完整藏文原文 · 德格版页 当前仅加载第 4 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དེ། འདི་ལྟར་དེའི་སྤྱན་སྔ་ན་མེའི་ཕུང་པོ་ཆེན་པོ་འབར་རབ་ཏུ་འབར། ཀུན་ཏུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་ནས་སྲེག་པར་བགྱིད་པ་ཞིག་མཆིས་སོ་སྙམ་མོ། །འོད་སྲུང་ཅིང་མེ་ལ་ཡོངས་སུ་སྤྱོད་དམ། ང་མེ་ལ་ཡོངས་
D1.004.0060a01.01སུ་མི་སྤྱོད་དེ། དེ་ལྟ་མོད་ཀྱི་འདིར་མདང་སུམ་ལྷ་རྣམས་ཀྱི་དབང་པོ་བརྒྱ་བྱིན་ཁ་དོག་འཕགས་པས་མཚན་མོ་ལ་བབ་པ་ནང་གང་ན་བ་དེར་འོངས་ཏེ་ཕྱིན་ནས་ངའི་ཞབས་ལ་མགོ་བོས་ཕྱག་བྱས་ཏེ། དེ་དཔེར་ན་མེའི་ཕུང་པོ་འབར་རབ་ཏུ་འབར། ཀུན་དུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་
D1.004.0060a02.01ནས་སྲེག་པ་བཞི་པོ་དེ་དག་པས་ཀྱང་ཆེས་ལྷག་ཅིང་ཆེས་འཕགས་ལ་ཆེས་བཟང་བ་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་པ་ཡིན་ནོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ། འདི་ལྟར་དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་
D1.004.0060a03.01མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ། །དེ་ནས་བཅོམ་ལྡན་འདས་ལྟེང་རྒྱས་ན་ལྟེང་རྒྱས་འོད་སྲུང་རལ་པ་ཅན་གྱི་བསྟི་གནས་ཀྱི་ནགས་ཚང་ཚིང་ན་བཞུགས་སོ། །དེ་ནས་མི་མཇེད་ཀྱི་བདག་པོ་ཚངས་པ་ཁ་དོག་འཕགས་པས་མཚན་མོ་ལ་བབ་པ་ན་བཅོམ་ལྡན་འདས་གང་ན་བ་
D1.004.0060a04.01དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ། དཔེར་ན་མེའི་ཕུང་པོ་བཞི་པོ་དེ་དག་ཉིད་སྔ་མ་བཞིན་དུ་སྲེག་པ་ཞེས་བྱ་བ་ནས་མེའི་ཕུང་པོ་ལྔ་པ་དེ་མེ་ལྕེ་གཅིག་ཏུ་གྱུར་ནས་སྲེག་པར་བྱེད་དོ་ཞེས་བྱ་བའི་བར་དེ་དག་པས་ཀྱང་ཆེས་ལྷག་ཅིང་ཆེས་འཕགས་
D1.004.0060a05.01ལ་ཆེས་བཟང་བ་ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་གོ །ལྟེང་རྒྱས་འོད་སྲུང་རལ་པ་ཅན་དེ་ཉིད་ཀྱི་མཚན་མོ་རྒྱུ་སྐར་རྣམས་ལ་བལྟ་བ་ན་བཅོམ་ལྡན་འདས་ཀྱི་སྤྱན་སྔ་ན་མེའི་ཕུང་པོ་ཆེན་པོ་འབར་རབ་ཏུ་འབར་བ་ཞེས་བྱ་བ་ནས་སྲེག་པར་བྱེད་པ་ཞེས་བྱ་བའི་བར་ཞིག་མཐོང་ངོ་། །
D1.004.0060a06.01མཐོང་ནས་ཀྱང་དེ་འདི་སྙམ་དུ་སེམས་ཏེ། །དགེ་སྦྱོང་ཆེན་པོ་ཡང་མེ་ལ་ཡོངས་སུ་སྤྱོད་དེ། འདི་ལྟར་དེའི་མདུན་དུ་མེའི་ཕུང་པོ་ཆེན་པོ་ཞེས་བྱ་བ་ནས་སྲེག་པར་བྱེད་པའི་བར་ཞིག་ཡོད་དོ་སྙམ་མོ། །དེ་ནས་ལྟེང་རྒྱས་འོད་སྲུང་རལ་པ་ཅན་ནང་པར་སྔར་ལངས་ནས་བཅོམ་ལྡན་འདས་གང་
D1.004.0060a07.01