完整藏文原文 · 德格版页 当前仅加载第 4 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
མི་གཡེང་པར་ཚེ་དང་ལྡན་པ་ཤཱ་རིའི་བུ་ལ་རྟོག་ཅིང་འདུག་གོ། །དེ་ནས་ཚེ་དང་ལྡན་པ་ཤཱ་རིའི་བུས་མུ་སྟེགས་ཅན་རྣམས་ལ་སྨྲས་པ། ཤེས་ལྡན་དག་ཅི་རེ་ཞིག་བྱེད་དམ། འོན་ཏེ་འཇིག །དེ་རྣམས་ཀྱིས་སྨྲས་པ། ཁོ་བོ་ཅག་གིས་བྱས། ཁྱོད་ཀྱིས་ཤིག་ཅིག་ཚེ་དང་
D1.004.0085a01.01ལྡན་པ་ཤཱ་རིའི་བུས་བསམས་པ། གལ་ཏེ་བདག་གིས་བྱས་ན་འཇིག་རྟེན་ལྷ་དང་བཅས་པས་ཀྱང་འཇིག་པར་མི་ནུས་ན་ཀུན་དུ་རྒྱུ་མིག་དམར་གྱིས་ལྟ་སྨོས་ཀྱང་ཅི་དགོས་སྙམ་དུ་རིག་ནས་ཀུན་དུ་རྒྱུ་མིག་དམར་ལ་འདི་སྐད་ཅེས་སྨྲས་སོ། །ཁྱོད་ཀྱིས་བྱོས་ཤིག་ངས་གཞིག་གོ། །
D1.004.0085a02.01དེ་མིག་འཕྲུལ་བྱེད་པ་ཡིན་པས་དེས་ཤིང་ས་ཧ་ཀར་ཤིན་ཏུ་མེ་ཏོག་གིས་རྒྱས་པ་ཞིག་སྤྲུལ་པ་དང་། ཚེ་དང་ལྡན་པ་ཤཱ་རིའི་བུས་རླུང་དང་ཆར་དྲག་པོ་ཕབ་སྟེ། དེས་དེ་རྩ་བ་ནས་ཕྱུང་ནས་ཕན་ཚུན་དུ་རྣམ་པར་གཏོར་ཏེ་རྣལ་འབྱོར་པ་རྣམས་ཀྱི་ཡུལ་དུ་ཡང་མ་གྱུར་ཏོ། །དེ་ནས་དེས་
D1.004.0085a03.01པད་མའི་རྫིང་ཞིག་སྤྲུལ་པ་དང་། ཚེ་དང་ལྡན་པ་ཤཱ་རིའི་བུས་གླང་པོ་ཆེ་བཟང་པོ་ཞིག་སྤྲུལ་ནས་དེས་ཀུན་དུ་བརྣལ་ནས་མིང་གི་ལྷག་མ་ཙམ་ཞིག་བཞག་གོ། །དེས་སྦྲུལ་མགོ་བདུན་པ་ཞིག་སྤྲུལ་པ་དང་། ཚེ་དང་ལྡན་པ་ཤཱ་རིའི་བུས་ནམ་མཁའ་ལྡིང་ཞིག་སྤྲུལ་ཏེ་དེས་དེ་བླངས་སོ། །
D1.004.0085a04.01དེས་རོ་ལངས་ཤིག་སྤྲུལ་པ་དང་། ཚེ་དང་ལྡན་པ་ཤཱ་རིའི་བུས་སྔགས་ཀྱི་ཕུར་བས་བཏབ་པ་ལས་ཉེས་པར་སྤྱོད་པའི་རོ་ལངས་ནི་བདག་ཉིད་ལ་གསོད་པར་བྱེད་པས་དེས་དེ་ཉིད་ལ་བསྙགས་པ་དང་། དེ་ནས་དེ་འཇིགས་སྐྲག་ཕོངས་ཤིང་བ་སྤུ་ཟིང་ཞེས་བྱེད་ནས། ཚེ་དང་ལྡན་པ་ཤཱ་རིའི་བུའི་
D1.004.0085a05.01རྐང་པ་གཉིས་ལ་གཏུགས་ཏེ། འཕགས་པ་ཤཱ་རིའི་བུ་སྐྱབས་སུ་མཆི་ལགས་ཀྱིས་ཡོངས་སུ་བསྐྱབ་ཏུ་གསོལ། དེ་ནས་ཚེ་དང་ལྡན་པ་ཤཱ་རིའི་བུས་སྔགས་ཀྱི་ཕུར་པ་ཕྱུང་བ་དང་རོ་ལངས་དེ་ཞི་བར་གྱུར་ཏོ། །ཚེ་དང་ལྡན་པ་ཤཱ་རིའི་བུས་དེ་ལ་ཆོས་བཤད་དེ། དེ་དད་པ་སྐྱེས་ནས་སྨྲས་
D1.004.0085a06.01པ། འཕགས་པ་ཤཱ་རིའི་བུ་བདག་ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་བ་དང་བསྙེན་པར་རྫོགས་པ་དགེ་སློང་གི་དངོས་པོ་གནང་ན་བདག་འཕགས་པ་ཤཱ་རིའི་བུའི་སྤྱན་སྔར་ཚངས་པར་སྤྱོད་པ་སྤྱད་པར་བགྱིའོ། །ཚེ་དང་ལྡན་པ་ཤཱ་རིའི་བུས་དེ་རབ་ཏུ་ཕྱུང་བསྙེན་པར་
D1.004.0085a07.01