完整藏文原文 · 德格版页 当前仅加载第 4 函德格 210b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་འཛིན་དུ་བཅུག །ཡང་དག་པར་གཟེངས་བསྟོད། ཡང་དག་པར་རབ་ཏུ་དགའ་བར་མཛད་ནས་ཅང་མི་གསུང་ངོ་། །དེ་ནས་དགའ་སྡེ་རབ་ཏུ་མང་པོ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་
D1.004.0210b01.01གང་ན་བ་དེ་ལོགས་སུ་ཐལ་མོ་སྦྱར་བ་བཏུད་དེ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ལ་བདག་ཅག་དགུང་ཟླ་གསུམ་དུ་ན་བཟའ་ཆོས་གོས་དང་། བསོད་སྙོམས་
D1.004.0210b02.01དང་། གཟིམས་ཆ་དང་། སྙུན་དཔྱད་ཀྱི་རྐྱེན་སྨན་དང་། ཡོ་བྱད་རྣམས་སྦྱོར་ཞིང་མཆིས་ན་གནང་བར་མཛད་དུ་གསོལ། ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཀྱིས་དགའ་སྡེ་རབ་ཏུ་མང་པོ་རྣམས་ལ་ཅང་མི་གསུང་བས་གནང་ངོ་། །དེ་ནས་དགའ་སྡེ་རབ་ཏུ་
D1.004.0210b03.01མང་པོས་ཡང་དག་པར་རྫོགས་པའི་སངས་རྒྱས་རྣམ་པར་གཟིགས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱིས་གསུངས་པ་ལ་མངོན་པར་དགའ་སྟེ་རྗེས་སུ་ཡི་རངས་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ནས་སྟན་ལས་ལངས་
D1.004.0210b04.01ཏེ་དོང་ངོ་། །དེ་རྣམས་འདུན་ཁང་དུ་འདུས་ཏེ་གྲོས་བྱ་བར་བརྩམས་པ། ཤེས་ལྡན་དག་བདག་ཅག་གིས་བཅོམ་ལྡན་འདས་ཇི་ལྟར་གདུགས་ཚོད་གསོལ་བར་བྱ། ཅི་འདུས་ཏེ་བྱ་འམ། འོན་ཏེ་རེ་རེས་བྱ། དེ་ན་ཁ་ཅིག་གིས་སྨྲས་པ། ཉི་མ་རེ་རེ་ཞིང་འདུས་ཏེ་གདུགས་
D1.004.0210b05.01ཚོད་གསོལ་ན་བདག་ཅག་གི་ཞིང་བླས་ཀྱི་མཐའ་རྣམས་བར་ཆད་དུ་འགྱུར་བས་ཤེས་ལྡན་དག་གལ་ཏེ་འདོད་ན་རེ་མོས་རེ་མོས་གདུགས་ཚོད་གསོལ་བར་བྱའོ་ཞེས་དེ་རྣམས་ཀྱིས་རེ་མོས་རེ་མོས་སྤྱི་བུ་ངས་ལས་སྟོན་མོ་བྱ་བར་བརྩམས་ཏེ། འབྱོར་པ་ཇི་ལྟ་བ་བཞིན་བདག་ཉིད་ཀྱི་ཡང་སྣོན་
D1.004.0210b06.01པར་བྱེད་དོ། །དེ་ནས་དགའ་སྡེ་རྣམས་ཀྱི་ནང་ན་བྲམ་ཟེའི་ཁྱེའུ་བཀྲེན་པ་ཞིག་ཡོད་པ་དེ་མའི་དྲུང་དུ་སོང་སྟེ་སྨྲས་པ། ཡུམ་དགའ་སྡེ་རྣམས་ཀྱིས་ཁྲིམས་སུ་བཅས་པ་རེ་མོས་རེ་མོས་བཅོམ་ལྡན་འདས་གདུགས་ཚོད་གསོལ་བར་བྱའོ་ཞེས་བཅས་ན། དེ་ལ་བདག་གི་འབྱོར་པ་
D1.004.0210b07.01