完整藏文原文 · 德格版页 当前仅加载第 37 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཡོངས་སུ་སྨིན་པའི་ཚུལ་ཇི་ལྟ་བ་བཞིན་དུ། དུས་བབ་པ་ཤེས་པས་སངས་རྒྱས་བསྙེན་བཀུར་བ་ཡོངས་སུ་བསྟན་པ་དང་། སྐད་ཅིག་གཅིག་ལ་འཇིག་རྟེན་གྱི་ཁམས་ཐམས་ཅད་དུ་སེམས་ཅན་ཇི་ལྟར་འདུལ་བའི་ཚུལ་
D44.037.0004a01.01བཞིན་དུ་དེ་བཞིན་གཤེགས་པ་བརྗོད་དུ་མེད་པ་དང་། སངས་རྒྱས་ཀྱི་སྐུ་སྣ་ཚོགས་རྣམ་པར་དམིགས་པ་ཡོངས་སུ་བསྟན་པ་དང་། སྐད་ཅིག་གཅིག་ལ་འཇིག་རྟེན་གྱི་ཁམས་ཐམས་ཅད་དུ། རྒྱན་སྣ་ཚོགས་དང་རྒྱན་བརྗོད་དུ་མེད་པས། དེ་བཞིན་
D44.037.0004a02.01གཤེགས་པའི་ཁྱུ་མཆོག་གི་མཐུ་ཕྱུང་བ་དང་། ཐམས་ཅད་མཁྱེན་པའི་མཛོད་ཡོངས་སུ་བསྟན་པ་དང་། སྐད་ཅིག་གཅིག་ལ་འཇིག་རྟེན་གྱི་ཁམས་ཐམས་ཅད་དུ་རྣམ་པར་དག་པ་གཅིག་མ་ཡིན་པ་ཐམས་ཅད་ཡོངས་སུ་བསྟན་པ་དང་། སྐད་ཅིག་
D44.037.0004a03.01གཅིག་ལ་འཇིག་རྟེན་གྱི་ཁམས་ཐམས་ཅད་དུ་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་སྐྱེ་བ་ཐམས་ཅད་དུ་དབང་པོ་དང་། བརྩོན་འགྲུས་རྣམ་པ་ཐ་དད་པ་བྱུང་བ་དང་། མོས་པ་དང་། སྤྱོད་པ་རྣམ་པ་ཐ་དད་པ་བྱུང་བ་ལ་དུས་
D44.037.0004a04.01གསུམ་གྱི་སངས་རྒྱས་ཀྱི་རྒྱུད་དུ་མངོན་པར་འཚང་རྒྱ་བ་ཡོངས་སུ་བསྟན་པ་སྟེ། ཀྱེ་རྒྱལ་བའི་སྲས་བཅུ་པོ་དེ་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་སྐད་ཅིག་ལ་ཡེ་ཤེས་མངོན་པར་བསྒྲུབ་པ་ཡང་དག་བསྟན་པའོ། །ཀྱེ་རྒྱལ་
D44.037.0004a05.01བའི་སྲས་བཅུ་པོ་འདི་དག་ནི། སངས་རྒྱས་བཅོམ་ལྡན་འདས་རྣམས་ཀྱི་སངས་རྒྱས་ཀྱི་དུས་ལས་མི་འདའ་བ་སྟེ། བཅུ་གང་ཞེ་ན། སངས་རྒྱས་བཅོམ་ལྡན་འདས་རྣམས་ཀྱི་མངོན་པར་འཚང་རྒྱ་བ་ནི། དེའི་དུས་ལས་མི་འདའ་བས་དུས་ལ་བབ་པ་ཡིན།
D44.037.0004a06.01སངས་རྒྱས་བཅོམ་ལྡན་འདས་རྣམས་ཀྱི་དགེ་བ་རྣམ་པར་སྨིན་པ་དང་། རྣམ་པར་མ་སྨིན་པ་མཉམ་པ་ཉིད་ནི་དེའི་དུས་ལས་མི་འདའ་བས་དུས་ལ་བབ་པ་ཡིན། སངས་རྒྱས་བཅོམ་ལྡན་འདས་རྣམས་ཀྱིས་ཡོངས་སུ་སྨིན་པའི་བྱང་ཆུབ་སེམས་
D44.037.0004a07.01