完整藏文原文 · 德格版页 当前仅加载第 4 函德格 198b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་བུས་པ་གཞོན་ནུ་དེ་གཉིས་དང་རྩེ་རྩེ་བའི་{རི་དགས་,རི་དྭགས་}ཀྱི་ཕྲུ་གུ་བསྟི་གནས་ན་འདུག་པ་རྣམས་མཐོང་ནས་མི་དགའ་སྟེ་སྙིང་རྗེ་རྗེ་སྐད་ཀྱི་ཚིག་གིས་དལ་བུས་སྨྲས་པ། དེའི་ནེའུ་ཟླ་མཐོང་བར་འདོད་པ་གང་། །གནས་སུ་ས་ཚུགས་མཚོན་ཅིང་ཚོལ་བྱེད་པ། །{རི་དགས་,རི་དྭགས་}ཕྲུ་གུ་རྒྱུ་བ་
D1.004.0198b01.01འདི་དག་ཀྱང་། །བདག་གི་སྡུག་བསྔལ་མི་ཆུང་གཞན་ཡིན་ནོ། །དེ་ནས་བུས་པ་གཞོན་ནུ་དེ་དག་ལམ་གང་ནས་དོང་བའི་ལམ་དེར་རྗེས་བཅད་པ་དང་། བུས་པ་གཞོན་ནུ་དེ་གཉིས་རྗེས་དྲང་པོར་མ་བྱུང་གི་གྱ་གྱུས་གང་བར་མཐོང་ནས་ལྷག་པར་ཡང་སྡུག་བསྔལ་གྱིས་གདུངས་ནས་
D1.004.0198b02.01སྨྲས་པ། ཇི་ལྟར་འཐེན་པའི་རྗེས་བྱུང་དང་། །ལ་ལར་མྱུར་དུ་སོང་བ་ལས། །བརྡེགས་ཏེ་ཁྲིད་པར་གདོན་མི་ཟ། །ཀྱེ་མ་བྲམ་ཟེ་བརྩེ་མེད་མཆོག །མགུལ་ནི་དབུགས་ཀྱིས་བརྫགས་ཤིང་སྐད་ཀྱང་འཛེར། །མ་མཆུ་མཛེས་པ་འདར་ཞིང་བདག་གི་བུ། །{རི་དགས་,རི་དྭགས་}བཞིན་དུ་མིག་
D1.004.0198b03.01ཀྱང་རིག་རིག་སྟེ། །རྐང་པ་འཇམ་པོས་ཇི་ལྟར་སོང་ཞིག་གུ། །དེ་ནས་བྱང་ཆུབ་སེམས་དཔའ་དེ་ལྟར་སྨྲེ་སྔགས་འདོན་པའི་བདག་ཉིད་དེ་མཐོང་ནས་མི་རྟག་པ་ཉིད་དང་ལྡན་པའི་ཚིག་དེ་དང་དེ་དག་གིས་རྣམ་གྲངས་མང་པོར་གོ་བར་བྱས་ནས་སྨྲས་པ། ཁོ་བོས་བུ་གཉིས་གྲགས་པ་ཡིས། །
D1.004.0198b04.01བཏང་བ་མ་ཡིན་སྡང་བས་མིན། །སེམས་ཅན་ཀུན་ལ་ཕན་དོན་དུ། །བཏང་བར་དཀའ་བའི་བུ་དེ་བཏང་། །མཆོག་ཏུ་བཏང་དཀའ་བདག་ཉིད་དང་། །བུ་དང་ཆུང་མ་རྣམས་བཏང་ནས། །སེམས་དཔའ་ཆེན་པོས་ཚུལ་བཞིན་དུ། །བྱང་ཆུབ་མཆོག་ནི་ཐོབ་པར་འགྱུར། །རྒྱགས་
D1.004.0198b05.01སྦྱིན་བདག་གིས་གཏོང་བ་ལ་བརྟེན་གཏང་དཀའ་བའི། །བུས་པ་དེ་གཉིས་འཇིག་རྟེན་ཐར་པའི་དོན་དུ་བཏང་། །བདག་དང་ཆུང་མ་གཞོན་ནུ་ནོར་ཡང་གཏང་བྱ་སྟེ། །ཀུན་ལ་ཐམས་ཅད་བཏང་བའི་བློ་གྲོས་ང་ལ་ཡོད། །དེ་ནས་རྒྱགས་སྦྱིན་མས་སེམས་བརྟན་ཏེ། བྱང་ཆུབ་སེམས་
D1.004.0198b06.01དཔའ་ལ་སྨྲས་པ། ཁྱོད་ལ་བར་ཆད་མི་བགྱིད་ཀྱིས། །ཁྱོད་བློ་གཞན་དུ་མ་འགྱུར་ཅིག །གལ་ཏེ་བདག་ཀྱང་སྩོལ་བཞེད་ན། །དོགས་པ་མ་མཛད་བདག་སྩོལ་ཅིག །གཞན་ཡང་དཔའ་བོ་གང་ཕྱིར་ཉིད་ཀྱི་མི། །སྡུག་པས་ཆགས་པ་བཏང་བ་ཡི། །དོན་དེ་མྱུར་དུ་ཐོབ་ནས་ནི། །
D1.004.0198b07.01