完整藏文原文 · 德格版页 当前仅加载第 4 函德格 152b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་གྱི་ཐུགས་ལ་འཐད་པ་དང་། བཀའ་སྩལ་པ་འཛིན་པ་དང་། རང་གི་དོན་ཡང་ཉམས་པར་མི་འགྱུར་བ་ཡིན་ནོ་ཞེས་ཚེ་དང་ལྡན་པ་ཀུན་དགའ་བོ་ལ་གཏད་དོ། །དཔེར་ན་ཁང་པ་བརྩེགས་པའམ། ཁང་པ་བརྩེགས་པའི་ཁྱམས་བྱང་ཕྱོགས་སུ་རིང་བ་ཤར་ཕྱོགས་སུ་སྐར་ཁུང་
D1.004.0152b01.01བཏོད་པ། ཤར་ཕྱོགས་སུ་སྐར་ཁུང་ནས་ཉི་མའི་འོད་ཟེར་ཤར་བ་ནུབ་ཕྱོགས་ཀྱི་རྩིག་པའི་ངོས་ལ་འབབ་པ་དེ་བཞིན་དུ་ངའི་རིམ་གྲོ་དགེ་སློང་ཀུན་དགའ་བོས་བྱས་ན་ཐུགས་ལ་མི་འཐད་པ་མ་ཡིན་གྱི་ཐུགས་ལ་འཐད་པ་དང་། བཀའ་སྩལ་པ་འཛིན་པ་དང་། རང་གི་དོན་ཡང་ཉམས་
D1.004.0152b02.01པར་མི་འགྱུར་བ་ཡིན་ནོ་ཞེས་བཅོམ་ལྡན་འདས་ཀྱི་ཐུགས་ཚེ་དང་ལྡན་པ་ཀུན་དགའ་བོ་ལ་གཏད་ཀྱིས་ཚུར་བདག་ཅག་དོང་ལ་སྤྲོ་བར་བྱའོ། །དེ་ནས་ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་ཚེ་དང་ལྡན་པ་ཀུན་དགའ་བོ་གང་ན་བ་དེར་སོང་སྟེ་ཕྱིན་ནས། ཚེ་དང་
D1.004.0152b03.01ལྡན་པ་ཀུན་དགའ་བོ་དང་ལྷན་ཅིག་མངོན་དུ་ཡང་དག་པར་དགའ་བ་དང་། ཡང་དག་པར་མགུ་བར་འགྱུར་བའི་གཏམ་རྣམ་པ་སྣ་ཚོགས་བྱས་ཏེ། ཚེ་དང་ལྡན་པ་ཤཱ་རིའི་བུ་དང་། མཽད་གལ་གྱི་བུ་གཉིས་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས། དེ་ནས་ཚེ་
D1.004.0152b04.01དང་ལྡན་པ་ཤཱ་རིའི་བུས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་སྨྲས་སོ། །ཚེ་དང་ལྡན་པ་ཀུན་དགའ་བོ་ཁྱོད་བཅོམ་ལྡན་འདས་ཀྱི་རིམ་གྲོ་པར་སྤྲོའམ། བདེ་བར་གཤེགས་པ་ལ་བསྙེན་བཀུར་བྱ་བ་ནི་ཁྱོད་ལ་དོན་ཆེན་པོར་འགྱུར་རོ། །ཚེ་དང་ལྡན་པ་ཤཱ་རིའི་བུ་
D1.004.0152b05.01བཅོམ་ལྡན་འདས་ཀྱི་རིམ་གྲོ་པར་བདག་མི་སྤྲོའོ། །དེ་ཅིའི་ཕྱིར་ཞེ་ན། འདི་ལྟར་སངས་རྒྱས་བཅོམ་ལྡན་འདས་རྣམས་ནི་བསྙེན་པར་དཀའ་ཞིང་བཟོད་པར་དཀའ་བ་ཡིན་ནོ། །འདི་ལྟ་སྟེ་དཔེར་ན་མེ་འབར་བའི་མེ་ཕྲག་ནི་བསྙེན་པར་དཀའ་ཞིང་བཟོད་པར་དཀའ་བ་ཡིན་ནོ། །དེ་
D1.004.0152b06.01བཞིན་དུ་སངས་རྒྱས་བཅོམ་ལྡན་འདས་རྣམས་ཀྱང་བསྙེན་པར་དཀའ་ཞིང་བཟོད་པར་དཀའ་བས་བཅོམ་ལྡན་འདས་ཀྱི་རིམ་གྲོ་པར་བདག་མི་སྤྲོའོ། །འདི་ལྟ་སྟེ་དཔེར་ན་གཅན་གཟན་གྱི་རྒྱལ་པོ་སེང་གེ་རི་ཕུག་ན་གནས་པའི་སོ་ཕྲག་ནི་བསྙེན་པར་དཀའ་ཞིང་བཟོད་པར་དཀའ་བ་ཡིན་ནོ། །
D1.004.0152b07.01