完整藏文原文 · 德格版页 当前仅加载第 4 函德格 20a 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་པ་དང་རླུང་ཐམས་ཅད་སྤྱི་བོའི་ནང་དུ་སོང་ནས། དེ་དེའི་དབུ་ལ་དབུའི་ཚོར་བ་ཤིན་ཏུ་མི་བཟད་པ་སྐྱེས་སོ། །དཔེར་ན་མི་སྟོབས་དང་ལྡན་པས་མི་སྟོབས་ཤིན་ཏུ་ཆུང་བའི་སྤྱི་བོར་ལྕགས་ཀྱི་ཕུར་པ་
D1.004.0020a01.01རྣོན་པོས་བཏབ་ན་དེའི་མགོ་ལ་མགོའི་ཚོར་བ་ཤིན་ཏུ་མི་བཟད་པ་སྐྱེ་བ་དེ་བཞིན་དུ་བྱང་ཆུབ་སེམས་དཔའ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན་དབུ་ལ་དབུའི་ཚོར་བ་ཤིན་ཏུ་མི་བཟད་པ་སྐྱེས་ཀྱང་དེ་ཞུམ་པ་མ་ཡིན་གྱི་བརྩོན་འགྲུས་བརྩམས་པ་ཡིན།
D1.004.0020a02.01སྐུ་མ་སྦྱངས་པ་མ་ཡིན་གྱི་སྦྱངས་པ་ཡིན། རྨུགས་པ་མ་ཡིན་གྱི་དྲན་པ་ཉེ་བར་གཞག་པ་ཡིན་ཏེ། སེམས་རྩེ་གཅིག་ཏུ་མཉམ་པར་བཞག་པ་ཡིན་ནོ། །བྱང་ཆུབ་སེམས་དཔས་སྡུག་བསྔལ་མི་བཟད་པ་རྩུབ་པ་ཆེ་བ་ཡིད་དུ་མི་འོང་བའི་ཚོར་བ་དེ་ལྟ་བུ་ཉམས་སུ་མྱོང་ཡང་འདི་ལྟར་
D1.004.0020a03.01སྐུ་བསྒོམས་པ་ཡིན་པའི་ཕྱིར་ཐུགས་ཡོངས་སུ་གཏུགས་ཏེ་མི་གནས་སོ། །དེ་འདི་སྙམ་དུ་དགོངས་ཏེ། མ་ལ་བདག་གིས་ལྷག་པར་རྣམ་པར་བམ་པའི་བསམ་གཏན་དག་ལ་སྙོམས་པར་འཇུག་པར་བྱའོ་སྙམ་མོ། །དེས་ལྷག་པར་རྣམ་པར་བམ་པའི་བསམ་གཏན་དག་ལ་
D1.004.0020a04.01སྙོམས་པར་འཇུག་པར་བརྩམས་ཏེ། དེ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་སོ། །དེའི་ཞལ་དང་ཤངས་ནས་དབུགས་རྔུབ་པ་དང་འབྱུང་བ་བགགས་པས་རླུང་ཐམས་ཅད་སྙན་གཉིས་ཀྱི་བུ་
D1.004.0020a05.01གནས་རྒྱུས་པར་གྱུར་ཏོ། །དཔེར་ན་མགར་བས་སྦུད་པ་བུས་ན་རླུང་ཐམས་ཅད་ཀྱི་རྒྱུན་གྲྭ་གཉིས་ཀྱི་བུ་གནས་རྒྱུ་བ་དེ་བཞིན་དུ་བྱང་ཆུབ་སེམས་དཔའ་རྣམ་པར་བམ་པའི་བསམ་གཏན་དག་ལ་སྙོམས་པར་ཞུགས་པ་ན་རླུང་ཐམས་ཅད་ཀྱི་རྒྱུན་སྙན་གཉིས་ཀྱི་བུ་གནས་རྒྱུས་པར་གྱུར་
D1.004.0020a06.01ཀྱང་དེ་ཞུམ་པ་མ་ཡིན་གྱི་བརྩོན་འགྲུས་བརྩམས་པ་ཡིན། སྐུ་མ་སྦྱངས་པ་མ་ཡིན་གྱི་སྦྱངས་པ་ཡིན། རྨུགས་པ་མ་ཡིན་གྱི་དྲན་པ་ཉེ་བར་གཞག་པ་ཡིན་ཏེ། སེམས་རྩེ་གཅིག་ཏུ་མཉམ་པར་བཞག་པ་ཡིན་ནོ། །བྱང་ཆུབ་སེམས་དཔས་སྡུག་བསྔལ་མི་བཟད་པ་རྩུབ་པ་ཆེ་བ་
D1.004.0020a07.01