完整藏文原文 · 德格版页 当前仅加载第 4 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་གན་རྐྱལ་གྱིས་སྡུར་བའི་སྒྲ་འབྱིན་ཅིང་འདུག་པ་དེ་ལྟ་བུར་བྱིན་གྱིས་བརླབས་སོ། །དེ་ནས་ཚེ་དང་ལྡན་པ་ཤཱ་རིའི་བུས་དགེ་སློང་རྣམས་ལ་སྨྲས་པ། ཚེ་དང་ལྡན་པ་དག་སྟོན་པ་ལུས་གན་རྐྱལ་གྱིས་སྡུར་ཅིང་གཉིད་ལོག་པའི་གནས་སྐབས་ལ་ལྟོས། དེ་ནས་ཚེ་
D1.004.0253a01.01དང་ལྡན་པ་ཤཱ་རིའི་བུས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་མཽད་གལ་གྱི་བུ་ཆེན་པོ་འཁོར་རྣམས་སྐྱོ་བ་སྐྱེད་ཅིག །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་ཇི་ལྟར་སེམས་མཉམ་པར་བཞག་ན་ཤར་ཕྱོགས་ཀྱི་སྟེང་གི་ནམ་མཁའ་ལ་མངོན་
D1.004.0253a02.01པར་འཕགས་ནས་སྤྱོད་ལམ་རྣམ་པ་བཞི་བྱེད་དེ། འཆག་པ་དང་། འགྲེང་བ་དང་། འདུག་པ་དང་། ཉལ་བར་བྱེད་དོ། །མེའི་ཏིང་ངེ་འཛིན་ལའང་སྙོམས་པར་འཇུག་སྟེ། མེའི་ཏིང་ངེ་འཛིན་ལ་སྙོམས་པར་ཞུགས་པ་ན། ཚེ་དང་ལྡན་པ་མཽད་གལ་གྱི་བུ་ཆེན་པོའི་ལུས་ལས་འོད་ཟེར་
D1.004.0253a03.01སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། བཙོད་ཀ་དང་། ཤེལ་གྱི་ཁ་དོག་དག་འབྱིན་པར་བྱེད་དོ། །ཆོ་འཕྲུལ་ཟུང་དུ་ཡང་སྟོན་པར་བྱེད་དེ། ལུས་ཀྱི་སྨད་ནས་མེ་འབར་བར་བྱེད་ཅིང་། ལུས་ཀྱི་སྟོད་ནས་ཆུ་གྲང་མོའི་རྒྱུན་འབེབས་པར་བྱེད་དོ། །ལུས་ཀྱི་སྟོད་
D1.004.0253a04.01ནས་མེ་འབར་བར་བྱེད་ཅིང་། ལུས་ཀྱི་སྨད་ནས་ཆུ་གྲང་མོའི་རྒྱུན་འབེབས་པར་བྱེད་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །ཤར་ཕྱོགས་ལ་ཇི་ལྟ་བ་བཞིན་དུ་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་སུ་ཡང་དེ་བཞིན་ཏེ། ཕྱོགས་བཞིར་རྫུ་འཕྲུལ་གྱི་ཆོ་འཕྲུལ་རྣམ་པ་
D1.004.0253a05.01བཞི་བསྟན་ནས་རྫུ་འཕྲུལ་གྱི་མངོན་པར་འདུ་བྱེད་པ་དེ་དག་བསྡུས་ཏེ་སྟན་བཤམས་པ་ཉིད་ལ་འདུག་པ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོས་དགེ་སློང་རྣམས་སྐྱོ་བ་བསྐྱེད་དོ། །དེ་ནས་ཚེ་དང་ལྡན་པ་ཤཱ་རིའི་བུས་དགེ་སློང་རྣམས་ཀྱིས་གང་ཐོས་ན་ལྷ་སྦྱིན་སྤོང་བར་འགྱུར་བ་དེ་ལྟ་བུའི་ཆོས་
D1.004.0253a06.01བཤད་ནས་ཡང་སྨྲས་པ། ཚེ་དང་ལྡན་པ་དག་ཁྱེད་ཅག་ལས་གང་དག་སྟོན་པ་ལ་དགའ་བ་དེ་དག་ནི་ལོངས་ཤིག་འདོང་ངོ་ཞེས་ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་ཆས་པ་ན་དགེ་སློང་དེ་རྣམས་ཀྱང་དེའི་རྗེས་བཞིན་རྗེས་བཞིན་དུ་འབྲང་ངོ་། །ཀོ་ཀ་ལི་ཀས་ལྷ་སྦྱིན་བསླང་བ།
D1.004.0253a07.01