完整藏文原文 · 德格版页 当前仅加载第 4 函德格 131a 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་དགའ་བར་མཛད་ནས་གདན་ལས་བཞེངས་ཏེ་གཤེགས་སོ། །དེ་ནས་རྒྱལ་པོ་ཀྲྀ་ཀཱིས་ཡང་དག་པར་རྫོགས་པའི་སངས་རྒྱས་འོད་སྲུང་གཤེགས་ནས་རིང་པོ་མ་ལོན་པར་ཤེས་ནས་མི་ཞིག་ལ་སྨྲས་པ། ཀྱེ་ནང་རྗེ་ཚུར་ཤོག །ཁྱོད་ཀྱིས་འབྲས་སོག་མའི་སྦུབས་
D1.004.0131a01.01སུ་སྨིན་པ་ཤིང་རྟ་ལྔ་བརྒྱ་ཙམ་ཁོང་ལ་རྫ་མཁན་དགའ་སྐྱོང་གང་ན་བ་དེར་སོང་སྟེ་ཕྱིན་ནས་རྫ་མཁན་དགའ་སྐྱོང་ལ་འདི་སྐད་ཅེས། དེས་པ་དགའ་སྐྱོང་ཁྱོད་ལ་རྒྱལ་པོ་ཀྲྀ་ཀཱིས་འབྲས་སོག་མའི་སྦུབས་སུ་སྨིན་པ་ཤིང་རྟ་ལྔ་བརྒྱ་ཙམ་པོ་བསྐུར་བ་འདི་དག་ཡིན་གྱིས། དེ་ལས་ཁྱོད་བདག་ཉིད་དང་ཁྱོད་
D1.004.0131a02.01ཉིད་ཀྱི་ཕ་མ་ཡང་དག་པའི་བདེ་བས་ཚིམ་པར་བྱ་བ་དང་། ཡང་དག་པར་རྫོགས་པའི་སངས་རྒྱས་འོད་སྲུང་ལ་ཡང་དུས་དུས་སུ་བསོད་སྙོམས་ཕུལ་ཅིག་ཅེས་གསུང་ངོ་ཞེས་སྨྲོས་ཤིག །ལྷ་བཀའ་བཞིན་འཚལ་ལོ་ཞེས་མི་དེས་རྒྱལ་པོ་ཀྲྀ་ཀཱི་ལས་མཉན་ནས་འབྲས་སོག་མའི་སྦུབས་སུ་
D1.004.0131a03.01སྨིན་པས་ཤིང་རྟ་ལྔ་བརྒྱ་ཙམ་བཀང་སྟེ། རྫ་མཁན་དགའ་སྐྱོང་གང་ན་བ་དེར་སོང་ནས་ཕྱིན་པ་དང་། རྫ་མཁན་དགའ་སྐྱོང་ལ་འདི་སྐད་ཅེས་སྨྲས་སོ། །དེས་པ་དགའ་སྐྱོང་ཁྱོད་ལ་རྒྱལ་པོ་ཀྲྀ་ཀཱིས་འབྲས་སོག་མའི་སྦུབས་སུ་སྨིན་པ་ཤིང་རྟ་ལྔ་བརྒྱ་ཙམ་པོ་བསྐུར་བ་འདི་དག་ཡིན་གྱིས།
D1.004.0131a04.01དེ་ལས་ཁྱོད་བདག་ཉིད་དང་ཁྱོད་ཀྱི་ཕ་མ་ཡང་དག་པའི་བདེ་བས་ཚིམ་པར་བྱ་བ་དང་། ཡང་དག་པར་རྫོགས་པའི་སངས་རྒྱས་འོད་སྲུང་ལ་ཡང་དུས་དུས་སུ་བསོད་སྙོམས་ཕུལ་ཅིག་ཅེས་གསུང་ངོ་། །ཀྱེ་ནང་རྗེ་རྒྱལ་པོ་རྣམས་ནི་བྱ་བ་སྒྲུབ་པ་མང་ངོ་ཞེས་སྨྲས་ནས་ལེན་དུ་མ་བཏུབ་བོ། །དགེ་སློང་དག་
D1.004.0131a05.01འདི་ཇི་སྙམ་དུ་སེམས། དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་བླ་མ་གང་ཡིན་པ་དེ་ནི་ང་ཡིན་ཏེ། ངས་དགེ་སྦྱོང་མགོ་རེག་དེ་ལ་བྱང་ཆུབ་ག་ལ་ཡོད། བྱང་ཆུབ་ནི་མཆོག་ཏུ་དཀའ་བ་ཡིན་ནོ་ཞེས་ཡང་དག་པར་རྫོགས་པའི་སངས་རྒྱས་འོད་སྲུང་ལ་ངག་རྩུབ་པོ་ཕྱུང་བ་གང་ཡིན་པ་དེའི་ལས་ཀྱི་རྣམ་པར་སྨིན་
D1.004.0131a06.01པས་ད་ལྟར་ངས་དཀའ་བ་ལོ་དྲུག་སྤྱད་དོ། །གལ་ཏེ་ངས་བྱང་ཆུབ་ལ་སྐུར་བ་བཏབ་པར་གྱུར་ན་སླར་ཡང་ངས་བྱང་ཆུབ་ཀྱི་ཆེད་དུ་བསྐལ་པ་གྲངས་མེད་པ་གསུམ་དུ་བདག་ཉིད་དུབ་པར་བྱས་པར་འགྱུར་རོ། །དགེ་སློང་དག་ཁྱེད་དེ་ལྟ་བས་ན་ལས་གཅིག་ཏུ་གནག་པ་རྣམས་ཀྱི་རྣམ་པར་སྨིན་པ་ནི་
D1.004.0131a07.01