完整藏文原文 · 德格版页 当前仅加载第 4 函德格 87a 版页；藏文 NFD、目录标记与异常页序保留在来源切片中，重复版页行以稳定序号区分。
རྙེད་པ་ལ་ཆགས་པ་དང་། བཀུར་སྟི་ལ་རྒྱབ་ཀྱིས་ཕྱོགས་པ། དབང་པོ་དང་ཉེ་བའི་དབང་པོ་དང་བཅས་པའི་ལྷ་རྣམས་ཀྱིས་མཆོད་པར་བྱ་བ་དང་། རྗེད་པར་བྱ་བ་དང་། མངོན་དུ་སྨྲ་བར་བྱ་བར་གྱུར་ཏོ། །དེ་ནས་ཚེ་དང་ལྡན་པ་ཤཱ་རིའི་བུས་གཙུག་ལག་ཁང་གི་
D1.004.0087a01.01ཐིག་སྐུད་ཀྱི་མཐའ་གཅིག་ནས་བཟུང་། མཐའ་གཅིག་ནས་ཁྱིམ་བདག་མགོན་མེད་ཟས་སྦྱིན་གྱིས་བཟུང་བ་དང་། ཚེ་དང་ལྡན་པ་ཤཱ་རིའི་བུས་འཛུམ་དབྱུང་བར་བརྩམས་སོ། །ཁྱིམ་བདག་མགོན་མེད་ཟས་སྦྱིན་གྱིས་སྨྲས་པ། འཕགས་པ་ཤཱ་རིའི་བུ་དེ་བཞིན་གཤེགས་པ་རྣམས་
D1.004.0087a02.01སམ། དེ་བཞིན་གཤེགས་པའི་ཉན་ཐོས་རྣམས་ནི་རྒྱུ་མེད་རྐྱེན་མེད་པར་འཛུམ་པ་མི་མཛད་ན། འཕགས་པ་ཤཱ་རིའི་བུ་ཅིའི་རྒྱུ་ཅིའི་རྐྱེན་གྱིས་འཛུམ་པ་མཛད། ཁྱིམ་བདག་དེ་དེ་བཞིན་ནོ། །དེ་དེ་བཞིན་ཏེ། དེ་བཞིན་གཤེགས་པ་རྣམས་སམ། དེ་བཞིན་གཤེགས་
D1.004.0087a03.01པའི་ཉན་ཐོས་རྣམས་ནི་རྒྱུ་མེད་རྐྱེན་མེད་པར་འཛུམ་པ་མི་མཛད་དེ། ཁྱོད་ཀྱིས་འདིར་ཐིག་སྐུད་བཟུང་བ་དང་། དགའ་ལྡན་གྱི་ལྷའི་རིས་སུ་ཡང་གསེར་གྱི་ཁང་པ་གྲུབ་པར་གྱུར་ཏོ། །དེ་ནས་ཁྱིམ་བདག་མགོན་མེད་ཟས་སྦྱིན་ངོ་མཚར་སྐྱེས་པའི་མིག་བགྲད་དེ་སྨྲས་པ། འཕགས་
D1.004.0087a04.01པ་ཤཱ་རིའི་བུ་གལ་ཏེ་དེ་ལྟ་ན་དེའི་སླད་དུ་ཡང་ཐིག་སྐུད་བརྐྱང་དང་ལྷག་པར་སེམས་མངོན་པར་དད་པར་བགྱིའོ། །ཚེ་དང་ལྡན་པ་ཤཱ་རིའི་བུས་ཡང་ཐིག་སྐུད་དེ་བཟུང་བ་དང་། ཁྱིམ་བདག་མགོན་མེད་ཟས་སྦྱིན་གྱིས་ལྷག་པར་དང་བ་དྲག་པོའི་ཤུགས་ཀྱིས་སེམས་མངོན་པར་དད་པར་
D1.004.0087a05.01བྱས་ཏེ། དད་པ་དེའི་མཇུག་ཐོགས་ཁོ་ནར་གསེར་གྱི་ཁང་པ་རིན་པོ་ཆེ་སྣ་བཞི་ལས་བྱས་པར་གྱུར་ནས་ཚེ་དང་ལྡན་པ་ཤཱ་རིའི་བུས་ཀྱང་དེ་ལ་གོ་བར་བྱས་སོ། །དེ་ནས་ཁྱིམ་བདག་མགོན་མེད་ཟས་སྦྱིན་གོང་ནས་གོང་དུ་བསོད་ནམས་རབ་ཏུ་འཕེལ་བའི་རྒྱུད་ཀྱིས་གཙུག་ལག་ཁང་ཆེན་
D1.004.0087a06.01པོ་བཅུ་དྲུག་དང་། ཁང་ཕྲན་དྲུག་བཅུ་རྩིག་ཏུ་བཅུག་སྟེ། དེས་གཙུག་ལག་ཁང་ཆེན་པོ་བཅུ་དྲུག་དང་། ཁང་ཕྲན་དྲུག་བཅུ་བརྩིགས་ནས་ཡོ་བྱད་ཐམས་ཅད་ཀྱིས་རྒྱས་པར་བྱས་ཏེ། ཚེ་དང་ལྡན་པ་ཤཱ་རིའི་བུ་གང་ན་བ་དེར་སོང་སྟེ་ཕྱིན་པ་དང་། ཚེ་དང་ལྡན་པ་ཤཱ་རིའི་བུ་ལ་
D1.004.0087a07.01