b01.01ཉིད་ལ་འཚོ་ཞིང་དེ་ཕྱིས་ཆད་པར་འགྱུར། ཞིག་པར་འགྱུར་ཏེ་ཤི་བའི་འོག་ཏུ་མི་འབྱུང་ངོ་། །སྐྱེས་བུའི་ལུས་ནི་འབྱུང་བ་ཆེན་པོ་བཞི་ལས་གྱུར་པ་ཡིན་ཏེ། དེ་ནི་གང་གི་ཚེ་ཤི་བ་ན་དེའི་སའི་ལུས་ནི་སའི་བག་ལ་ཞ་ཆུའི་ལུས་ནི་ཆུའི་མེའི་ལུས་ནི་མེའི་རླུང་གི་ལུས་ནི་རླུང་
D1.004.0261b02.01གི་བག་ལ་ཞ་བར་འགྱུར་རོ། །དབང་པོ་རྣམས་ནི་ནམ་མཁའི་རྗེས་སུ་འགྲོ་བར་འགྱུར་རོ། །སྐྱེས་བུའི་རོ་ནི་ཁྲི་དང་ལྔའི་མི་དག་གིས་ཁྱེར་ཏེ་དུར་ཁྲོད་དུ་འགྲོ་ཞིང་བསྲེགས་ཕན་ཆད་མི་མངོན་པར་འགྱུར་རོ། །བསྲེག་བྱ་དག་ནི་ཐལ་བར་འགྱུར་རོ། །རུས་པ་དག་ནི་ཐི་བའི་མདོག་འདྲ་བར་གནས་སོ།
D1.004.0261b03.01འདི་ལྟར་རྨོངས་པས་ཉེ་བར་བསྟན་པ་ནི་སྦྱིན་ལ་མཁས་པས་ཉེ་བར་བསྟན་པ་ནི་ལེན་ཏོ། །དེ་ལ་གང་དག་ཡོད་པར་སྨྲ་བ་དེ་དག་ཐམས་ཅད་ནི་གསོག་གསོབ་{བརྫུན་,རྫུན་}དུ་སྨྲ་བ་བརྡོལ་བ་ཡིན་ནོ། །འདི་ལྟར་བྱིས་པ་དང་མཁས་པ་དེ་གཉིས་ནི་ཕྱིས་ཆད་པར་འགྱུར་ཞིག་པར་འགྱུར་ཏེ་ཤི་བའི་
D1.004.0261b04.01འོག་ཏུ་མི་འབྱུང་ངོ་ཞེས་མཆི་སྟེ། བཙུན་པ་དཔེར་ན་མི་ཞིག་ཨ་མྲའི་འབྲས་བུ་རྣམས་དྲིས་ན་ལ་ཀུ་ཙའི་འབྲས་བུ་རྣམས་ལུང་སྟོན་པར་བགྱིད་ལ། ལ་ཀུ་ཙའི་འབྲས་བུ་རྣམས་དྲིས་ན་ཨ་མྲའི་འབྲས་བུ་རྣམས་ལུང་སྟོན་པར་བགྱིད་པ་དེ་བཞིན་དུ་འོད་སྲུང་རྫོགས་བྱེད་ལ་བདག་གིས་ཡང་དག་པར་
D1.004.0261b05.01མཐོང་བའི་དགེ་སྦྱོང་གི་ཚུལ་གྱི་འབྲས་བུ་དྲིས་ན་མ་མཆིས་པ་ཉིད་ལུང་སྟོན་པར་བགྱིད་ནས། བཙུན་པ་དེ་ལ་བདག་འདི་སྙམ་དུ་སེམས་ཏེ། བདག་འདྲ་བའི་སྐྱེས་བུ་མཁས་པས་གཟུགས་བཟང་པོར་བཀུར་བ་ཡུལ་ན་གཉུག་མར་གནས་པའི་དགེ་སྦྱོང་ངམ་བྲམ་ཟེ་ལ་མངོན་སུམ་དུ་སྨད་པ་
D1.004.0261b06.01ནི་བདག་གི་ཆ་མ་ལགས་སོ་སྙམ་ནས། བཙུན་པ་བདག་གིས་འོད་སྲུང་རྫོགས་བྱེད་ཀྱིས་སྨྲས་པ་ལ་མངོན་པར་བསྟོད་པ་ཡང་མི་བགྱིད། སྨད་པ་ཡང་མི་བགྱིད་དེ། མངོན་པར་བསྟོད་པ་ཡང་མ་བགྱིས། སྨད་པ་ཡང་མ་བགྱིས་པར་སྟན་ལས་ལངས་ཏེ་མཆིས་ནས་བདག་ཀུན་དུ་
D1.004.0261b07.01