完整藏文原文 · 德格版页 当前仅加载第 4 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
བས་བླ་ན་མེད་པའི་ཡེ་ཤེས་ཐོབ་པར་འགྱུར་བ་ལྟ་སྨོས་ཀྱང་ཅི་དགོས་ཏེ། ངས་བླ་ན་མེད་པའི་ཡེ་ཤེས་ཐོབ་པར་མི་འགྱུར་བ་དེ་སྲིད་རེ་སྐན། དེ་སྐད་ཅེས་བཀའ་སྩལ་པ་དང་། བདུད་ཀྱིས་སྨྲས་པ། རེ་ཞིག་ཇི་ལྟར་བདག་གི་མཆོད་སྦྱིན་གཅིག་གིས་འདོད་པའི་ཁམས་ཀྱི་དབང་
D1.004.0030a01.01ཕྱུག་ཐོབ་པར་གྱུར་པའི་བདག་གི་དཔང་ནི་ཁྱོད་ཉིད་ཡིན་ན། ཇི་ལྟར་ཁྱོད་ཀྱི་བླ་ན་མེད་པའི་ཡེ་ཤེས་ཐོབ་པར་བྱ་བའི་ཕྱིར་བསྐལ་པ་གྲངས་མེད་པ་གསུམ་དུ་མཆོད་སྦྱིན་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་བྱས་ཤིང་སེམས་ཅན་རྣམས་ཀྱི་ཕྱིར་མགོ་དང་། ལག་པ་དང་། རྐང་པ་དང་།
D1.004.0030a02.01མིག་དང་། ཤ་དང་། ཁྲག་དང་། བུ་དང་། ཆུང་མ་དང་། དབྱིག་དང་། གསེར་ལ་སོགས་པ་ཡོངས་སུ་བཏང་བར་ཁྱོད་ལ་དཔང་དུ་སུ་ཡོད། དེ་ནས་བྱང་ཆུབ་སེམས་དཔའ་བཅོམ་ལྡན་འདས་ཀྱི་ཕྱག་འཁོར་ལོ་དང་། བཀྲ་ཤིས་དང་། གཡུང་དྲུང་འཁྱིལ་བ་དང་། དྲ་བས་
D1.004.0030a03.01འབྲེལ་བ་བསོད་ནམས་བརྒྱ་ཕྲག་དུ་མས་བསྐྱེད་པ་སྐྲག་པ་རྣམས་ལ་དབུགས་འབྱིན་པར་མཛད་པས་ས་ལ་རེག་པར་མཛད་ནས་ངས་བསྐལ་པ་གྲངས་མེད་པ་གསུམ་དུ་མཆོད་སྦྱིན་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མ་བྱས་ཤིང་སེམས་ཅན་རྣམས་ཀྱི་ཕྱིར་མགོ་དང་། ལག་པ་དང་། རྐང་པ་
D1.004.0030a04.01དང་། མིག་དང་། ཤ་དང་། ཁྲག་དང་། བུ་དང་། ཆུང་མ་དང་། དབྱིག་དང་། གསེར་ལ་སོགས་པ་ཡོངས་སུ་བཏང་བའི་ངའི་དཔང་ནི་ས་འདི་ཡིན་ནོ། །དེ་ནས་སའི་ལྷས་ས་བརྟོལ་ནས་ཐལ་མོ་སྦྱར་ཏེ་སྐད་ཕྱུང་བ། སྡིག་ཅན་བཅོམ་ལྡན་འདས་ཀྱིས་ཇི་སྐད་བཀའ་སྩལ་པ་
D1.004.0030a05.01དེ་བཞིན་ཡིན་ནོ་ཞེས་དེ་སྐད་སྨྲས་པ་དང་། བདུད་སྡིག་ཅན་ཅང་མི་སྨྲ་བར་གྱུར་ཏེ། ཞུམ་ཞུམ་པོར་གྱུར། བག་འཁུམས་པར་གྱུར། སྤྱི་བོ་སྨད་ནས་སྤོབས་པ་མེད་ལ་སེམས་ཁོང་དུ་ཆུད་ཅིང་འདུག་པར་གྱུར་ཏེ། དེ་སྡུག་བསྔལ་ཞིང་ཡིད་མི་བདེ་བས་བསམས་པ། བདག་གིས་
D1.004.0030a06.01ཤཱཀྱ་ཟས་གཙང་གི་བུ་ལ་དེ་ལྟར་བྱས་ཀྱང་གླགས་མ་རྙེད་ཀྱིས། མ་ལ་འདི་ལ་བདག་གིས་ཡང་བགེགས་ཤིག་བྱའོ་ཞེས་སྨྲས་ནས་སོང་ངོ་། །དེ་ནས་དེས་བུ་མོ་གསུམ་པོ་སྲེད་མ་དང་། དགའ་བྱེད་མ་དང་། དགའ་སྤྱོད་མ་མངགས་ཏེ་དེ་རྣམས་གཟུགས་དང་། ལང་ཚོའི་རྒྱགས་
D1.004.0030a07.01