完整藏文原文 · 德格版页 当前仅加载第 4 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ནི་རྨི་ལམ་རྣོ་བ་ཡིན་པས་བདག་ཉིད་ཆེན་པོ་དེས་ཚོགས་ཀྱི་དཔོན་པོ་ཅིག་ཤོས་ལ་སྨྲས་པ། བདག་གིས་རྨི་ལམ་འདི་འདྲ་བ་རྨིས་ནས་འདོང་ན་གཞན་དུ་འདོང་ངམ། དེ་ཡིད་མ་ཆེས་ནས་སྨྲས་པ། ཅི་རྨི་ལམ་དུ་རྨིས་སོ་ཅོག་བདེན་པར་འགྱུར་རམ། གལ་ཏེ་ཁྱོད་འགྲོ་ན་སོང་ཤིག །
D1.004.0246b01.01ཁོ་བོ་ནི་སྤྱོད་ཡུལ་ཆེས་ཡངས་པར་འགྱུར་བས་མི་འགྲོའོ། །དེས་དེ་ཡིད་མ་ཆེས་པར་རིག་ནས་བདག་ཉིད་ཀྱིས་ཚོགས་དང་དེ་དོང་ངོ་། །ཇི་ཙམ་དུས་གཞན་ཞིག་ན་རི་འོར་དེ་ན་བྲན་མོ་ཞིག་ཐབ་ན་ཡོས་རྔོད་ན་མ་སྟེས་པས་ལུག་ཅིག་འཁྱམ་ཞིང་ཕྱོགས་དེར་ཕྱིན་ནས་དེ་ནས་དེ་དག་བཟའ་བར་བརྩམས་
D1.004.0246b02.01པ་དང་དེ་འགལ་དུམ་གྱིས་བསྣུན་པས་མེ་འབར་བཞིན་རྒྱལ་པོའི་གླང་པོ་ཆེའི་བྲེས་སུ་ཞུགས་པ་འབར་བ་དེས་གླང་པོ་ཆེའི་བྲེས་བསྲེགས་ཏེ་གླང་པོ་ཆེ་མང་པོ་ཞིག་ཚིག་གོ། །རྒྱལ་པོས་སྨན་པ་བཀུག་སྟེ་སྨྲས་པ། གླང་པོ་ཆེ་མེས་ཚིག་པ་རྣམས་ལ་དཔྱད་ཅི་ཡོད། སྨན་པ་དེའི་ནས་ཀྱི་ཞིང་སྤྲེའུ་
D1.004.0246b03.01རྣམས་ཀྱིས་མ་རུང་བར་བྱས་པས་དེས་བསམས་པ། སྤྲེའུ་འདི་རྣམས་ལ་ཤ་གཉེར་བའི་དུས་ལ་བབ་བོ་སྙམ་དུ་བསམས་ནས་སྨྲས་པ། ལྷ་སྤྲེའུའི་ཞག་གིས་གླང་པོ་ཆེ་རྣམས་བསྐུས་ན་གསོས་པར་འགྱུར་རོ། །རྒྱལ་པོས་བློན་པོ་རྣམས་ལ་བསྒོ་བ། ཤེས་ལྡན་དག་སྤྲེའུའི་ཞག་སྟ་གོན་
D1.004.0246b04.01གྱིས་ཤིག །དེ་རྣམས་ཀྱིས་ཀྱང་རྔོན་པ་རྣམས་ལ་བསྒོ་བ་དང་། རྔོན་པ་རྣམས་ཀྱིས་རི་འོར་གྱི་ཉེ་འཁོར་ན་གནས་པའི་སྤྲེའུ་ཐམས་ཅད་བཟུང་སྟེ་ཕུལ་ལོ། །སྨན་པ་ཡུན་རིང་པོ་ནས་ཤ་ཁོན་རྗེས་སུ་འབྲེལ་བས་གསོན་པོ་ཉིད་དུ་ཟངས་སུ་བཅུག་གོ། །ལྷས་ཚིགས་སུ་བཅད་དེ་སྨྲས་པ།
D1.004.0246b05.01གྲོང་རྡལ་དང་ནི་གྲོང་ཁྱེར་ན། །མི་མཐུན་ཡོད་པར་གནས་མི་བྱ། །ལུག་དང་བྲན་མོ་མི་མཐུན་པས། །སྤྲེའུ་རྣམས་དག་ནི་བརླག་པར་གྱུར། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་སྤྲེའུའི་ཚོགས་ཀྱི་དཔོན་པོ་རྨི་ལམ་རྣོ་བ་གང་ཡིན་པ་དེ་ནི་ང་ཉིད་ཡིན་ནོ། །དེའི་ཚེ་དེའི་
D1.004.0246b06.01དུས་ཀྱི་ཚོགས་ཀྱི་དཔོན་པོ་ཅིག་ཤོས་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེ་ན་ཡང་ངའི་ཚིག་ཉན་པ་གང་ཡིན་པ་དེ་དག་ནི་འཇིགས་པ་ཆེན་པོ་ལས་རབ་ཏུ་ཐར་རོ། །ལྷ་སྦྱིན་གྱི་ཚིག་ཉན་པ་གང་ཡིན་པ་དེ་དག་ནི་ཚུལ་མ་ཡིན་པས་མ་རུངས་པར་གྱུར་ཏོ། །ད་ལྟར་ཡང་ངའི་ལྟ་བའི་རྗེས་
D1.004.0246b07.01