完整藏文原文 · 德格版页 当前仅加载第 4 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་སེམས་སོ་སྙམ་སྟེ། དེ་ཉན་ཐོས་རྣམས་ཀྱིས་ཆོས་འདུལ་བ་ལེགས་པར་བཤད་པའི་སྒོ་ནས་རྗེས་སུ་སྲུང་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ཀྱིས་ཆོས་འདུལ་བ་ལེགས་པར་བཤད་པའི་སྒོ་ནས་རྗེས་སུ་སྲུང་བར་རེ་བ་ཡིན་ཏེ། འདི་ནི་འཇིག་རྟེན་ན་ཡོད་ཅིང་མངོན་པའི་
D1.004.0164b01.01སྟོན་པ་ལྔ་པ་ཡིན་ནོ། །དགེ་སློང་དག་ང་ནི་ཚུལ་ཁྲིམས་ཡོངས་སུ་དག་པ་ཁོ་ན་ཡིན་པས་ང་ཚུལ་ཁྲིམས་ཡོངས་སུ་དག་པ་སྟེ་ཉོན་མོངས་ཅན་མ་ཡིན་ནོ་ཞེས་ཞལ་གྱིས་འཆེ་སྟེ། ཉན་ཐོས་རྣམས་ཀྱིས་ང་ལ་ཚུལ་ཁྲིམས་ཀྱི་སྒོ་ནས་རྗེས་སུ་སྲུང་བར་བསམ་ཡང་མི་དགོས་ལ་ང་ཡང་ཉན་ཐོས་
D1.004.0164b02.01རྣམས་ཀྱིས་ཚུལ་ཁྲིམས་ཀྱི་སྒོ་ནས་རྗེས་སུ་སྲུང་བར་འདོད་པ་མི་མངའོ། །དགེ་སློང་དག་ང་ནི་འཚོ་བ་ཡོངས་སུ་དག་པ་ཁོ་ན་ཡིན་པས་ངའི་འཚོ་བ་ཡོངས་སུ་དག་སྟེ་ཉོན་མོངས་པ་ཅན་མ་ཡིན་ནོ་ཞེས་ཞལ་གྱིས་འཆེ་སྟེ། ཉན་ཐོས་རྣམས་ཀྱིས་ང་ལ་འཚོ་བའི་སྒོ་ནས་རྗེས་སུ་སྲུང་བར་བསམ་
D1.004.0164b03.01ཡང་མི་དགོས་ལ། ང་ལ་ཡང་ཉན་ཐོས་རྣམས་ཀྱིས་འཚོ་བའི་སྒོ་ནས་རྗེས་སུ་སྲུང་བར་འདོད་པ་མི་མངའོ། །དགེ་སློང་དག་ང་ནི་ཡེ་ཤེས་གཟིགས་པ་ཡོངས་སུ་དག་པ་ཁོ་ན་ཡིན་པས་ང་ཡེ་ཤེས་གཟིགས་པ་ཡོངས་སུ་དག་སྟེ་ཉོན་མོངས་པ་ཅན་མ་ཡིན་ནོ་ཞེས་ཞལ་གྱིས་འཆེ་སྟེ། ཉན་
D1.004.0164b04.01ཐོས་རྣམས་ཀྱིས་ང་ལ་ཡེ་ཤེས་གཟིགས་པའི་སྒོ་ནས་རྗེས་སུ་སྲུང་བར་བསམ་ཡང་མི་དགོས་ལ་ང་ཡང་ཉན་ཐོས་རྣམས་ཀྱིས་ཡེ་ཤེས་གཟིགས་པའི་སྒོ་ནས་རྗེས་སུ་སྲུང་བར་འདོད་པ་མི་མངའོ། །དགེ་སློང་དག་ང་ནི་ལུང་སྟོན་པ་དང་ལྡན་པ་ཁོ་ན་ཡིན་པས་ངའི་ལུང་སྟོན་པ་ཕུན་སུམ་ཚོགས་ཏེ་ཉོན་
D1.004.0164b05.01མོངས་པ་ཅན་མ་ཡིན་ནོ་ཞེས་ཞལ་གྱིས་འཆེ་སྟེ། ཉན་ཐོས་རྣམས་ཀྱིས་ང་ལ་ལུང་སྟོན་པ་ཕུན་སུམ་ཚོགས་པའི་སྒོ་ནས་རྗེས་སུ་བསྲུང་བར་བསམ་ཡང་མི་དགོས་ལ། ང་ཡང་ཉན་ཐོས་རྣམས་ཀྱིས་ལུང་སྟོན་པ་དང་ལྡན་པར་རྗེས་སུ་སྲུང་བར་འདོད་པ་མི་མངའོ། །དགེ་སློང་དག་ངའི་ཆོས་འདུལ་
D1.004.0164b06.01བ་ནི་ལེགས་པར་གསུངས་པ་ཁོ་ན་ཡིན་པས་ངའི་ཆོས་འདུལ་བ་ལེགས་པར་གསུངས་པ་སྟེ། ཉོན་མོངས་པ་ཅན་མ་ཡིན་ནོ་ཞེས་ཞལ་གྱིས་འཆེ་སྟེ། ཉན་ཐོས་རྣམས་ཀྱིས་ང་ལ་ཆོས་འདུལ་བ་ནི་ལེགས་པར་གསུངས་པའི་སྒོ་ནས་རྗེས་སུ་བསྲུང་བར་བསམ་མི་དགོས་ལ། ང་ཡང་ཉན་ཐོས་
D1.004.0164b07.01