完整藏文原文 · 德格版页 当前仅加载第 4 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་སྒྲོལ་ཤིང་རྟ་དེ་ལས་མྱུར་བ་མྱུར་བར་བབས་ཏེ་སྙིང་དགའ་བ་དང་། མགུ་བ་དང་། རབ་ཏུ་དགའ་བས་བྲམ་ཟེ་དེ་དག་ལ་ཤིང་རྟ་དེ་བྱིན་ནས་སྨྲས་པ། བདག་གིས་ཇི་ལྟར་བྲམ་ཟེ་ལ། །མཆོག་ཏུ་དགའ་བས་ཤིང་རྟ་བཏང་། །དེ་བཞིན་བདག་གིས་སྲིད་པ་གསུམ། །བཏང་ནས་བྱང་
D1.004.0193b01.01ཆུབ་མཆོག་རེག་ཤོག །དེ་དུས་གཞན་ཞིག་ན་གླང་པོ་ཆེའི་མཆོག་རྒྱལ་སྲིད་འཕེལ་ཞེས་བྱ་བ་མེ་ཏོག་ཀུན་ད་དང་། པུཎྜ་རཱི་ཀ་དང་། ཁ་བ་དང་། དངུལ་དང་། སྤྲིན་དཀར་པོ་ལྟ་བུའི་མདོག་ཅན་བདུན་ལེགས་པར་གྱུར་པ། རྐང་ལག་ལེགས་པར་གནས་པ། གླང་པོ་ཆེས་སྲུང་
D1.004.0193b02.01གི་བུ་ལྟར་འགྱིང་ཞིང་འགྲོ་བ། སྐལ་བ་མཆོག་གི་མཚན་ཅན། བསོད་ནམས་བྱས་པས་མཐོང་བ་ལ་ཞོན་ནས་ཤིན་ཏུ་སྡུག་པའི་བྲན་དང་། མཛའ་བཤེས་དང་། གཡོག་རྣམས་ཕྱི་བཞིན་འབྲང་ཞིང་ཟླ་བ་རྒྱུ་སྐར་གྱི་ཚོགས་ཀྱིས་ཡོངས་སུ་བསྐོར་བ་བཞིན་དུ་སོ་གའི་དུས་ལ་
D1.004.0193b03.01བབ་པས་ཤིང་རྣམས་མེ་ཏོག་ཁ་འབུས་ཤིང་། ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། རི་སྐེགས་དང་། ཁུ་བྱུག་དང་། ཤང་ཤང་ཏེའུ་སྒྲ་འབྱིན་པའི་ནགས་ཚལ་གྱི་སྐྱེད་མོས་ཚལ་གྱི་སར་སོང་བ་དང་། དེ་ནས་ཕྱིར་རྒོལ་བས་རྦད་པའི་བྲམ་ཟེ་ཁ་ཅིག་གཞོན་
D1.004.0193b04.01ནུ་ཐམས་ཅད་སྒྲོལ་གྱི་དྲུང་དུ་རིངས་པ་རིངས་པར་འོངས་ནས་གཞོན་ནུ་ཐམས་ཅད་སྒྲོལ་ལ་སྨྲས་པ། རྒྱལ་རིགས་གཞོན་ནུ་ཁྱོད་རྒྱལ་བར་གྱུར་ཅིག །ཡང་སྨྲས་པ། ལྷ་མིན་ལྷར་བཅས་འཇིག་རྟེན་དུ། །ཁྱོད་ནི་ཐམས་ཅད་གཏོང་ཞེས་གྲགས། །ཁྱོད་ཀྱི་གླང་པོ་མཆོག་
D1.004.0193b05.01འདི་ནི། །བདག་ཅག་རྣམས་ལ་སྩལ་པའི་རིགས། །དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་གླང་པོ་ཆེའི་མཆོག་དེ་ལས་མྱུར་བ་མྱུར་བར་བབས་ནས། དགའ་བ་དང་། མགུ་བ་དང་། རབ་ཏུ་དགའ་བའི་ཡིད་ཀྱིས་དེ་དག་ལ་གླང་པོ་ཆེའི་མཆོག་དེ་བྱིན་ནས་སྨྲས་པ།
D1.004.0193b06.01བདག་གིས་ཇི་ལྟར་བྲམ་ཟེ་ལ། །མཆོག་ཏུ་དགའ་བས་གླང་ཆེན་བཏང་། །དེ་བཞིན་བདག་གིས་སྲིད་པ་གསུམ། །བཏང་ནས་བྱང་ཆུབ་མཆོག་རེག་ཤོག །རྒྱལ་པོ་ཐམས་ཅད་ཀྱི་བཤེས་གཉེན་གྱི་བུ་ཐམས་ཅད་སྒྲོལ་གྱིས་གླང་པོ་ཆེའི་མཆོག་རྒྱལ་སྲིད་འཕེལ་ཞེས་བྱ་བ་ཕྱིར་རྒོལ་
D1.004.0193b07.01