完整藏文原文 · 德格版页 当前仅加载第 4 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལས་སྡིག་པ་དང་བསོད་ནམས་སུ་འགྱུར་བ་ཡང་མེད་དོ། །འདི་ལྟར་སྦྱིན་པ་དང་། དུལ་བ་དང་། ཡང་དག་པར་སྡོམ་པ་དང་། དོན་སྤྱོད་པ་དང་། དོན་མཐུན་པས་དེ་ལྟར་བྱེད་པ་ཡང་བསོད་ནམས་མི་བྱེད་པ་ཁོ་ན་ཡིན་ནོ་ཞེས་མཆི་སྟེ། བཙུན་པ་དཔེར་ན་མི་ཞིག་ཨ་མྲའི་འབྲས་བུ་
D1.004.0263b01.01རྣམས་དྲིས་ན་ལ་ཀུ་ཙའི་འབྲས་བུ་རྣམས་ལུང་སྟོན་པར་བགྱིད་ལ། ལ་ཀུ་ཙའི་འབྲས་བུ་རྣམས་དྲིས་ན་ཨ་མྲའི་འབྲས་བུ་རྣམས་ལུང་སྟོན་པར་བགྱིད་པ་དེ་བཞིན་དུ་སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་ལ་བདག་གིས་ཡང་དག་པར་མཐོང་བའི་དགེ་སྦྱོང་གི་ཚུལ་གྱི་འབྲས་བུ་དྲི་བ་དྲིས་ན་བྱེད་
D1.004.0263b02.01པ་ཉིད་མ་མཆིས་པར་ལུང་སྟོན་པར་བགྱིད་དོ། །བཙུན་པ་དེ་ལ་བདག་འདི་སྙམ་དུ་སེམས་ཏེ། བདག་འདྲ་བའི་སྐྱེས་བུ་མཁས་པས་གཟུགས་བཟང་པོར་བཀུར་བ་ཡུལ་ན་གཉུག་མར་གནས་པའི་དགེ་སྦྱོང་ངམ་བྲམ་ཟེ་ལ་ད་ཇི་ལྟར་མངོན་སུམ་དུ་སྨད་པར་བྱ་སྙམ་ནས། བདག་གིས་སྨྲ་འདོད་
D1.004.0263b03.01ཀྱི་བུ་མོའི་བུ་ཡང་དག་རྒྱལ་བ་ཅན་ལ་མངོན་པར་བསྟོད་པ་ཡང་མི་བགྱིད་སྨད་པ་ཡང་མི་བགྱིད་དེ། མངོན་པར་བསྟོད་པ་ཡང་མ་བགྱིས། སྨད་པ་ཡང་མ་བགྱིས་པར་སྟན་ལས་ལངས་ཏེ་མཆིས་ནས་བདག་མི་ཕམ་སྐྲའི་ལ་བ་ཅན་གང་ན་བ་དེར་མཆིས་ཏེ་མཆིས་ནས། མི་ཕམ་སྐྲའི་
D1.004.0263b04.01ལ་བ་ཅན་ལ་འདི་སྐད་ཅེས་བཙུན་པ་མི་ཕམ་འཇིག་རྟེན་གྱི་ལས་ཀྱི་གནས་དང་བཟོའི་གནས་ཐ་དད་པ་གང་དག་ཡིན་པ་འདི་ལྟ་སྟེ། ཕྲེང་རྒྱུད་པ་དང་། སྨྱུག་མ་མཁན་དང་། གདན་པ་དང་། རྩྭ་ཐུན་དང་། འདུལ་མཁན་དང་། གླང་པོ་ཆེ་ལ་ཞོན་པ་དང་། རྟ་ལ་ཞོན་པ་
D1.004.0263b05.01དང་། ཤིང་རྟ་མཁན་དང་། རལ་གྲིའི་ཐབས་དང་། གཞུའི་འཛིན་སྟངས་པ་དང་། ཞམ་འབྲིང་བྱེད་པ་དང་། གོ་རེ་ལོང་དང་། བྲོ་ག་ལེན་པ་དང་། རྒྱལ་པོའི་བུ་རབ་གནོན་ཚན་པོ་ཆེ་དཔའ་བ་རྟུལ་ཕོད་པ་རྣམས་དང་མཉེས་པར་བྱེད་པ་དང་། སྐྲ་མཁན་དང་། ཁྲུས་མཁན་དེ་
D1.004.0263b06.01རྣམས་རང་རང་གི་བཟོའི་གནས་དང་། ལས་ཀྱི་གནས་རྣམས་ཀྱིས་བྱ་བ་བྱེད་ཅིང་སྦྱིན་པ་དག་གཏོང་། བསོད་ནམས་དག་བྱེད་ལ་གསོ་བ་རྣམས་གསོ་ཞིང་འདོད་པའི་ཡོན་ཏན་ལྔ་འབྱོར་ཅིང་ལྡན་པར་གྱུར་ནས་རྩེ་བར་བྱེད་དགའ་བར་བྱེད། དགའ་མགུར་སྤྱོད་པར་བྱེད་ན་དེ་ལྟ་བུ་རྣམས་
D1.004.0263b07.01