完整藏文原文 · 德格版页 当前仅加载第 4 函德格 266a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། ཀ་ཏྱའི་བུ་ནོག་ཅན་བདག་ལ་འདི་སྐད་ཅེས་རྒྱལ་པོ་ཆེན་པོ་བདག་ནི་འདི་ལྟར་ལྟ་ཞིང་འདི་སྐད་ཅེས་སྨྲ་སྟེ། གལ་ཏེ་འགའ་ཞིག་བདག་གི་གན་དུ་མཆིས་ཏེ་འདི་སྐད་ཅེས་འཇིག་རྟེན་ཕ་རོལ་ཡོད་དམ་ཞེས་འདྲི་ན། དེ་ལ་བདག་འཇིག་རྟེན་ཕ་རོལ་ཡོད་དོ་ཞེས་དྲི་བ་
D1.004.0266a01.01དྲིས་པའི་ལན་འདེབས་སོ། །འཇིག་རྟེན་ཕ་རོལ་མེད་པ་དང་། འཇིག་རྟེན་ཕ་རོལ་ཡོད་པ་དང་མེད་པ་དང་། ཡོད་པ་ཡང་མ་ཡིན་མེད་པ་ཡང་མ་ཡིན་པ་དང་། དེ་བཞིན་དུ་འཇིག་རྟེན་ཕ་རོལ་འདི་ལྟ་བུ་ཉིད་དང་། འདི་ལྟ་བུ་ཉིད་མ་ཡིན་པ་དང་། གཞན་ཉིད་དང་གཞན་ཉིད་མ་ཡིན་པ་དང་།
D1.004.0266a02.01འཇིག་རྟེན་ཕ་རོལ་གཞན་མ་ཡིན་པ་ཉིད་དང་གཞན་མ་ཡིན་པ་ཉིད་མ་ཡིན་པ་ཡིན་ནམ་ཞེས་འདྲི་ན་དེ་ལ་བདག་འཇིག་རྟེན་ཕ་རོལ་གཞན་མ་ཡིན་པ་ཉིད་དང་གཞན་མ་ཡིན་པ་ཉིད་མ་ཡིན་ནོ་ཞེས་དྲིས་པའི་ལན་འདེབས་སོ་ཞེས་མཆི་ནས་བདག་དེ་ལ་འདི་སྙམ་དུ་སེམས་ཏེ། རྒྱལ་པོའི་ཁབ་
D1.004.0266a03.01འདི་ན་རབ་ཏུ་བྱུང་བར་གྱུར་པ་ཇི་སྙེད་གནས་པ་དེ་རྣམས་ཀྱི་ནང་ན་ལྷག་པར་བླུན་པ། ལྷག་པར་གླེན་པ། ལྷག་པར་སླུ་བར་བྱེད་པ་ནི་འདི་ལྟ་སྟེ། ཀ་ཏྱའི་བུ་ནོག་ཅན་འདི་ཡིན་ནོ་སྙམ་པ་ལས་དེ་ལ་ཡང་བདག་འདི་སྙམ་དུ་སེམས་ཏེ། གཟུགས་བཟང་པོར་བཀུར་བ་ཡུལ་ན་གཉུག་མར་
D1.004.0266a04.01གནས་པའི་དགེ་སྦྱོང་ངམ་བྲམ་ཟེ་ལ་མངོན་སུམ་དུ་སྨད་པ་ནི་བདག་གི་ཆ་མ་ལགས་སོ་སྙམ་ནས་བདག་གིས་ཀ་ཏྱའི་བུ་ནོག་ཅན་གྱིས་སྨྲས་པ་ལ་མངོན་པར་བསྟོད་པ་ཡང་མི་བགྱིད། སྨད་པ་ཡང་མི་བགྱིད་དེ་མངོན་པར་བསྟོད་པ་ཡང་མ་བགྱིས། སྨད་པ་ཡང་མ་བགྱིས་པར་སྟན་ལས་
D1.004.0266a05.01ལངས་ཏེ་མཆིས་ལགས་ཏེ། བཅོམ་ལྡན་འདས་ལ་བདག་དོན་དེ་ཁོ་ན་ཞུ་ལགས་ན། བཙུན་པ་འཇིག་རྟེན་གྱི་ལས་ཀྱི་གནས་དང་། བཟོའི་གནས་ཐ་དད་པ་གང་དག་ལགས་པ་འདི་ལྟ་སྟེ། ཕྲེང་རྒྱུད་པ་དང་། སྨྱུག་མ་མཁན་དང་། གདན་པ་དང་། རྩྭ་ཐུན་དང་། འདུལ་མཁན་དང་།
D1.004.0266a06.01གླང་པོ་ཆེ་ལ་འཚལ་བ་དང་། རྟ་ལ་འཚལ་བ་དང་། ཤིང་རྟ་མཁན་དང་། རལ་གྲིའི་ཐབས་དང་། གཞུའི་འཛིན་སྟངས་པ་དང་། ཞམ་འབྲིང་བགྱིད་པ་དང་། གོ་རེ་ལོང་དང་། བྲོ་ག་ལེན་པ་དང་རྒྱལ་པོའི་བུ་རབ་གནོན་ཚན་པོ་ཆེ་དཔའ་བ་རྟུལ་ཕོད་པ་རྣམས་དང་། མཉེས་པར་
D1.004.0266a07.01