完整藏文原文 · 德格版页 当前仅加载第 4 函德格 39a 版页；藏文 NFD、目录标记与异常页序保留在来源切片中，重复版页行以稳定序号区分。
ཚངས་པ་ཡིན། །གང་ཚེ་ཟག་པ་ཟད་པ་ཐོབ་གྱུར་ནས། །དེ་ནས་དེ་ཡི་སོམ་ཉི་ཐམས་ཅད་འབྲལ། །གང་ཚེ་ཆོས་འདི་དག་ནི་སྐྱེད་བྱེད་པའི། །བརྩོན་འགྲུས་ལྡན་པའི་བསམ་གཏན་ཚངས་པ་ཡིན། །འཇིག་རྟེན་ཀུན་དུ་སྣང་བར་འདུག་པ་ནི། །ཇི་ལྟར་ཉི་མ་བར་
D1.004.0039a01.01སྣང་ཤར་བ་བཞིན། །གང་ཚེ་ཆོས་འདི་དག་ནི་སྐྱེད་བྱེད་པའི། །བརྩོན་འགྲུས་ལྡན་པའི་བསམ་གཏན་ཚངས་པ་ཡིན། །བདུད་ཀྱི་སྡེ་རྣམས་རྣམ་པར་བཅོམ་གནས་ཏེ། །སངས་རྒྱས་ཀུན་དུ་སྦྱོར་ལས་རྣམ་པར་གྲོལ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ།
D1.004.0039a02.01བདག་གིས་ཆོས་ཟབ་མོ་ཟབ་པར་སྣང་བ་མཐོང་བར་དཀའ་ཞིང་ཁོང་དུ་ཆུད་པར་དཀའ་བ་རྟོག་གེ་པ་རྣམས་ཀྱི་རྟོག་གེའི་སྤྱོད་ཡུལ་མ་ཡིན་པ་ཞིབ་མོ་མཛངས་པའི་མཁས་པ་དང་། རིག་པས་རྣམ་པར་ཤེས་པར་བྱ་བ་རྟོགས་ཏེ། དེ་བདག་གིས་གཞན་ལ་སྨྲས་ཀྱང་གཞན་གྱིས་དེ་
D1.004.0039a03.01མི་ཤེས་པས་དེས་བདག་དུབ་པར་འགྱུར། ངལ་བར་འགྱུར། སེམས་ལ་སྤྲོ་བ་མེད་པ་ཁོ་ནར་འགྱུར་བར་ཟད་པས་མ་ལ་བདག་གཅིག་པུ་དགོན་པའི་ནགས་སྟུག་པོར་མཐོང་བའི་ཆོས་ལ་བདེ་བར་གནས་པའི་རྣལ་འབྱོར་ལ་རྗེས་སུ་བརྩོན་པས་གནས་པར་བྱའོ་སྙམ་སྟེ། དེ་ནས་བཅོམ་
D1.004.0039a04.01ལྡན་འདས་ཐུགས་ལས་ཆུང་ངུས་བཞུགས་པ་ལ་ཐུགས་གཞོལ་བར་མཛད་ཅིང་ཆོས་འཆད་པ་ལ་མ་ཡིན་ནོ། །དེ་ནས་ཚངས་པ་མི་མཇེད་ཀྱི་བདག་པོ་འདི་སྙམ་དུ་སེམས་ཏེ། ཀྱེ་མའོ་འཇིག་རྟེན་འདི་མ་རུང་བའོ་ཀྱེ་མའོ་འཇིག་རྟེན་འདི་མ་རུང་བ་སྟེ། གང་གི་ཕྱིར་ད་ལྟར་བརྒྱ་ལམ་ན་ལན་
D1.004.0039a05.01འགའ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ་བྱུང་བ་ནི་དཔེར་ན་ཨུ་དུམ་བཱ་རའི་མེ་ཏོག་བཞིན་ན། བཅོམ་ལྡན་འདས་དེ་ད་ལྟར་ཐུགས་ལས་ཆུང་ངུས་བཞུགས་པ་ལ་ཐུགས་གཞོལ་བར་མཛད་ཅིང་ཆོས་འཆད་པ་ལ་ནི་མ་ཡིན་པས་མ་ལ་
D1.004.0039a06.01བདག་དེར་སོང་ལ་གསོལ་བ་གདབ་བོ་སྙམ་མོ། །དེ་ནས་ཚངས་པ་མི་མཇེད་ཀྱི་བདག་པོས་དཔེར་ན་སྐྱེས་བུ་སྟོབས་དང་ལྡན་པའི་དཔུང་པ་བསྐུམས་ནས་བརྐྱང་བའམ། བརྐྱང་ནས་བསྐུམས་པ་ཙམ་གྱིས་ཚངས་པ་མི་མཇེད་ཀྱི་བདག་པོ་ཚངས་པའི་འཇིག་རྟེན་ནས་མི་སྣང་བར་བྱས་ཏེ།
D1.004.0039a07.01