完整藏文原文 · 德格版页 当前仅加载第 4 函德格 242a 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་པར་བྱས། རྟེན་ཅིང་འབྲེལ་བར་འབྱུང་བ་ལ་མཁས་པར་བྱས་པ་གང་ཡིན་པ་དེས་ལྷར་གྱུར་ནས་ང་ལས་བདེན་པ་མཐོང་བར་བྱས་སོ། །དགེ་སློང་དག་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་ཞེས་བྱ་བ་ནས་ལས་གཅིག་ཏུ་དཀར་བ་ལ་བརྩལ་བར་བྱ་སྟེ།
D1.004.0242a01.01དགེ་སློང་དག་ཁྱེད་ཀྱིས་དེ་ལྟར་བསླབ་པར་བྱའོ་ཞེས་བྱ་བའི་བར་གོང་མ་བཞིན་དུའོ།། །།སྡོམ་ནི། ངང་པ་གད་རྒྱངས་དབྱུང་བ་དང་། །{རི་དགས་,རི་དྭགས་}རུལ་དང་སྤྲེའུ་དང་ནི། །གླང་པོ་ཆེ་དང་བྱི་ལ་དང་། །བ་ལང་ཟླ་བ་རྡོ་བ་དང་། །གླང་ཆེན་ཝ་དང་བྲམ་ཟེའོ། །དགེ་སློང་རྣམས་
D1.004.0242a02.01ཐེ་ཚོམ་སྐྱེས་ཏེ་ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་དགེ་སློང་ལྔ་བརྒྱས་ཡོངས་སུ་བཏང་ན་ཚེ་དང་ལྡན་པ་ཀུན་དགའ་བོས་ཡོངས་སུ་མ་བཏང་བ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་
D1.004.0242a03.01དག་ད་ལྟར་གྱི་འདི་འབའ་ཞིག་ཏུ་མ་ཟད་དེ། ཇི་ལྟར་འདས་པའི་དུས་ན་ཡང་ཀུན་དགའ་བོ་འདིས་ང་ཡོངས་སུ་མ་བཏང་བ་དེ་ཉོན་ཅིག །དགེ་སློང་དག་སྔོན་བྱུང་བ་མཚོ་ཆེན་པོ་མ་དྲོས་པ་ན་ངང་པའི་དཔོན་པོ་ཡུལ་འཁོར་སྐྱོང་ཞེས་བྱ་བར་གྱུར་ཏོ། །དེ་ལ་བུ་གཉིས་ཡོད་ལ། གང་
D1.004.0242a04.01བ་དང་། བཞིན་རྒྱས་ཞེས་བྱ་བ་སྟེ། གང་བ་ནི་ཕུ་བོ་ཡིན་ནོ། །བཞིན་རྒྱས་ནི་ནུ་བོ་ཡིན་ནོ། །དེ་གཉིས་ལས་གང་བ་ནི་གཏུམ་པ། བརླང་བ། གཟུ་ལུམས་ཅན་ཞིག་སྟེ་རྟག་ཏུ་ངང་པ་རྣམས་ལ་སྡིགས་པར་བྱེད་དེ། ཁ་ཅིག་ལ་སྒྲོ་འབྱིན། ཁ་ཅིག་ལ་
D1.004.0242a05.01ནི་སྡེར་མོས་རྨ་འབྱིན་པར་བྱེད་ཅིང་དེ་ལྟ་བུ་དང་གཞན་ཡང་གནོད་པ་བརྒྱ་ཕྲག་དག་བྱེད་དེ། ངང་པ་རྣམས་ཉི་མ་རེ་རེ་ཞིང་ངང་པ་རྣམས་ཀྱི་དཔོན་པོ་ཡུལ་འཁོར་སྐྱོང་གི་གན་དུ་སོང་སྟེ་རིག་པར་བྱེད་ནས་དེས་བསམས་པ། གང་བ་གཏུམ་པ། བརླང་བ། གཟུ་ལུམས་ཅན་
D1.004.0242a06.01ཡིན་པས་གལ་ཏེ་བདག་གིས་འདི་རྒྱལ་ཚབ་ལ་བཞག་ན་བདག་ཤི་ནས་འདིས་ངང་པའི་ཚོགས་བཤིག་པར་འགྱུར་གྱིས། དེ་ལ་ཐབས་ཤིག་བཤམ་པར་བྱའོ་སྙམ་མོ། །དེས་གང་བ་དང་བཞིན་རྒྱས་གཉིས་བཀུག་ནས་བསྒོ་བ། འབབ་ཆུའི་དངོ་དང་མཚོ་དང་མཚེའུ་རྣམས་
D1.004.0242a07.01