完整藏文原文 · 德格版页 当前仅加载第 4 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
སྩལ་པ། འཆར་ཀ་རབ་ཏུ་བྱུང་ལ་ཇི་ལྟར་དམ་བཅས་པ་བཞིན་དུ་གྱིས་ཤིག །འདི་ལྟར་བཅོམ་ལྡན་འདས་སྔོན་བྱང་ཆུབ་སེམས་དཔར་གྱུར་པ་ན། ཡབ་དང་། ཡུམ་དང་། མཁན་པོ་དང་། སློབ་དཔོན་དང་། བླ་མ་དང་། བླ་མའི་གནས་ལྟ་བུ་རྣམས་ཀྱི་ཆོས་དང་
D1.004.0092b01.01མཐུན་པའི་ཚིག་ལན་འགའ་ཡང་སླར་མ་བཟློག་གོ། །འཆར་ཀས་གསོལ་པ། བཅོམ་ལྡན་འདས་གལ་ཏེ་དེ་ལྟ་ན་རབ་ཏུ་འབྱུང་ལགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་འཆར་ཀ་འདི་ནི་ཡུན་རིང་པོའི་དོན་དང་ཕན་
D1.004.0092b02.01པ་དང་བདེ་བའི་ཕྱིར་རབ་ཏུ་ཕྱུང་ཤིག །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལས་མཉན་ནས་འཆར་ཀ་རབ་ཏུ་ཕྱུང་བསྙེན་པར་རྫོགས་པར་བྱས་ཏེ་ཀུན་དུ་སྤྱོད་པའི་ཆོས་དག་དེ་ལ་རྒྱས་པར་སྨྲས་ནས། འཆར་ཀ་འདི་ནི་ཁྱོད་ཀྱི་བྱ་བ་ཡིན་ཏེ།
D1.004.0092b03.01དེང་ཕན་ཆད་བུད་མེད་དང་ལྷན་ཅིག་ཁང་པ་གཅིག་ཏུ་ཉལ་བར་མི་བྱའོ་ཞེས་བྱ་བ་ལ་སོགས་པ་དག་གོ། །བཙུན་པ་བཀའ་བཞིན་འཚལ་ཞེས་འཆར་ཀས་ཚེ་དང་ལྡན་པ་ཤཱ་རིའི་བུའི་རྐང་པ་གཉིས་ལ་མགོ་བོས་ཕྱག་བྱས་ཏེ་སོང་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་།
D1.004.0092b04.01བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་སེར་སྐྱའི་གཞིར་མཆི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འཆར་ཀ་སོང་ལ་ཁྱོད་མོད་ཁོ་ནས་རྒྱལ་པོའི་ཁབ་ཏུ་མ་འཇུག་པར་སྒོ་
D1.004.0092b05.01ན་སྡོད་ལ་ཤཱཀྱའི་དགེ་སློང་འོངས་སོ་ཞེས་བརྗོད་པར་བྱའོ། །གལ་ཏེ་ནང་དུ་སྤྱོན་ཅིག་ཅེས་གླེང་ན་འཇུག་པར་བྱའོ། །ཞུགས་ནས་གལ་ཏེ་ཤཱཀྱའི་དགེ་སློང་གཞན་ཡང་ཡོད་དམ་ཞེས་ཟེར་ན་ཡོད་དོ་ཞེས་བརྗོད་པར་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་ཡང་འདི་འདྲ་ཞིང་
D1.004.0092b06.01ཆ་བྱད་འདི་འདྲའམ་ཞེས་འདྲི་ན། འདི་འདྲ་ཞིང་ཆ་བྱད་འདི་འདྲའོ་ཞེས་བརྗོད་པར་བྱའོ། །ཁྱོད་ཀྱིས་རྒྱལ་པོའི་ཁབ་ཏུ་ཡང་གནས་པར་མི་བྱའོ། །གལ་ཏེ་གཞོན་ནུ་དོན་ཐམས་ཅད་གྲུབ་པ་ཡང་རྒྱལ་པོའི་ཁབ་ཏུ་གནས་པར་མི་བྱེད་དམ་ཞེས་གླེང་ན། མི་བཞུགས་སོ་ཞེས་བརྗོད་
D1.004.0092b07.01